Attacks On Trains : రైళ్లపై దాడులకు ఉగ్రకుట్ర.. టెర్రరిస్టు ఘోరీ వీడియో కలకలం

Attacks On Trains : టెర్రరిస్టు ఫర్హతుల్లా ఘోరీ విడుదల చేసిన వీడియో కలకలం క్రియేట్ చేస్తోంది.  దేశవ్యాప్తంగా రైళ్లపై దాడులు చేయాలంటూ అతడు ఆ వీడియోలో స్లీపర్ సెల్స్‌‌కు ఆదేశాలు ఇవ్వడం సంచలనం సృష్టిస్తోంది. ఫర్హతుల్లా ఘోరీ ప్రస్తుతం పాకిస్థాన్‌లో ఉంటున్నాడు. కొద్దిరోజుల క్రితమే అతడు విడుదల చేసిన మూడు నిమిషాల సంచలన వీడియో సోషల్ మీడియాలో వైరల్ అవుతోంది.

Also Read :MLC Kavitha : ఇవాళ ట్రయల్ కోర్టులో ఎమ్మెల్సీ కవిత విచారణ

భారతదేశంలోని రైళ్లు, పెట్రోలియం పైప్‌లైన్లపై దాడులు(Attacks On Trains) చేయాలని..  ప్రెజర్ కుక్కర్లు వాడి రామేశ్వరం కేఫ్ తరహా పేలుళ్లు జరపాలని ఆ వీడియో సందేశంలో ఫర్హతుల్లా ఘోరీ ప్రస్తావించడం గమనార్హం. ఈనేపథ్యంలో భారత నిఘా వర్గాలు అలర్ట్ అయ్యాయి. భారత్‌లో సీక్రెట్‌గా ఉంటున్న ఉగ్రవాద స్లీపర్ సెల్స్‌‌కు ఈ పేలుళ్లు జరపడంలో పాకిస్తాన్ గూఢచర్య సంస్థ ఐఎస్ఐ సహకారం అందించే ముప్పు ఉందని భారత నిఘా అనుమానం వ్యక్తం చేస్తున్నాయి. ఆ కుట్రలను భగ్నం చేసేందుకు రెడీ అవుతున్నాయి.

We’re now on WhatsApp. Click to Join

ఫర్హతుల్లా ఘోరీ ఎవరు ?

• ఫర్హతుల్లా ఘోరీకి అబూ సుఫియాన్, సర్దార్ సాహబ్, ఫరూ అనే పేర్లు ఉన్నాయి.
• మన దేశంలో జరిగిన పలు పేలుళ్ల వెనక ఇతడి హస్తం ఉందని అంటారు.
• 2002లో గుజరాత్‌లోని అక్షరధామ్‌ ఆలయంపై జరిగిన దాడితో ఫర్హతుల్లా ఘోరీకి సంబంధం ఉందని సమాచారం.  ఆ దాడిలో 30 మంది ప్రాణాలు కోల్పోగా, 80 మందికి గాయాలయ్యాయి.
• 2005లో హైదరాబాద్‌లోని టాస్క్‌ఫోర్స్ కార్యాలయంపై జరిగిన ఆత్మాహుతి దాడిలోనూ అతడి ప్రమేయం ఉంది.
• కొన్ని నెలల క్రితం పుణే-ఐసిస్ మాడ్యూల్‌కు చెందిన పలువురు ఉగ్రవాదులను దేశవ్యాప్తంగా అరెస్టుచేశారు. వారిని విచారించగా ఘోరీ పేరు తెరపైకి వచ్చింది.
• భారత్‌లో  ఐఎస్‌ఐ స్లీపర్‌ సెల్స్‌ను ఫర్హతుల్లా ఘోరీ నిర్వహిస్తున్నాడని దర్యాప్తులో వెల్లడైంది. కొంతమంది యువతను అతడు రిక్రూట్ చేసుకుంటున్నాడని గుర్తించారు.

Also Read :Trump – Kamala : కమలతో డిబేట్‌కు నేను రెడీ.. ట్రంప్ కీలక ప్రకటన