Prashant Kishor: పీకే సంచలన నిర్ణయం.. ఇక ప్రిడిక్షన్ ఉండదు

Prashant Kishor: లోక్‌సభ ఎన్నికల ఫలితాలు వెలువడిన తర్వాత ప్రశాంత్ కిషోర్ సీట్లు అంచనా వేయడంలో తప్పు చేశానని అంగీకరించారు.సీట్లను అంచనా వేయడంలో పొరపాటు జరిగిందని, అందుకు క్షమాపణ చెప్పేందుకు సిద్ధమని ప్రశాంత్ కిషోర్ అన్నారు. ఇకపై జరిగే ఎన్నికల్లో సీట్లను అంచనా వేయబోనని ప్రశాంత్ కిషోర్ ప్రకటించారు.

ఇండియా టుడేకి ఇచ్చిన ఇంటర్వ్యూలో ఎన్నికల వ్యూహకర్త ప్రశాంత్ కిషోర్ సీట్లను అంచనా వేయడంలో తప్పును అంగీకరించారు. నాలాంటి సర్వేల అంచనాలు ఈ ఎన్నికల్లో తప్పని తేలిందని ప్రశాంత్ కిషోర్ అన్నారు. దీనికి నేను క్షమాపణ చెప్పడానికి సిద్ధంగా ఉన్నాను అన్నారు. భవిష్యత్తులో కూడా ఇలాంటి జోస్యం చెబుతారా అని ప్రశాంత్ కిషోర్‌ని ప్రశ్నించగా.. ఎన్నికల్లో సీట్ల విషయంలో నేను ఎలాంటి అంచనాలు వేయనని అన్నారు.

ప్రశాంత్ కిషోర్‌కు ఎన్నికల వ్యూహకర్తగా పేరుంది. అయితే 2024 లోక్‌సభ ఎన్నికలకు సంబంధించి ఆయన చేసిన విశ్లేషణ పూర్తిగా తప్పు అని తేలింది. లోక్‌సభ ఎన్నికలకు సంబంధించి బీజేపీ గతం కంటే మెరుగ్గా పనిచేస్తుందని ప్రశాంత్ కిషోర్ జోస్యం చెప్పారు. బీజేపీపై అధికార వ్యతిరేకత ఉన్నప్పటికీ 2019 ఎన్నికల కంటే మెరుగ్గా పనిచేస్తుందని ప్రశాంత్ అన్నారు. బీజేపీకి మరోసారి 300కు పైగా సీట్లు వస్తాయని పీకే చెప్పారు. అయితే అతని అంచనా పూర్తిగా తప్పని తేలింది. ఈ ఎన్నికల్లో బీజేపీకి 240 సీట్లు రాగా, ఎన్డీయే 293కి పడిపోయింది.

Also Read: Narendra Modi Oath: ప్ర‌ధానిగా మోదీ ప్ర‌మాణ స్వీకారం చేసే స‌మ‌య‌మిదే.. కేంద్ర కేబినెట్‌లో వీరికి ఛాన్స్‌..!