Suspend : ఏపీలో మరో ఏపీఎస్‌ అధికారి సస్పెండ్‌

Suspend : ఆంధ్రప్రదేశ్‌లో ఐపీఎస్ అధికారుల సస్పెన్షన్లు వరుసగా జరుగుతుండటం ఆందోళన కలిగిస్తోంది. పోలీసు అనే పేరు వినగానే ఆత్మవిశ్వాసం, క్రమశిక్షణ గుర్తుకువస్తాయి. అయితే, రాష్ట్రంలో పరిస్థితి భిన్నంగా ఉంది. ఇటీవలే జత్వాని కేసులో ముగ్గురు ఐపీఎస్‌లు – కాంతి రానా టాటా, విశాల్ గున్ని, పీఎస్సార్ ఆంజనేయులు సస్పెండ్ కావడం సంచలనం రేపగా, తాజాగా మరో అధికారి ఎన్‌. సంజయ్ సస్పెన్షన్‌తో వార్తల్లో నిలిచారు.

Gold Price Today: తగ్గిన బంగారం ధరలు.. ఎంతంటే..!

జత్వాని కేసు ప్రభావం
ముంబై నటి కాడంబరి జత్వాని కేసులో ముగ్గురు ఐపీఎస్‌లు సస్పెండ్ కావడం పోలీసు శాఖలో కుదుపు తెచ్చింది. ఈ ముగ్గురు అధికారులు ప్రభుత్వం నుంచి ఒత్తిడి తట్టుకోలేక, బాధ్యతలలో విఫలమయ్యారనే ఆరోపణలు ఎదుర్కొంటున్నారు.

ఎన్‌. సంజయ్‌పై చర్యలు
సీఐడీ మాజీ చీఫ్‌గా, అగ్నిమాపక శాఖ డీజీగా పనిచేసిన ఎన్‌. సంజయ్‌పై నిధుల దుర్వినియోగం, అధికార దుర్వినియోగం ఆరోపణలతో ప్రభుత్వం సస్పెన్షన్ విధించింది. టెండర్ల ప్రక్రియలో అవకతవకలు, ఎస్సీ, ఎస్టీ అవగాహన సదస్సుల నిర్వహణలో నిధుల దుర్వినియోగం జరిగినట్లు విజిలెన్స్ ఎన్‌ఫోర్స్‌మెంట్‌ నివేదికలో తేలింది.

మరిన్ని ఆరోపణలు
ఐ అండ్ పీఆర్‌ మాజీ కమిషనర్ విజయ్ కుమార్ రెడ్డిపై కూడా ఏసీబీ కేసు నమోదు చేయడం మరింత దుమారం రేపింది. ఆయనపై అర్హతలేని నియామకాలు, ఇష్టారాజ్యంగా ప్రకటనలు ఇవ్వడం వంటి ఆరోపణలు ఉన్నాయి.

ప్రభుత్వ ఒత్తిడి , ఐపీఎస్‌ల తీరుపై విమర్శలు
ఐపీఎస్ అధికారులు ప్రభుత్వ ఒత్తిడి తట్టుకుని, న్యాయబద్ధంగా వ్యవహరించాలని నిపుణులు సూచిస్తున్నారు. ప్రజల నమ్మకానికి భంగం కలిగించేలా వ్యవహరిస్తే, ఈ విధమైన పరిణామాలు తప్పవంటున్నారు. డిప్యూటీ సీఎం పవన్ కల్యాణ్ కూడా ఇటువంటి ఘటనలపై తీవ్రంగా స్పందిస్తూ అధికారుల తీరును మార్చుకోవాలని హెచ్చరిస్తున్నారు.

పరిణామాలు
ఈ ఘటనలు పోలీసు వ్యవస్థలో పునరాలోచన అవసరం ఉందని స్పష్టం చేస్తున్నాయి. రోల్ మోడల్‌గా ఉండాల్సిన అధికారులు ఈ తరహా వివాదాల్లో చిక్కుకోవడం ప్రజలలో నమ్మకాన్ని తగ్గిస్తోంది. ముఖ్యంగా పాలనలో పారదర్శకత, నైతికతను ప్రాముఖ్యత ఇవ్వడం అవసరమని నిపుణులు సూచిస్తున్నారు.

 
Vijayamma- Jagan: విజ‌య‌మ్మ‌- జ‌గ‌న్‌కు మ‌ధ్య ఉన్న ఆస్తి తగాదాలు ఓ కొలిక్కి వ‌చ్చాయా?