NIA Raids : దేశ వ్యాప్తంగా ఎన్ఐఏ ఈడీ సోదాలు.. పీఎఫ్ఐ స‌భ్యుల ఇళ్ల‌లో..?

దేశ వ్యాప్తంగా ఎన్‌ఐఏ, ఈడీ సోదాలు చేస్తోంది. పాపులర్ ఫ్రంట్ ఆఫ్ ఇండియా (పిఎఫ్‌ఐ) సభ్యులకు సంబంధించిన పలు ప్రాంతాల్లో దాడులు నిర్వహిస్తోంది. 50 మందికి పైగా అదుపులోకి తీసుకున్నామని, వారిని ప్రశ్నించడంపై అరెస్టులు ఆధారపడి ఉంటాయని వర్గాలు తెలిపాయి. మహారాష్ట్రలోని ఔరంగాబాద్, జలనా, పర్భాని జిల్లాల్లో దాడులు జరుగుతున్నాయి. మంగళవారం తెల్లవారుజామున ప్రారంభమైన ఈ దాడులు కొనసాగుతున్నాయి. ఎన్‌ఐఏ సూచనల మేరకు కొన్ని రాష్ట్రాల్లో స్థానిక పోలీసులు దాడులు నిర్వహిస్తున్నారని ఎన్‌ఐఏ వర్గాలు తెలిపాయి.

నాగర్‌బెరా ప్రాంతానికి చెందిన ఐదుగురు PFI సభ్యులను అదుపులోకి తీసుకున్నామని అస్సాం అదనపు డైరెక్టర్ జనరల్ ఆఫ్ పోలీస్ (ADGP) (స్పెషల్ బ్రాంచ్) హిరేన్ నాథ్ తెలిపారు. అసోంలోని పలు జిల్లాల్లో దాడులు కొనసాగుతున్నాయని డీజీపీ తెలిపారు. ఇటీవల ఎన్‌ఐఏ జరిపిన దాడిలో 11 మందిని అదుపులోకి తీసుకున్నారు.ప‌శ్చిమ ఉత్తరప్రదేశ్‌లో నలుగురు వ్యక్తులను అదుపులోకి తీసుకున్నారు.