AP Minister: వచ్చే రెండున్నరేళ్లల్లో అమరావతిని పూర్తిచేస్తాం!

AP Minister: వచ్చే రెండున్నరేళ్లల్లో అమరావతి నిర్మాణాన్ని పూర్తిచేస్తామని ఏపీ కొత్త మినిస్టర్ నారాయణ అన్నారు. రాజధాని నిర్మాణం కోసం 58 రోజుల్లో 33 వేల ఎకరాలు ఇచ్చారని, ⁠గడిచిన ఐదేళ్లలో రాజధాని పేరుతో వైసీపీ మూడు ముక్కలాట ఆడిందని ఆయన మండిపడ్డారు.  ⁠అమరావతి నిర్మాణాలు 90 శాతం పూర్తి చేశామని,  ⁠అమరావతి రైతులకు కచ్చితంగా న్యాయం చేస్తామని మంత్రి నారాయణ ఈ సందర్భంగా తేల్చి చెప్పారు.

⁠ఒక టైం బాండ్ ప్రోగ్రాం పెట్టుకొని అమరావతి నిర్మాణం చేస్తామని, ⁠న్యాయపరమైన చిక్కులు రాకుండా అమరావతి నిర్మాణం చేస్తామని స్పష్టం చేశారు.  ⁠గడిచిన ఐదేళ్లలో మున్సిపల్ శాఖను నిర్వీర్యం చేశారని, ⁠వైసీపీ పాలనలో స్థానిక సంస్థలను పూర్తిగా నిర్వీర్యం చేశారని ఆగ్రహం వ్యక్తం చేశారు. ⁠చెత్త మీద చెత్త పన్ను వేసిన వైసీపీ ప్రభుత్వం అని,  ⁠చెత్తపన్నుపై సమీక్ష జరిపి నిర్ణయం తీసుకుంటాం అని మంత్రి నారాయణ అన్నారు.