Heavy Rains: భారీ వ‌ర్షాలు.. ప‌లు రైళ్లు ర‌ద్దు, పాఠ‌శాల‌ల‌కు సెల‌వు!

Heavy Rains

Heavy Rains: చెన్నైతో పాటు తమిళనాడులోని ఇతర ప్రాంతాల్లో మంగళవారం భారీ వర్షం (Heavy Rains) కురిసింది. దీంతో నివాస ప్రాంతాలు, రోడ్లు మోకాళ్లలోతు నీటితో నిండిపోయాయి. ప్రజా రవాణా సేవలను ప్రభావితం చేయడమే కాకుండా, ట్రాఫిక్ కూడా ప్రభావితమైంది. పలు ప్రాంతాల్లో బస్సు సర్వీసులు దెబ్బతిన్నాయి. అదే సమయంలో చెన్నై సెంట్రల్ సహా నాలుగు ఎక్స్‌ప్రెస్ రైళ్లను రద్దు చేస్తున్నట్లు దక్షిణ రైల్వే ప్రకటించింది.

నీటితో నిండిన రోడ్లు

కర్ణాటక, తమిళనాడులో ఎడతెరిపి లేకుండా కురుస్తున్న వర్షాల కారణంగా జనజీవనం అస్తవ్యస్తమైంది. రాష్ట్రంలోని పలు ప్రాంతాల్లో నీటి ఎద్దడి, ట్రాఫిక్‌ జామ్‌లతో ప్రజలు ఇబ్బందులు పడ్డారు. ఆంధ్రప్రదేశ్, తమిళనాడు తీరం వెంబడి కుండపోత వర్షాలు కురుస్తాయని వాతావరణ శాఖ హెచ్చరించింది.

Also Read: Pet Dog : యజమాని మరణం జీర్ణించుకోలేక పెంపుడు కుక్క మరణం

బస్సు, రైలు, విమాన సర్వీసులు దెబ్బతిన్నాయి

భారీ వర్షాల కారణంగా అనేక దేశీయ విమానాలు రద్దు చేయబడ్డాయి. రోడ్లన్నీ జలమయం కావడంతో ప్రజలు ఇళ్ల నుంచి బయటకు రాలేక సకాలంలో విమానాశ్రయానికి చేరుకోలేకపోతున్నారు. ఈ క్రమంలో చెన్నై సెంట్రల్-మైసూర్ కావేరీ ఎక్స్‌ప్రెస్ సహా నాలుగు ఎక్స్‌ప్రెస్ రైళ్లను రద్దు చేస్తున్నట్లు దక్షిణ రైల్వే ప్రకటించింది. ఇది కాకుండా అనేక ఇతర రైళ్ల మళ్లింపు గురించి కూడా సమాచారం ఇచ్చారు.

రెండు రోజుల పాటు వర్షాలు కురుస్తాయి

రానున్న రెండు రోజుల్లో రాష్ట్రంలో మరిన్ని వర్షాలు కురిసే అవకాశం ఉందని భారత వాతావరణ శాఖ (ఐఎండీ) అంచనా వేసింది. అక్టోబర్ 16న తిరువళ్లూరు, కాంచీపురం, చెంగల్‌పట్టు, చెన్నై జిల్లాల్లో భారీ వర్షాలు కురిసే అవకాశం ఉందని బులెటిన్‌లో పేర్కొంది.

బెంగళూరులో పాఠశాలలు మూతపడ్డాయి

కర్ణాటక రాజధాని బెంగళూరు సహా రాష్ట్రంలోని పలు ప్రాంతాల్లో కురుస్తున్న భారీ వర్షాల కారణంగా జనజీవనం అస్తవ్యస్తంగా మారింది. ఇక్కడ కూడా పలు ప్రాంతాల్లో నీరు నిలిచిపోవడంతో ట్రాఫిక్‌ వ్యవస్థ స్తంభించింది. ఈ నేపథ్యంలో పుదుచ్చేరిలోని పాఠశాలలు, కళాశాలలకు అక్టోబర్ 16న కూడా సెలవు ప్రకటించారు. భారీ వర్షాలు కురుస్తున్న నేప‌థ్యంలో పరిశుభ్రత, పౌరసరఫరాల శాఖ ఉద్యోగులు, అధికారుల సేవలను సీఎం ఎంకే స్టాలిన్‌ కొనియాడారు. తమ ఉద్యోగులకు ఇంటి నుండి పని చేసే అవకాశాన్ని కొనసాగించాలని ప్రభుత్వం ప్రైవేట్ కంపెనీలకు సూచించింది.

Follow us