Sexual Abuse: ష్.. గప్ చుప్..!
మహిళలు లైంగిక, మానసిక ఒత్తిడిని ఎదుర్కొంటున్నారు. ఎంతోమంది మౌన వేదనను అనుభవిస్తున్నారు.
- By Balu J Published Date - 04:00 PM, Tue - 26 April 22
‘నా వయసు 8. మా క్లాస్ లో అబ్బాయిలు తరచుగా టీజ్ చేస్తుండేవాళ్లు. ఓ సారి నా స్కర్ట్ ను లాగారు. దీంతో క్లాస్ టీచర్ కు చెప్పాను. ఆ అబ్బాయిలను తిట్టి వదిలేశారు. కానీ రెండు, మూడు రోజుల తర్వాత ఎప్పటిలాగే టీజ్ చేయడం మొదలుపెట్టారు. నేను ఈ విషయం మా అమ్మనాన్నకు చెప్పలేకపోయాను’ అంటోంది ఓ బాలిక.
***
“నాకు 12 సంవత్సరాలు. మరో ముగ్గురు అమ్మాయిలతో బస్ స్టాప్ నుండి ఇంటికి నడుచుకుంటూ వెళుతుండగా, అకస్మాత్తుగా ఒక వ్యక్తి వచ్చి పట్టపగలు మా అందరినీ అనుచితంగా తాకాడు. అసభ్యంగా ప్రవర్తించాడు. దీంతో ఆ వ్యక్తిని మందలించే ప్రయత్నం చేయగా, నా తోటి స్నేహితురాలు వద్దని చెప్పింది. ఈ విషయం ఇంట్లో కూడా చెప్పకూడదని ఆంక్షలు విధించింది’’ అని అంటోంది మరో అమ్మాయి.
***
నా వయసు 14. కాలేజీ నుంచి ఇంటికొస్తున్న సమయంలో ఓ ఆకతాయి రోజు వెంబడించేవాడు. తప్పించుకునే ప్రయత్నం చేసినా వదిలిపెట్టలేదు. ఓ రోజు నేను మొదటి అంతస్తులో ఉన్న మా ఇంట్లోకి వెళ్తుండగా చూశాడు. సెక్యురిటీ కళ్లు కప్పి రెండో అంతస్తు నుంచి ఇంట్లో చొరబడ్డాడు. నా దగ్గరకు వచ్చి ప్రైవేట్ పార్ట్స్ ను నొక్కాడు. సహాయం కోసం కేకలు వేసినా ఎవరూ ముందుకు రాలేదు. ఆ వ్యక్తి మళ్లీ వచ్చేందుకు ప్రయత్నించాడు. కానీ అదృష్టవశాత్తూ తప్పించుకున్నా. ఇదే విషయం ఇంటిపక్కల వాళ్లకు చెబితే నన్నే విమర్శించడం మొదలు పెట్టారు’’ అంటోంది తమన్నా అనే విద్యార్థిని.
***
ఈ ముగ్గురమ్మాయిలే కాదు.. తెలుగు రాష్ట్రాల్లో యువతులు, విద్యార్థినులు, బాలికలు ఎంతోమంది మౌనంగా లైంగిక వేధింపులను ఎదుర్కొంటున్నారు. ఎవరికీ చెప్పుకోవాలో తెలియక లైంగికంగానూ, మానసికంగానూ తీవ్ర ఒత్తిడిని ఎదుర్కొంటున్నారు. ఇదే విషయమై కొంతమంది బాధిత అమ్మాయిలు స్పందిస్తూ ఇలా చెప్పారు. ‘‘ఏదైనా పెద్ద ఘటన జరిగితేనే అసలు విషయాలు బయటకొస్తున్నాయి. కానీ చిన్న చిన్న విషయాలు ఏమాత్రం వెలుగుచూడటం లేదు. ఆకతాయిలు వేధిస్తున్నా మౌనంగా భరించాల్సి వస్తోంది. ఇంట్లో చెబితే ఆంక్షలు పెడతారేమోనని సైలంట్ ఉండాల్సి వస్తోంది’’ అని అంటోంది సుప్రియ (పేరు మార్చబడింది) అనే అమ్మాయి
చిన్న పిల్లల నుంచి వివాహితుల వరకు చాలామంది లైంగిక వేధింపులు ఫేస్ చేస్తున్నారు. కొంతమంది భయపడకుండా పోలీసులకు కంప్లైట్ చేస్తున్నారు. కానీ “హెల్ప్లైన్ నంబర్కు డయల్ చేయడానికి మొబైల్ ఫోన్లు కూడా లేని మహిళల గురించి ఏమిటి? మహిళా పోలీసు సిబ్బంది పెట్రోలింగ్ డ్యూటీలో ఎందుకు ఉండరు?” అని అంటోంది ప్రియాంక అనే (పేరు మార్చబడింది) కాలేజీ అమ్మాయి. మహిళా భద్రత అధికారులను సంప్రదించేందుకు పదేపదే చేసిన ప్రయత్నాలు కూడా ఫలించడం లేదని, శివారు ప్రాంతాలు, ఐటీ సెక్టార్స్ లో షీటీమ్స్ క్రమం తప్పకుండా పెట్రోలింగ్ చేయాలని బాధిత అమ్మాయిలు కోరుతున్నారు.
Related News
TS : గత ఎన్నికల కంటే ఈసారి పోలింగ్ శాతం బాగానే ఉంది: సీఈఓ వికాస్ రాజ్
Telangana: రాష్ట్రంలో జరుగుతున్న పోలింగ్పై తెలంగాణ ఎన్నికల ప్రధానాధికారి (సీఈఓ) వికాస్ రాజ్(Chief Election Officer Vikas Raj) మీడియాతో మాటాడారు. గత ఎన్నికలతో పోలిస్తే ఈ సారి పోలింగ్ శాతం బాగానే ఉందని ఆయన తెలిపారు. ఇప్పటికే కొన్ని నియోజకవర్గాల్లో పోలింగ్ శాతం 50 దాటిందన్నారు. ఇక హైదరాబాద్లో మాత్రమ ఎప్పటిలాగానే ఈ సారి కూడా తక్కువగానే 20 శాతం పోలింగ్ నమోదైనట్లు తెలిపారు. ప్రస్తుతం రాష్ట్ర �