Hardik Pandya and Natasa Stankovic: మళ్ళీ పెళ్ళి చేసుకుంటున్న భారత స్టార్ క్రికెటర్

టీమిండియా స్టార్ ఆల్ రౌండర్ మళ్ళీ పెళ్ళి చేసుకుంటున్నాడు…ఎవరా ప్లేయర్ అనుకుంటున్నారా .. అతనెవరో కాదు హార్దిక్ పాండ్యా…అదేంటి పాండ్యాకి ఎప్పుడో పెళ్ళి అయింది కదా…ఒక కొడుకు కూడా ఉన్నాడు..ఇప్పుడు మళ్ళీ వివాహం ఏంటి..ఏమైంది..అనుకోకండి…మీరు చదివిన వార్త నిజమే…కానీ పాండ్య పెళ్ళి చేసుకుంటుంది తన భార్యనే. హార్ధిక్ – న‌టాషాలు మూడేళ్ల క్రితం ఒక కోర్టులో వివాహం చేసుకున్నారు. అప్పుడు ప‌రిస్థితులు బాగా లేవు. క‌రోనా నేప‌థ్యంలో సాదాసీదాగా మూడు ముళ్ల బంధంలోకి అడుగుపెట్టారు.

ఆ రోజు నుంచి వాళ్ల మ‌న‌సులో ఆత్మీయులు, బంధుమిత్రుల స‌మ‌క్షంలో సాంప్ర‌దాయంగా, వైభ‌వంగా వివాహం చేసుకోవాల‌ని ఉంది. జీవితంలో మ‌ర్చిపోలేని పెళ్లి రోజును జ్ఞాప‌కంగా మిగుల్చుకోవాల‌ని అన‌కున్నారు. అందుకే హార్దిక్ – న‌టాషా జోడీ ప్రేమికుల రోజు ఫిబ్ర‌వ‌రి 14న గ్రాండ్‌గా పెళ్లి చేసుకోవాల‌నుకున్నారు. ఈ వేడుక‌కు రాజ‌స్థాన్‌లోని ఉద‌య్‌పూర్ వేదిక కానుంది. వీళ్ల వివాహ తంతు ఫిబ్ర‌వ‌రి నేటి నుంచి ఫిబ్ర‌వ‌రి 16 వ‌ర‌కు జ‌ర‌గ‌నుంద‌ని స‌మాచారం.

సెర్బియాకు చెందిన నటాషా 2012లో బాలీవుడ్‌లో మోడ‌ల్, డ్యాన్స‌ర్, న‌టిగా కెరీర్ స్టార్ట్ చేసింది. అమితాబ్ బ‌చ్చ‌న్, అజ‌య్ దేవ్‌గ‌న్, షారుక్ ఖాన్ వంటి స్టార్ హీరోల‌తోనూ న‌టాషా న‌టించింది. ఒకసారి ముంబై నైట్ క్ల‌బ్‌లో హార్దిక్ పాండ్యా, న‌టాషా క‌లిశారు. న‌టాషాను చూడ‌గానే హార్ధిక్ ప్రేమ‌లో ప‌డిపోయాడ‌ట‌. ఆ త‌ర్వాత న‌టాషా కూడా ఈ ఆల్‌రౌండ‌ర్‌పై మ‌న‌సు ప‌డింది. కొన్నాళ్లు వీళ్లిద్ద‌రూ డేటింగ్‌లో ఉన్నారు. ఈ జంట 2020లో కొద్ది మంది స‌న్నిహితుల స‌మ‌క్షంలో పెళ్లితో ఒక్క‌టైంది. వీళ్ల‌కు అగ‌స్త్య అనే కుమారుడు ఉన్నాడు. ప్రస్తుతం పాండ్యా సూపర్ ఫాంలో ఉన్నాడు. త్వరలోనే టీమిండియా టీ ట్వంటీ జట్టు కెప్టెన్ గా పూర్తి స్థాయిలో బాధ్యతలు అందుకోనున్నాడు.