Railway Tracks : రైల్వే ట్రాక్‌ను పేల్చేసిన దుండగులు

వైజాగ్ కేంద్రంగా రైల్వే జోన్

రైల్వే పార్లమెంటరీ కమిటీ ఛైర్మన్ సీఎం రమేశ్‌ కీలక వివరాలను వెల్లడించారు. త్వరలోనే విశాఖ కేంద్రంగా రైల్వే జోన్‌కు భూమి పూజ జరుగుతుందని ఆయన తెలిపారు.  సీఎం చంద్రబాబు ఆధ్వర్యంలో రైల్వే జోన్ కార్యాలయం, ఇతర కార్యకలాపాలకు కావాల్సిన భూమిని రైల్వే శాఖకు అందించారని చెప్పారు. ఏపీలో రైల్వే ప్రాజెక్టుల అభివృద్ధి కోసం తనవంతుగా కృషి చేస్తానని సీఎం రమేశ్ పేర్కొన్నారు.

Also Read :Moringa Ladoo : మునగ లడ్డూ తింటే ఆ రెండు సమస్యలు పరార్

రైల్వే స్టేషన్లకు ఉగ్ర వార్నింగ్

జైషే మహ్మద్ ఉగ్రవాద సంస్థ  జమ్మూకశ్మీర్ ఏరియా కమాండర్ మహ్మద్ సలీం అన్సారీ పేరుతో రాజస్థాన్‌లోని హనుమాన్‌ ఘర్‌ జంక్షన్‌లోని స్టేషన్‌ సూపరింటెండెంట్‌కు ఓ హెచ్చరిక లేఖ  అందింది. రాష్ట్రంలోని శ్రీ గంగానగర్‌, హనుమాన్ ఘర్, బికనీర్‌, జోధ్‌‌పూర్, కోట, బుందీ, ఉదయర్‌‌పూర్, జై‌పూర్ రైల్వే స్టేషన్‌లలో ఈనెల 30న బాంబు దాడులు చేస్తామని అందులో హెచ్చరించారు. కశ్మీరులో జిహాదీల మరణాలకు ప్రతీకారంగా ఈ దాడులు చేయబోతున్నట్లు లేఖలో పేర్కొన్నారు.దీంతో ఆయా రైల్వే స్టేషన్లలో భద్రతను కట్టుదిట్టం చేశారు. తనిఖీల్లో అనుమానాస్పద వస్తువులే లభించలేదు.

Also Read :WhatsApp Video Calls : వాట్సాప్​ వీడియో కాల్స్‌లో సరికొత్త ఫీచర్లు ఇవే