Shocking : అమ్మాయిలు ఇలా తయారేంట్రా బాబు.. గుండెలకు గన్ గురిపెట్టి..!

Gun Lady

Shocking : ఉత్తరప్రదేశ్ రాష్ట్రంలోని హర్దోయ్ జిల్లాలో ఆదివారం ఓ దుర్వినియోగం కలకలం రేపింది. సాధారణంగా జరిగే పెట్రోల్ నింపే పరిస్థితి ఒక్కసారిగా ఉద్రిక్తతగా మారింది. కుటుంబంతో కలిసి కారులో వచ్చిన ఓ యువతి, భద్రతా నిబంధనలు పాటించాలని సూచించిన పెట్రోల్ బంక్ ఉద్యోగిపై తుపాకీతో బెదిరించింది. ఈ ఘటనకు సంబంధించిన వీడియో ప్రస్తుతం సామాజిక మాధ్యమాల్లో వైరల్ అవుతుండగా, స్థానికంగా తీవ్ర చర్చనీయాంశమైంది.

షాబాద్ ప్రాంతానికి చెందిన ఎహ్సాన్ ఖాన్ అనే వ్యక్తి, తన భార్య హుస్న్ బానో, కుమార్తె సురీష్ ఖాన్ అలియాస్ అరిబాతో కలిసి సాయంత్రం 6 గంటల సమయంలో బిల్ గ్రామ్ కొత్వాలీ పరిధిలోని సాండి రోడ్డులో ఉన్న ఓ ప్రైవేట్ పెట్రోల్ బంక్‌కు కారులో వచ్చారు. వారు తమ కారులో సీఎన్‌జీ నింపాలని కోరగా, విధుల్లో ఉన్న సిబ్బంది రజనీష్ కుమార్ భద్రతా కారణాల వల్ల కారులో ఉన్నవారు కిందకు రావాలని సూచించారు. ఇది సాధారణ నిబంధన. కానీ ఖాన్ కుటుంబం దీన్ని అంగీకరించలేదు.

CM Chandrababu : విశాఖలో పర్యటిస్తున్న సీఎం చంద్రబాబు.. అధికారులకు కీలక ఆదేశాలు

వివాదం ఒక్కసారిగా తీవ్రస్థాయికి వెళ్లింది. అధికారులను ఖాతరు చేయని స్థాయిలో, ఎహ్సాన్ ఖాన్ కుమార్తె అరిబా ఆకస్మికంగా తన వద్ద ఉన్న లైసెన్సు రివాల్వర్‌ను తీసి, రజనీష్ కుమార్ ఛాతీపై గురిపెట్టింది. ఒక్కసారిగా పెట్రోల్ బంక్ వద్ద ఉన్న సిబ్బంది, ప్రజలు షాక్‌కు గురయ్యారు. ఎవ్వరూ అర్థం చేసుకోకముందే పరిస్థితి అదుపు తప్పేలా తయారైంది.

ఈ ఘటనపై బాధితుడు రజనీష్ కుమార్ పోలీసులకు ఫిర్యాదు చేయగా, పోలీసులు తక్షణమే స్పందించి యువతి అరిబాతో పాటు ఆమె తండ్రి ఎహ్సాన్ ఖాన్‌ను అదుపులోకి తీసుకున్నారు. వారి వద్ద నుంచి లైసెన్సు రివాల్వర్‌ను సీజ్ చేశారు. దీనిపై కేసు నమోదు చేసి, దర్యాప్తు చేపట్టారు.

Annadata Sukhibhava Scheme : రైతులకు అన్నదాత సుఖీభవ ముఖ్య సమాచారం

Follow us