French President: రిపబ్లిక్ డే పరేడ్కు ముఖ్య అతిథిగా ఫ్రాన్స్ అధ్యక్షుడు.. మాక్రాన్ పూర్తి షెడ్యూల్ ఇదే..!
ఫ్రెంచ్ అధ్యక్షుడు (French President) ఇమ్మాన్యుయేల్ మాక్రాన్ గురువారం (జనవరి 25) భారతదేశానికి రెండు రోజుల పర్యటనకు వస్తున్నారు. ఆయన రాజస్థాన్ రాజధాని జైపూర్ నుండి పర్యటనను ప్రారంభిస్తారు.
- By Gopichand Published Date - 08:29 AM, Thu - 25 January 24
French President: ఫ్రెంచ్ అధ్యక్షుడు (French President) ఇమ్మాన్యుయేల్ మాక్రాన్ గురువారం (జనవరి 25) భారతదేశానికి రెండు రోజుల పర్యటనకు వస్తున్నారు. ఆయన రాజస్థాన్ రాజధాని జైపూర్ నుండి పర్యటనను ప్రారంభిస్తారు. పింక్ సిటీగా పిలవబడే జైపూర్లోని అమెర్ ఫోర్ట్, హవా మహల్, ఖగోళ అబ్జర్వేటరీ ‘జంతర్ మంతర్’లను ఆయన సందర్శిస్తారు. జనవరి 26న ఢిల్లీలో జరగనున్న 75వ గణతంత్ర దినోత్సవ వేడుకలకు ఇమ్మాన్యుయేల్ మాక్రాన్ ముఖ్య అతిథిగా హాజరుకానున్నారు. ఈ గ్రాండ్ ఈవెంట్కు హాజరైన ఫ్రాన్స్కు ఆయన ఆరో నాయకుడు. దాదాపు ఆరు గంటల పాటు ఫ్రాన్స్ అధ్యక్షుడు జైపూర్లో ఉండనున్నారు. ఈ సందర్భంగా ఆయన ప్రధాని నరేంద్ర మోదీతో కలిసి రోడ్షోలో కూడా పాల్గొంటారు. హోటల్ తాజ్ రాంబాగ్ ప్యాలెస్లో భారత్-ఫ్రాన్స్ ద్వైపాక్షిక సంబంధాలు, వివిధ భౌగోళిక రాజకీయ పరిణామాలపై ఇరువురు నేతలు విస్తృత స్థాయి చర్చలు జరుపుతారు.
ఫ్రాన్స్ అధ్యక్షుడికి ప్రధాని మోదీ స్వాగతం పలకనున్నారు
గురువారం సాయంత్రం ప్రధాని మోదీ మాక్రాన్కు స్వాగతం పలుకుతారని, ఇరువురు నేతలు జంతర్ మంతర్, హవా మహల్, ఆల్బర్ట్ హాల్ మ్యూజియంతో సహా నగరంలోని వివిధ సాంస్కృతిక, చారిత్రక ప్రాముఖ్యత కలిగిన ప్రదేశాలను సందర్శిస్తారని ప్రధాన మంత్రి కార్యాలయం (PMO) ఒక ప్రకటనలో తెలిపింది. విదేశాంగ మంత్రిత్వ శాఖ ప్రకారం.. ఫ్రెంచ్ అధ్యక్షుడి విమానం గురువారం మధ్యాహ్నం 2.30 గంటలకు జైపూర్ విమానాశ్రయంలో ల్యాండ్ అవుతుంది. ఇదే రోజు రాత్రి 8.50 గంటలకు ఢిల్లీకి బయలుదేరుతుంది. సాయంత్రం 6 గంటలకు జంతర్ మంతర్ ప్రాంతం నుంచి రోడ్ షో ప్రారంభం కాగా, ప్రధాని మోదీ, అధ్యక్షుడు మాక్రాన్ మధ్య రాత్రి 7.15 గంటలకు చర్చలు ప్రారంభమవుతాయి.
