Mohanlal: మోహన్ లాల్ ను వెంటాడుతున్న ఓ కేసు.. ఆ కేసు ఏంటంటే..?

మలయాళ సూపర్ స్టార్ మోహన్ లాల్ (Mohanlal)కు టాలీవుడ్, కోలీవుడ్ లో ఎంతో ఫాలోయింగ్ ఉంది. ఓ వైపు మెయిన్ రోల్స్ చేస్తూనే, ప్రాధాన్యత ఉన్న ఇతర పాత్రలను కూడా పోషిస్తూ ఆయన చాలా బిజీగా ఉన్నారు. అగ్రనటుడిగా కొనసాగుతున్న మోహన్ లాల్ ను ఓ కేసు చాలా ఏళ్లుగా వేధిస్తోంది. ఈ సమస్య నుంచి బయటపడేందుకు ఆయన ఎన్ని ప్రయత్నాలు చేస్తున్నా ఫలితం దక్కడం లేదు. మోహన్ లాల్ కు తలనొప్పిని తీసుకొస్తున్న కేసు ఏనుగు దంతాలకు సంబంధించినది. ఆయన ఇంట్లో అలంకరణకు వాడిన ఏనుగు దంతాలు ఉన్నాయి.

Also Read: New Captain Of SRH: సన్ రైజర్స్ హైదరాబాద్ కెప్టెన్ గా సౌతాఫ్రికా క్రికెటర్

గతంలో ఆయన ఇంట్లో ఐటీ రైడ్స్ జరిగాయి. ఆ సందర్భంగా ఏనుగు దంతాలను చూసిన అధికారులు ఆయనపై వన్య ప్రాణి సంరక్షణ చట్టం కింద కేసు నమోదు చేశారు. చట్టానుసారమే వాటిని తాను తీసుకున్నానని ఆయన చెప్పినప్పటికీ విముక్తి కలగలేదు. మోహన్ లాల్ ను దోషిగా పెరుంబవూరు మేజిస్ట్రేట్ కోర్టు నిర్ధారించింది. ఈ తీర్పును ఆయన హైకోర్టులో సవాల్ చేయగా.. కేరళ హైకోర్టు ఆయన పిటిషన్ ను కొట్టివేసింది. ఈ అంశంపై ప్రభుత్వం తీసుకున్న నిర్ణయంపై కూడా మరోసారి విచారణ జరపాలని మేజిస్ట్రేట్ ను హైకోర్టు ఆదేశించింది. దీంతో కథ మళ్లీ మొదటికి వచ్చింది.