Assam: అసాంలో కాంగ్రెస్ కి షాక్… టీఎంసీలో చేరిన మాజీ అధ్యక్షుడు
అసాంలో కాంగ్రెస్కి గట్టి షాక్ తగిలింది.
- By Hashtag U Published Date - 11:12 AM, Mon - 18 April 22
అసాంలో కాంగ్రెస్కి గట్టి షాక్ తగిలింది. అసాం కాంగ్రెస్ పార్టీ మాజీ అధ్యక్షుడు, మాజీ మంత్రి రిపున్ బోరా ఆ పార్టీని వీడారు. ఆదివారం కోల్కతాలో తృణమూల్ కాంగ్రెస్ లో చేరారు. బోరా గత ఏడాది ఆగస్టులో మమతా బెనర్జీ పార్టీలో చేరిన సుస్మితా దేవ్ను అనుసరించి తృణమూల్ కాంగ్రెస్లోకి వెళ్లారు. మధ్యాహ్నం 3 గంటలకు టిఎంసి ప్రధాన కార్యదర్శి అభిషేక్ బెనర్జీని ఆయన కార్యాలయంలో కలిసిన బోరా కొద్దిసేపు సమావేశం తర్వాత పార్టీలో చేరారు. ఈరోజు నుంచి తన కొత్త రాజకీయ ప్రయాణం మొదలుపెట్టానని బోరా ట్వీట్ చేశారు. కాంగ్రెస్ అధ్యక్షురాలు సోనియా గాంధీకి తన రాజీనామా లేఖను పంపించారు.
ఇటీవల అస్సాంలో జరిగిన రాజ్యసభ ఎన్నికల్లో ఉమ్మడి ప్రతిపక్షాల అభ్యర్థిగా బరిలోకి దిగిన బోరా తన స్థానాన్ని నిలబెట్టుకోవడంలో విఫలమయ్యారు. ప్రతిపక్షాల సంఖ్యను పరిగణనలోకి తీసుకుంటే, బోరా ఓటమి వివాదాస్పదమైంది. స్వార్థ ప్రయోజనాల కోసం కాంగ్రెస్లో అంతర్గత పోరు నడుస్తోందని బోరా తన రాజీనామా లేఖలో ఆరోపించారు. దేశం ఈ క్లిష్ట సమయంలో బిజెపిని నిరోధించడానికి దూకుడుగా, ఐక్యంగా పోరాడటానికి బదులుగా, వివిధ స్థాయిలలో ఉన్న ఈ పాత కాంగ్రెస్ పార్టీ నాయకులు తమ స్వార్థ ప్రయోజనాల కోసం ఒకరితో ఒకరు పోరాడుతున్నారని లేఖలో బోరా తెలిపారు.
Tags
Related News
Swine Flu: ఆందోళన పెంచుతున్న వ్యాధులు.. బర్డ్ ఫ్లూ తర్వాత స్వైన్ ఫ్లూ
గత కొన్ని నెలలుగా దేశంలోని అనేక రాష్ట్రాల్లో బర్డ్ ఫ్లూ, గవదబిళ్లలు వంటి తీవ్రమైన వ్యాధులు వేగంగా పెరుగుతున్నాయి.