Moringa Ladoo : మునగ లడ్డూ తింటే ఆ రెండు సమస్యలు పరార్

మునగ లడ్డూల తయారీకి  2 టేబుల్ స్పూన్ల మునగాకు పొడి(Moringa Ladoo) కావాలి. అందులో కలుపుకునేందుకు 1/3 కప్పు గుమ్మడి గింజలు,  1/3 కప్పు పిస్తా గింజలు, 2/3 కప్పు కొబ్బరి పొడి, 2 యాలకులు, 3/4 కప్పు కిస్‌మిస్‌ కావాలి.  తొలుత కొబ్బరి పొడి, పిస్తా గింజలు, గుమ్మడి గింజలు, కిస్‌మిస్‌‌లను కడాయిలో దోరగా వేయించాలి. వీటన్నింటికి రెండు యాలకులు, మునగాకు పొడి కలిపి మిక్సీ పట్టాలి. ఇలా వచ్చే మిక్చర్‌ను ఉండల్లా చేస్తే మునగ లడ్డూలు తయారవుతాయి. ఈ లడ్డూను ప్రతిరోజు ఒకటి చొప్పున తింటే ఆరోగ్య ప్రయోజనాలు ఉంటాయని పోషకాహార నిపుణులు అంటున్నారు. ఈ లడ్డూ తయారీకి వాడే కొబ్బరి పొడి వల్ల కొన్ని ఆరోగ్యపరమైన ప్రయోజనాలు ఉంటాయి.  కొబ్బరి పొడిలోని ఆరోగ్యకరమైన కొవ్వులు మన జుట్టు, గోళ్లకు మంచి పోషణను అందిస్తాయి. పిస్తా గింజల వల్ల  బయోటిన్‌, విటమిన్-ఈ, ఒమేగా-3, ఒమేగా-6 ఫ్యాటీ ఆమ్లాలు లభిస్తాయి. మన జుట్టు కుదుళ్లను ఈ పోషకాలు చాలా స్ట్రాంగ్ చేస్తాయి. కిస్మిస్‌ ద్వారా మన శరీరానికి ఐరన్‌, యాంటీ ఆక్సిడెంట్లు లభిస్తాయి. వెరసి మునగాకు లడ్డూ వల్ల మనం చాలా ఆరోగ్య ప్రయోజనాలను అందుకోవచ్చు.

Also Read :Miss Universe India : సీతామాత పాత్రలో ‘మిస్ యూనివర్స్ ఇండియా’.. అయోధ్య రాంలీలలో నటించే ఛాన్స్

గమనిక: పైన ఇచ్చిన సమాచారాన్ని పాఠకుల అవగాహన కోసం ఇంటర్నెట్ నుంచి తీసుకున్నాం. దీన్ని  ‘హ్యాష్ ట్యాగ్ యూ తెలుగు’ ధృవీకరించదు.