Shocking : గబ్బిలాలతో చిల్లి చికెన్.. తమిళనాడులో కలకలం

Illegal Meat Sale

Shocking : తమిళనాడులో గబ్బిలాల వేటపై సంచలనం రేపింది. మానవుల ఆరోగ్యానికి కీలకమైన పర్యావరణ సమతౌల్యం కోసం ఉపయోగపడే గబ్బిలాలను చంపి, వాటి మాంసాన్ని ‘చిల్లీ చికెన్’ లేదా చికెన్ పకోడీ రూపంలో హోటళ్లలో విక్రయిస్తున్న ముఠా పట్టుబడింది. ఈ షాకింగ్ ఘటన సేలం జిల్లా డేనిష్ పేటలో బయటపడింది. స్థానిక అటవీ ప్రాంతంలో అనుమానాస్పదంగా తిరుగుతున్న ఇద్దరు వ్యక్తులపై పోలీసులకు సమాచారం అందడంతో దర్యాప్తు చేపట్టిన అధికారులు ఘోర నిజాన్ని వెలికితీశారు.

పోలీసుల సమాచారం ప్రకారం, సెల్వం , కమల్ అనే ఇద్దరు వ్యక్తులు తుపాకులతో గబ్బిలాలను వేటాడుతూ పట్టుబడ్డారు. అడవిలో అనుమానాస్పద కదలికలను గమనించిన అటవీ విభాగం అధికారులు, స్థానిక పోలీసుల సహకారంతో దాడి చేసి వారిని అరెస్ట్ చేశారు. ఈ ఇద్దరిని విచారించగా దిమ్మతిరిగే వాస్తవాలు వెలుగులోకి వచ్చాయి.

సెల్వం, కమల్ ఇచ్చిన అంగీకార ప్రకారం, గబ్బిలాల మాంసాన్ని చిన్న చిన్న ముక్కలుగా చేసి సమీపంలోని చిన్న హోటల్స్‌కు సరఫరా చేస్తున్నారు. ఆ ముక్కలను చికెన్ మాంసంలా చూపిస్తూ ‘చిల్లీ చికెన్’ లేదా మద్యం షాపుల వద్ద పకోడీగా విక్రయిస్తున్నట్లు తెలిపారు. గబ్బిలాల మాంసం అసలైన మూలం ఏమిటో కస్టమర్లకు తెలియకుండా, చికెన్ పేరుతో అమ్ముతున్నట్లు విచారణలో వెల్లడైంది.

ఈ కేసులో ఇద్దరిని అరెస్ట్ చేసిన పోలీసులు వారిని జైలుకు తరలించారు. ఈ ముఠాకు మరిన్ని వ్యక్తులు సంబంధముంటే అన్వేషించేందుకు ప్రత్యేక బృందం ఏర్పాటు చేశారు. సేలం జిల్లా ఎస్పీ ఈ ఘటనపై పూర్తి స్థాయి దర్యాప్తు చేయాలని ఆదేశించారు. ఆహార భద్రతా విభాగం కూడా ఈ ఘటనపై దృష్టి సారించి, హోటల్స్‌ను తనిఖీ చేయడానికి సిద్ధమవుతోంది.

ఈ ఘటన గతంలో చెన్నైలో వెలుగులోకి వచ్చిన పలు సంఘటనలను తలపిస్తోంది. కొంతకాలం క్రితం చెన్నై సిటీ పోలీసుల దర్యాప్తులో కుక్కలు, పిల్లులను చంపి మటన్ బిర్యానీగా అమ్ముతున్న హోటల్స్ బయటపడ్డాయి. ఈ తరహా ఘటనలు మళ్లీ మళ్లీ వెలుగులోకి రావడం పర్యవసానాలపై ఆందోళన రేకెత్తిస్తోంది.

ఈ ఘటన తర్వాత స్థానిక ప్రజల్లో ఆందోళన నెలకొంది. గబ్బిలాల మాంసం మానవ ఆరోగ్యానికి హానికరమని నిపుణులు చెబుతుండగా, ఇలాంటి మాంసాన్ని చికెన్‌గా మస్కరించి అమ్మడం ప్రజా ఆరోగ్యానికి తీవ్రమైన ముప్పు తెచ్చే అవకాశం ఉందని వైద్యులు హెచ్చరిస్తున్నారు.

Trump : డప్పుకొట్టుకోవడం ఆపని ట్రంప్.. మరో యుద్ధాన్ని ఆపేశానంటూ వ్యాఖ్యలు..

Follow us