Pakistan PM Shehbaz: పాక్ ప్రధానికి షాక్ ఇచ్చిన భారత్!
పాకిస్తాన్లోని ఎఫ్ఎం రేడియో కేంద్రాలు గురువారం (మే 1, 2025) నాడు భారతీయ పాటల ప్రసారాన్ని నిలిపివేశాయి. ఫల్గామ్ ఉగ్రవాద దాడి నేపథ్యంలో పాకిస్తాన్, భారత్ మధ్య ఉద్రిక్తతల మధ్య ఈ చర్య తీసుకోబడింది.
- Author : Gopichand
Date : 02-05-2025 - 6:40 IST
Published By : Hashtagu Telugu Desk
Pakistan PM Shehbaz: పహల్గాం ఉగ్రవాద దాడి తర్వాత భారత్, పాకిస్తాన్ మధ్య ఉద్రిక్త వాతావరణం నెలకొని ఉంది. ఈ నేపథ్యంలో కేంద్ర ప్రభుత్వం పాకిస్తాన్ ప్రధాని షెహబాజ్ షరీఫ్ అధికారిక యూట్యూబ్ ఛానెల్ను భారత్లో బ్లాక్ చేసింది. భారత ప్రభుత్వం పాకిస్తాన్ ప్రధాని షెహబాజ్ షరీఫ్ (Pakistan PM Shehbaz), రాష్ట్రపతి ఆసిఫ్ అలీ జర్దారీ, మర్యం నవాజ్, బిలావల్ భుట్టోతో సహా పాకిస్తాన్కు చెందిన పలువురు నాయకులు, మంత్రుల ఇన్స్టాగ్రామ్ ఖాతాలను భారత్లో నిషేధించింది.
పాక్ క్రికెటర్ల ఇన్స్టాగ్రామ్ ఖాతాలు భారత్లో బ్లాక్
ఈ చర్యను భారత ప్రభుత్వం 16 ప్రముఖ పాకిస్తానీ యూట్యూబ్ ఛానెళ్లపై నిషేధం విధించిన తర్వాత తీసుకుంది. ఈ యూట్యూబ్ ఛానెళ్లు భారత సైన్యం, భద్రతా సంస్థలకు వ్యతిరేకంగా రెచ్చగొట్టే, మతపరంగా సున్నితమైన కంటెంట్తో పాటు తప్పుడు, గందరగోళ వీడియోలను ప్రదర్శించాయి. ఇంతకుముందు భారత ప్రభుత్వం పాకిస్తాన్కు చెందిన పలువురు సెలబ్రిటీల సోషల్ మీడియా ఖాతాలపై డిజిటల్ స్ట్రైక్ చేసింది. ఇందులో పలువురు క్రికెటర్లు కూడా ఉన్నారు. భారత్ శుక్రవారం (మే 2, 2025) నాడు బాబర్ ఆజమ్, మొహమ్మద్ ఆమిర్, నసీమ్ షా, షాహీన్ అఫ్రిదీ, మొహమ్మద్ రిజ్వాన్, హారిస్ రౌఫ్, ఇమామ్ ఉల్ హక్ ల ఇన్స్టాగ్రామ్ ఖాతాలను భారత్లో బ్లాక్ చేసింది.
Also Read: PM Modi: సీఎం చంద్రబాబుపై ప్రధాని మోడీ ప్రశంసలు..!
తప్పుడు కంటెంట్ కారణంగా పలు యూట్యూబ్ ఛానెళ్లు బ్లాక్
భారత్ నిషేధించిన ప్లాట్ఫారమ్లలో పాకిస్తాన్కు చెందిన ప్రముఖ వార్తా ఛానెళ్లు డాన్, సమా టీవీ, ఏఆర్వై న్యూస్, బోల్ న్యూస్, రఫ్తార్, జియో న్యూస్, సునో న్యూస్ యూట్యూబ్ ఛానెళ్లు ఉన్నాయి. అంతేకాక జర్నలిస్టులు ఇర్షాద్ భట్టీ, అస్మా షిరాజీ, ఉమర్ చీమా, మునీబ్ ఫరూఖ్ యూట్యూబ్ ఛానెళ్లపై కూడా నిషేధం విధించారు. వీటితో పాటు ది పాకిస్తాన్ రిఫరెన్స్, సమా స్పోర్ట్స్, ఉజైర్ క్రికెట్ వంటి యూట్యూబ్ హ్యాండిల్స్పై కూడా ఆంక్షలు విధించబడ్డాయి.
ప్రధానమంత్రి నరేంద్ర మోదీ పహల్గామ్ ఉగ్రవాద దాడికి బాధ్యులైన వారికి కఠిన శిక్ష విధిస్తామని ప్రతిజ్ఞ చేశారు. ఉగ్రవాదులు, వారికి ఆశ్రయం ఇచ్చేవారికి ఊహించని శిక్ష విధిస్తామని ఆయన అన్నారు. కేంద్ర హోం మంత్రి అమిత్ షా కూడా ఉగ్రవాదులను ఎంచి ఎంచి సంహరిస్తామని చెప్పారు.
పాకిస్తాన్ భారతీయ పాటల ప్రసారాన్ని నిలిపివేసింది
పాకిస్తాన్లోని ఎఫ్ఎం రేడియో కేంద్రాలు గురువారం (మే 1, 2025) నాడు భారతీయ పాటల ప్రసారాన్ని నిలిపివేశాయి. ఫల్గామ్ ఉగ్రవాద దాడి నేపథ్యంలో పాకిస్తాన్, భారత్ మధ్య ఉద్రిక్తతల మధ్య ఈ చర్య తీసుకోబడింది. భారతీయ పాటలు, ముఖ్యంగా లతా మంగేష్కర్, మొహమ్మద్ రఫీ, కిషోర్ కుమార్, ముకేష్ వంటి గొప్ప గాయకుల పాటలు పాకిస్తానీలలో ప్రజాదరణ పొందాయి. ఇవి ఇక్కడ ఎఫ్ఎం రేడియో కేంద్రాలలో రోజూ ప్రసారం అవుతాయి.
Follow us
