Numerology : ఈ తేదీల్లో పుట్టిన వాళ్లకి వెండి భారీ అదృష్టం ! అయితే వీళ్లు ఏం చేయాలంటే..!

Lucky Numbers

బంగారం లేదా వెండి ప్రస్తుతం దేశవ్యాప్తంగా హాట్‌ టాపిక్‌. బంగారం, వెండి ధరలు ఆకాశాన్ని అంటుతున్నాయి. ఒకప్పుడు వెండి పట్టీలు, మెట్టెలుగా మాత్రమే ధరించేవారు. నేడు పరిస్థితి పూర్తి భిన్నం. వెండి మంచి పెట్టుబడి ఆప్షన్‌గా కూడా మారింది. ఈ నేపథ్యంలో ఏ తేదీల్లో పుట్టిన వాళ్లకు సిల్వర్‌ లేదా వెండి అదృష్టాన్ని తీసుకొస్తుంది. వాళ్లు తమ అదృష్టాన్ని రెట్టింపు చేసుకోవాలంటే ఏం చేయాలో తెలుసుకుందాం..

న్యూమరాలజీ, జ్యోతిష్య శాస్త్రం ప్రకారం వెండి (Silver) చంద్రుడికి సంబంధించిన లోహం. చంద్రుడు (Moon) మనస్సు, ప్రశాంతత, అదృష్టం (Luck), శ్రేయస్సు వంటి వాటికి కారకుడు. అయితే న్యూమరాలజీ ప్రకారం పుట్టిన తేదిని బట్టి ఏ తేదీలో పుట్టిన వాళ్లు ఎలాంటి లోహం ధరిస్తే అదృష్టం కలిసి వస్తుందో పండితులు చెబుతారు. ఆయా పుట్టిన తేదీల ప్రకారం సంబంధిత లోహాన్ని ధరించడం వల్ల జీవితంలో ఆటంకాలు తొలగిపోతాయని కూడా నమ్ముతారు. ఈ నేపథ్యంలో పండితుల సలహా మీ పుట్టిన తేదీని ప్రకారం బంగారం, వెండి, రాగి తదితర లోహాల్లో ఏ లోహం చేసిన నగలు ధరిస్తే జీవితం ఆనందంగా, సౌకర్యంగా ఉంటుందో.. అదృష్టాన్ని రెట్టింపు చేసుకోవడానికి ఎలాంటి పరిహారాలు పాటించాలో తెలుసుకుందాం..

న్యూమరాలజీ ప్రకారం 2, 10, 20, 29 తేదీల్లో పుట్టిన వారి మూల సంఖ్య 2. ఈ సంఖ్యకు అధిపతి చంద్రుడు. కాబట్టి ఈ తేదీల్లో పుట్టిన వారికి వెండి అత్యంత అదృష్టమైన లోహంగా పరిగణించబడుతుంది. వీళ్లు వెండిని ధరించడం వల్ల మనసు ప్రశాంతంగా ఉంటుంది. మానసికంగా స్పష్టత ఉంటుంది. అదృష్టం బాగా కలిసి వస్తుంది. అయితే వీళ్లు అదృష్టాన్ని మరింత పెంచుకోవాలంటే వెండి ఉంగరాన్ని కుడి చేతి చిటికెన వేలికి ధరించడం చాలా శుభప్రదం. వెండి గొలుసు ధరించడం కూడా మంచి ఫలితాలు ఇస్తుంది. ప్రతి సోమవారం శివుడిని పాలతో అభిషేకం చేయడం లేదా చంద్రుడిని ధ్యానించడం, సోమవారం లేదా పౌర్ణమి రోజు తెలుపు రంగు వస్త్రాలు, బియ్యం, పంచదార వంటివి దానం చేయడం మంచిది.

న్యూమరాలజీ ప్రకారం 4, 13, 22, 31 తేదీల్లో పుట్టిన వారి మూల సంఖ్య 4. ఈ సంఖ్యకు అధిపతి రాహువు. వీళ్లు సాధారణంగా గోమేధికం ధరించాలని పండితులు సూచిస్తుంటారు. అయితే ఈ రత్నాన్ని వెండితో కలిపి ధరించడం వల్ల శుభ ఫలితాలు కలుగుతాయని విశ్వాసం. చంద్రుడు శాంతి, స్థిరత్వానికి ప్రతీక. కాబట్టి రాహువు యొక్క అస్థిర ప్రభావాన్ని తగ్గించడానికి వెండి పరోక్షంగా సహాయపడుతుందట. అయితే వీళ్లు అదృష్టాన్ని పెంచుకోవడానికి ప్రతి శనివారం ఆంజనేయస్వామిని లేదా కాలభైరవుడిని పూజించాలి. శనివారం రోజు నల్ల నువ్వులు, నల్లని వస్త్రాలు వంటివి దానం చేయడం వల్ల కూడా శుభఫలితాలు ఉంటాయి.

న్యూమరాలజీ ప్రకారం 6, 15, 24 తేదీల్లో పుట్టిన వారి మూల సంఖ్య 6. ఈ సంఖ్యకు అధిపతి శుక్రుడు. ఈ శుక్రుడికి సాధారణంగా వజ్రం (Diamond) లేదా రాగి (Copper) లోహం అదృష్టాన్ని తీసుకొస్తుంది. అయితే శుక్రుడుకి చంద్రుడు స్నేహితుడని జ్యోతిష్య పండితులు చెబుతారు. కాబట్టి వెండి ఆభరణాలు ధరించడం వల్ల ఎలాంటి ప్రతికూల ప్రభావం ఉండదు. అయితే ఇది ఈ తేదీల్లో పుట్టిన వారికి ఇది అత్యంత అదృష్టకరమైన లోహం మాత్రం కాదు. అయితే వీళ్లు అదృష్టాన్ని పెంచుకోవడం కోసం ప్రతి శుక్రవారం లక్ష్మీదేవిని పూజించడం శుభప్రదం. అలాగే పటిక బెల్లం, స్వీట్లు దానం చేయడం కూడా శుభఫలితాలు ఇస్తుంది. ముఖ్యంగా ఇంటిని, పరిసరాలను శుభ్రంగా ఉంచుకోవడం వల్ల శుక్రుడి అనుగ్రహాన్ని పెంచుతుంది.

Follow us