We’re now on WhatsApp. Click to Join.
ఈ అంశాలపై చర్చ జరగనుంది
ఈ సమయంలో డిజిటల్ రంగం, రక్షణ, వాణిజ్యం, స్వచ్ఛమైన ఇంధనం, భారతీయ విద్యార్థులకు వీసా నిబంధనల సడలింపు వంటి వివిధ రంగాల్లో ద్వైపాక్షిక సహకారాన్ని పెంపొందించే మార్గాలపై చర్చలు జరుగుతాయని వర్గాలు తెలిపాయి. ఈ చర్చల సందర్భంగా ఫ్రాన్స్ నుంచి 26 రాఫెల్-ఎమ్ (మెరైన్ వెర్షన్) యుద్ధ విమానాలు, మూడు స్కార్పీన్ జలాంతర్గాములను కొనుగోలు చేయాలన్న భారత్ ప్రతిపాదనపై కూడా చర్చ జరుగుతుందని భావిస్తున్నారు. రాఫెల్-ఎం జెట్, మూడు స్కార్పెన్ జలాంతర్గాముల కొనుగోలుపై చర్చలు సరైన దిశలో సాగుతున్నాయని సంబంధిత వర్గాలు తెలిపాయి.
Also Read: Viral : పానీపూరి అమ్ముతూ మహీంద్రా థార్ ను కొనుగోలు చేసిన 22 ఏళ్ల యువతీ..
బిలియన్ల డాలర్ల విలువైన ఈ రెండు ఒప్పందాలు ప్రకటిస్తారా లేదా అనేది ఇంకా స్పష్టంగా తెలియలేదు. ఇండో-పసిఫిక్ ప్రాంతంలో సముద్ర సహకారాన్ని పెంపొందించడం, ఎర్ర సముద్రంలో పరిస్థితి, హమాస్-ఇజ్రాయెల్ వివాదం, ఉక్రెయిన్ యుద్ధంపై కూడా ప్రధాని మోదీ- అధ్యక్షుడు మాక్రాన్ చర్చిస్తారని తెలుస్తోంది.
శుక్రవారం జరిగే గణతంత్ర వేడుకలకు ఇమ్మాన్యుయేల్ మాక్రాన్ ముఖ్య అతిథిగా హాజరుకానున్నారు. ఫ్రాన్స్కు చెందిన 95 మంది సభ్యుల మార్చింగ్ స్క్వాడ్, 33 మంది సభ్యుల బ్యాండ్ స్క్వాడ్ కూడా కవాతులో పాల్గొంటుంది. ఫ్రెంచ్ వైమానిక దళానికి చెందిన రెండు రాఫెల్ యుద్ధ విమానాలు, ఎయిర్బస్ A330 మల్టీ-రోల్ ట్యాంకర్ రవాణా విమానం కూడా వేడుకలో పాల్గొంటాయి. రాష్ట్రపతి భవన్లో రాష్ట్రపతి ద్రౌపది ముర్ము ఏర్పాటు చేసిన విందుకు ఇమ్మాన్యుయేల్ మాక్రాన్ హాజరుకానున్నారు. శుక్రవారం సాయంత్రం 7:10 గంటలకు ముర్ముతో సమావేశం కానున్నారు. అదే రోజు రాత్రి 10.05 గంటలకు ఢిల్లీ నుంచి ఫ్రాన్స్కు బయలుదేరి వెళతారు.
Tags
Related News
KCR Vs Modi : నా అరెస్టుకూ మోడీ కుట్ర.. కేసీఆర్ సంచలన ఆరోపణ
KCR Vs Modi : తనను అరెస్టు చేయించి జైల్లో పెట్టడానికి ప్రధానమంత్రి నరేంద్రమోడీ చాలా ప్రయత్నాలే చేశారని తెలంగాణ మాజీ సీఎం కేసీఆర్ ఆరోపించారు.