KTR : అక్కరకు రాని ఇందిరమ్మ భరోసా-రైతు భరోసాలో రైతునే మాయం చేసిన కాంగ్రెస్

KTR To ED

KTR : బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్, కాంగ్రెస్ ప్రభుత్వంపై తీవ్ర స్థాయిలో విమర్శలు గుప్పించారు. తన ట్విట్టర్ (సోషల్ మీడియా ఎక్స్) వేదికగా కేటీఆర్ ఈ విమర్శలు చేశారు. “అక్కరకు రాని చుట్టము.. మ్రొక్కిన వరమీని వేల్పు మోహరమునఁదా.. నెక్కినఁ బారని గుర్రము.. గ్రక్కున విడువంగ వలయుఁ గదరా సుమతీ!” అంటూ ప్రారంభించిన ఆయన, కాంగ్రెస్ ప్రభుత్వంపై తన అసంతృప్తిని వ్యక్తం చేశారు. “అక్కరకు రాని ఇందిరమ్మ భరోసా-రైతు భరోసాలో రైతునే మాయం చేసిన కాంగ్రెస్,” అని కేటీఆర్ వ్యాఖ్యానించారు. రైతుల సంక్షేమానికి సంబంధించిన పథకాలు తీసుకురావడం కాకుండా, కాంగ్రెస్ ప్రభుత్వం ఒక్క పథకం కూడా ఇవ్వలేదని ఆయన ఆరోపించారు.

కేటీఆర్ కాంగ్రెస్ ప్రభుత్వాన్ని “మోసానికి మారు పేరు” అని, “ధోకాలకు కేరాఫ్” అంటూ తీవ్ర విమర్శలు చేశారు. “రైతుద్రోహి ముఖ్యమంత్రి రేవంత్ రెడ్డి,” అని ఆయన పిలిచి, “రైతుల వ్యతిరేకి కాంగ్రెస్ ప్రభుత్వం” అని చెప్పడంతో పాటు, “ఇందిరమ్మ రాజ్యం” అనే పదజాలాన్ని ఉపయోగించారు. వరంగల్ డిక్లరేషన్ ను అబద్దం, రాహుల్ ఓరుగల్లు ప్రకటనను బూటకం అన్నారు.

పార్లమెంట్ ఎన్నికలపై కూడా కేటీఆర్ స్పందించారు. “పది, పదిహేను మంది ఎంపీలతో నితీష్ కుమార్, చంద్రబాబు కేంద్రంలో చక్రం తిప్పుతున్నారు. వారిలాగే మనకూ ఒక రోజు వస్తుంది, తప్పకుండా కేంద్రంలో చక్రం తిప్పుతాం,” అని చెప్పిన ఆయన, గడచిన అసెంబ్లీ ఎన్నికల్లో స్వల్ప మెజారిటీతో ఓడిపోకమనే పొరపాట్లను గుర్తు చేశారు.

Guinness Record : సూర్యాపేట యువకుడి అరుదైన ఘనత.. గిన్నిస్ రికార్డు సాధించిన క్రాంతి కుమార్

కేటీఆర్, “సంవత్సరం గడిచినా కేంద్రం నుంచి తెలంగాణకు వచ్చిన నిధులు గుండుసున్నా,” అంటూ, కాంగ్రెస్ ప్రభుత్వం ఆరు గ్యారెంటీల అమలు విషయంలో విఫలమైందని పేర్కొన్నారు. “నాలుగు వందల రోజులు గడిచినా గ్యారెంటీలకు దిక్కు లేకుండా పోయింది,” అని విమర్శించారు.

రైతు బంధు పథకం గురించి కూడా కేటీఆర్ మాట్లాడుతూ, “రేవంత్ రెడ్డి గతంలో మూడు పంటలకు రైతు బంధు ఇవ్వాలన్నారు, ఇప్పుడు రైతు భరోసాకు ప్రమాణ పత్రాలు అడగడం విడ్డూరంగా ఉందని” వ్యాఖ్యానించారు.

రాష్ట్రంలో ఐటీ కట్టేటోళ్లకు, ఉద్యోగులకు భరోసా కట్ చేయడం సరికాదని ఆయన అన్నారు. “ముఖ్యమంత్రి అంటే చీఫ్ మినిస్టర్ కాదు, కటింగ్ మాస్టర్,” అంటూ, ప్రస్తుత పరిస్థితి గురించి వ్యాఖ్యానించారు.

“బీఆర్‌ఎస్‌ గెలిస్తే, సీఎం రేసులో కేటీఆర్‌, కవిత ఉంటారంటూ ప్రచారం జరుగుతోంది,” అని పేర్కొన్న ఆయన, “కేసీఆర్‌ సీఎం కావాలని తెలంగాణ ప్రజలు కోరుకుంటున్నారు,” అన్నారు. “మేడిగడ్డ కొట్టుకుపోవాలని, కేసీఆర్‌కు చెడ్డపేరు రావాలని కాంగ్రెస్ నాయకులు చూస్తున్నారు,” అని ఆయన ఆరోపించారు. పార్లమెంట్ ఎన్నికల్లో, రాష్ట్ర ప్రజల ఆదరణతో బీఆర్‌ఎస్ గెలిస్తే, కేసీఆర్ ముఖ్యమంత్రిగా పదవిని పొందుతారని కేటీఆర్ ధృడంగా చెప్పారు.

India vs Australia: ఆస్ట్రేలియా ఘ‌న‌విజ‌యం.. 3-1తో సిరీస్ కైవ‌సం

Follow us