Gut Health: గట్ హెల్త్ ను ఫిట్ గా చేసే 5 పానీయాలు

గట్ మైక్రోబయోమ్‌ (Gut Microbiome) అంటే.. మన శరీరంలోని ప్రేగులలో ఉండే సూక్ష్మజీవులు. మన గట్ మైక్రోబయోమ్‌లో బ్యాక్టీరియా, శిలీంధ్రాలు, పరాన్నజీవులు, వైరస్‌లతో సహా ట్రిలియన్ల కొద్దీ సూక్ష్మజీవులు ఉన్నాయి.  ఆరోగ్యవంతమైన వ్యక్తిలో ఈ సూక్ష్మజీవుల మధ్య పరస్పర చర్య సాఫీగా, ఫ్రెండ్లీగా జరుగుతుంది. అనారోగ్యం లేదా అలెర్జీ జరిగినప్పుడు ఈ సమతుల్యత చెదిరిపోతుంది. ఆరోగ్య సమస్యలకు కారణం అవుతుంది. గట్ లో మంచి బ్యాక్టీరియా ఉండకపోతే.. మనం తీసుకునే ఆహారం జీర్ణం అవ్వడం కష్టంగా మారుతుంది.

గట్ (Gut) లో ఉండే మంచి బ్యాక్టీరియా మనం తినే ఆహారాన్ని చిన్న చిన్నవాటిగా మారుస్తుంది. వాటి నుంచే మన శరీరం పోషక విలువలను తీసుకుంటుంది. మన ఆహారంలో ప్రోబయోటిక్స్ ను జోడించడం వల్ల వ్యాధికారక క్రిములతో పోరాడేలా గట్ కు బలం వస్తుంది. ఇంత ముఖ్యమైన గట్ హెల్త్ కోసం ఉపయోగపడే 5 పవర్ ఫుల్ డ్రింక్స్, జ్యూస్ ల గురించి ఇప్పుడు తెలుసుకుందాం..

బీట్‌రూట్ కంజీ

బీట్‌రూట్ కంజీ అనేది ఉత్తర భారతదేశంలోని ఇళ్లలో తయారు చేసుకునే ప్రోబయోటిక్ పానీయం. ఇది తయారు చేయడం చాలా సులభం. ఇది చాలా ఆరోగ్య ప్రయోజనాలను కలిగిస్తుంది.  ఇది సహజంగా రూట్ వెజిటేబుల్స్ క్యారెట్ , బీట్‌రూట్, నీరు, సుగంధ ద్రవ్యాలు, ఉప్పుతో పులియ బెట్టడం ద్వారా తయారవుతుంది. ఇది  1 నెల పాటు రిఫ్రిజిరేటర్లో నిల్వ ఉంటుంది. మధ్యాహ్నం భోజనం లేదా రాత్రి భోజనానికి ముందు సుమారు 100 మి.లీ బీట్‌రూట్ కంజీ తాగొచ్చు. ఇది ప్రోబయోటిక్‌గా ఉండటమే కాకుండా.. గొప్ప జీర్ణక్రియకు సహాయపడుతుంది. గుండెల్లో మంట నుండి ఉపశమనం పొందడంలో సహాయపడుతుంది. బరువు తగ్గడంలో కూడా హెల్ప్ చేస్తుంది.

రైస్ కంజి

రైస్ కంజి ఒడిశా నుంచి వచ్చిన సాంప్రదాయ వంటకం. వండిన అన్నాన్ని పులియబెట్టడం ద్వారా దీనిని తయారు చేస్తారు. దీనికి అదనపు నీటిని జోడించి రాత్రిపూట ఉంచుతారు. మరుసటి రోజు తినే ముందు.. దీనిని పెరుగుతో లేదా పెరుగు లేకుండా మెత్తగా పేస్ట్ చేయాలి. రాత్రిపూట నిల్వ చేసి ఉంచాక దీని టేస్ట్ మరింత పెరుగుతుంది. సాధారణంగా, అజీర్ణం, మలబద్ధకం లేదా IBS వంటి గట్ సమస్యలతో బాధపడేవారికి ఇది బెస్ట్.

మజ్జిగ

ఇంట్లో పెరుగు పెట్టుకోవడం అనేది అనాదిగా వస్తున్న ఆచారం.  పెరుగును నేరుగా తినకుండా.. దాని స్థానంలో మజ్జిగ తీసుకోవాలని వైద్య నిపుణులు సూచిస్తుంటారు.  మజ్జిగను నీటితో కరిగించడం వల్ల దాని లక్షణాలు మారుతాయి . శరీరానికి ఇది బెస్ట్. భోజనంతో పాటు 150 గ్రా పెరుగును లేదా రోజుకు 2 గ్లాసుల మజ్జిగను తీసుకోవచ్చు.

కొంబుచా

కొంబుచా అనేది టీతో తయారు చేయబడిన తీపి , పుల్లని జిడ్డుగల పానీయం. కొంబుచా దాదాపు 2000 సంవత్సరాలుగా ఉంది. ఇది మొదట చైనాలో తయారు చేయబడింది. ఆ తరువాత జపాన్ మరియు రష్యాలకు వ్యాపించింది.  కొంబుచా తయారీకి ఈస్ట్, చక్కెర , బ్లాక్ టీ వినియోగిస్తారు. ఈ మిశ్రమాన్ని ఒక వారం లేదా అంతకంటే ఎక్కువ కాలం పాటు నిల్వ చేయొచ్చు. ఇది మన గట్ లో మంచి బ్యాక్టీరియాను పెంచుతుంది.

కేఫీర్ పాలు

కేఫీర్ అనేది పులియబెట్టిన పాలు , నీటితో తయారు చేయబడిన పానీయం. ఈ డ్రింక్ ను కేఫీర్ తూర్పు ఐరోపాలోని కాకసస్ పర్వతాలలో శతాబ్దాల క్రితం తయారు చేసుకునే వారు.  కెఫిర్ అనేది.. గ్రీకు పెరుగు కంటే సన్నగా ఉంటుంది. ఇది గట్ ఆరోగ్యాన్ని మెరుగుపరుస్తుంది. శరీరం యొక్క జీర్ణ ప్రక్రియలకు సహాయపడే 30 ప్రత్యేకమైన ప్రోబయోటిక్స్‌లను ఇది కలిగి ఉంది.పెరుగును సెట్ చేయడానికి కేఫీర్ గింజలను కూడా ఉపయోగిస్తుంటారు. సుమారు 100 ml పెరుగుకు బదులు దీన్ని భోజనంతో పాటు తీసుకోవచ్చు. దీన్ని స్మూతీస్‌లో చేర్చవచ్చు.

Also Read:  Puli Meka Series: చరణ్ చేతుల మీదుగా ‘పులి మేక’ గ్లింప్స్ విడుదల