Siddaramaiah: కొవిడ్ వ్యాక్సిన్లు.. గుండెపోటు వివాదం.. సిద్ధరామయ్య వ్యాఖ్యలపై బీజేపీ ఫైర్

Siddaramaiah: కొవిడ్ టీకాల వల్ల గుండెపోటులు వస్తున్నాయన్న కర్ణాటక సీఎం సిద్ధరామయ్య వ్యాఖ్యలు దేశవ్యాప్తంగా తీవ్ర దుమారాన్ని రేపాయి. ఎలాంటి శాస్త్రీయ ఆధారాలు లేకుండా ముఖ్యమంత్రి స్థాయి నాయకుడు ప్రజల్లో భయాందోళన కలిగించేలా మాట్లాడడాన్ని కేంద్ర మంత్రులు, బీజేపీ నేతలు తీవ్రంగా ఖండిస్తున్నారు. ప్రధాని మోదీ నాయకత్వంలో అభివృద్ధి చేసిన ‘మేడిన్ ఇండియా’ వ్యాక్సిన్లపై తప్పుడు ప్రచారాలు చేయడమే కాంగ్రెస్ రాజకీయ వ్యూహమని కేంద్ర పార్లమెంటరీ వ్యవహారాల శాఖ మంత్రి ప్రహ్లాద్ జోషి వ్యాఖ్యానించారు. “ఈ టీకాలు శాస్త్రీయంగా ధృవీకరించబడి, ప్రపంచవ్యాప్తంగా ప్రశంసలు పొందినవి. అలాంటి టీకాలపై అనుమానాలు సృష్టించడం బాధ్యతారాహిత్యానికి నిదర్శనం,” అంటూ ముఖ్యమంత్రి సిద్ధరామయ్య వెంటనే బేషరతుగా ప్రజలకు క్షమాపణ చెప్పాలని డిమాండ్ చేశారు.

 ఇటీవల కర్ణాటక రాష్ట్రంలోని హాసన జిల్లాలో 20 మందికి పైగా హఠాత్తుగా గుండెపోటుతో మరణించడం కలకలం సృష్టించింది. ఈ నేపథ్యంలో ముఖ్యమంత్రి సిద్ధరామయ్య స్పందిస్తూ – ఈ మరణాలకు కొవిడ్ టీకాలు కారణమై ఉండొచ్చని అనుమానాన్ని వ్యక్తం చేశారు. ఈ అంశంపై ప్రత్యేక దర్యాప్తుకు ఆదేశించి, నిపుణుల కమిటీని కూడా ఏర్పాటు చేశారు. వారి నివేదిక అనంతరం చర్చలు మళ్లీ రాజుకున్నాయి.

Cauliflower : కాలిఫ్ల‌వ‌ర్‌ను తినడవం వల్లే క‌లిగే లాభాలు తెలిస్తే అస్సలు వదిలిపెట్టారు

నిపుణుల నివేదిక ఏమంటోంది?
సీఎం ఆదేశాల మేరకు రంగంలోకి దిగిన నిపుణుల బృందం పూర్తి స్థాయిలో హాసన్ ఘటనను పరిశీలించింది. వారి నివేదిక ప్రకారం – టీకాల వల్ల గుండెపోటు సంభవించిందన్న వాదన పూర్తిగా నిరాధారమని తేలింది. అసలు కారణాలు జన్యుపరమైన సమస్యలు, పాత అనారోగ్యాలు, మానసిక ఒత్తిడులు, జీవనశైలిలో మార్పులు, వాతావరణ ప్రభావాలు అంటూ స్పష్టంగా పేర్కొంది. ఈ నివేదికతో సీఎం చేసిన వ్యాఖ్యలు కేవలం అనుమానాస్పదమే కాక, శాస్త్రీయంగా నిర్ధారణ లేనివిగా నిరూపితమయ్యాయి.

రాజకీయ దుమారం – బీజేపీ ఆరోపణలు
ఈ నివేదిక వెలువడిన వెంటనే బీజేపీ నేతలు సిద్ధరామయ్యపై తీవ్ర స్థాయిలో విరుచుకుపడ్డారు. హుబ్బళ్లిలో మీడియాతో మాట్లాడిన కేంద్ర మంత్రి ప్రహ్లాద్ జోషి – “ప్రధాని మోదీ నేతృత్వంలో మన శాస్త్రవేత్తలు రూపొందించిన టీకాల విశ్వసనీయతను మసకబార్చే కుట్రకే ఇది నిదర్శనం. కాంగ్రెస్ పార్టీ టీకాల మీద కాదు, దేశ అభివృద్ధిపై నమ్మకం లేకుండా వ్యవహరిస్తోంది,” అని విమర్శించారు.

బీజేపీ నాయకుడు అశ్వత్ నారాయణ్ మాట్లాడుతూ – “కేవలం మోదీపై ద్వేషంతో కాంగ్రెస్ ఈ స్థాయి వ్యాఖ్యలకు దిగజారుతోంది. ఒక ముఖ్యమంత్రి తన సొంత కమిటీ నివేదికను పట్టించుకోకుండా ప్రజలను భయపెట్టేలా మాట్లాడటం బాధాకరం,” అని పేర్కొన్నారు.

ఈ వివాదంతో మరోసారి కొవిడ్ టీకాల చుట్టూ చర్చలు చురుకుగా సాగుతున్నాయి. ప్రజల్లో విశ్వాసాన్ని పెంచాల్సిన సమయంలో, ముఖ్యమంత్రి వ్యాఖ్యల వల్ల సంకెళ్ల చప్పుడు వినిపించిందన్న అభిప్రాయాలు వ్యక్తమవుతున్నాయి.

Dalai Lama: దలైలామా పునర్జన్మపై వివాదం మళ్లీ తెరపైకి