Encounter : కుల్గాం లో ఉగ్రవాదుల ఎన్‌కౌంటర్‌.. కొనసాగుతున్న ‘ఆపరేషన్ అఖల్’

Encounter : జమ్మూకాశ్మీర్‌లో మళ్లీ కాల్పుల మోత మోగింది. కుల్గాం జిల్లాలో శుక్రవారం ప్రారంభమైన ఉగ్రవాద వ్యతిరేక ఆపరేషన్‌లో భద్రతా బలగాలు ఒక ఉగ్రవాదిని మట్టుబెట్టాయి. అడవుల్లో చోటు చేసుకున్న ఈ హోరాహోరీ కాల్పుల మధ్య భద్రతా బలగాల నిర్వహణలో ఉన్న ఆపరేషన్ అఖల్‌ ఇంకా కొనసాగుతోందని అధికారులు తెలిపారు.

కుల్గాం జిల్లా పరిధిలోని అఖల్ అటవీ ప్రాంతంలో కొన్ని రోజులుగా ఉగ్రవాదుల కదలికలపై గూఢచారుల నుంచి సమాచారం అందింది. ఈ మేరకు శుక్రవారం ఉదయం ఆర్మీ, జమ్మూకాశ్మీర్ పోలీస్ స్పెషల్ ఆపరేషన్స్ గ్రూప్ (SOG), సీఆర్పీఎఫ్ సంయుక్తంగా గాలింపు చర్యలు ప్రారంభించాయి. అడవిలో దాగి ఉన్న ఉగ్రవాదులు బలగాల రాకను గమనించగానే ఒక్కసారిగా కాల్పులకు తెగబడ్డారు. దీంతో అప్రమత్తమైన భద్రతా దళాలు అదే స్థాయిలో ఎదురు కాల్పులకు దిగాయి.

ఈ ఎన్‌కౌంటర్ రాత్రంతా కొనసాగింది. చినార్ కార్ప్స్ ప్రకారం, శనివారం ఉదయానికి ఒక ఉగ్రవాది హతమయ్యాడు. అయితే ఇంకా కొంతమంది ఉగ్రవాదులు అటవీ ప్రాంతంలో దాక్కున్నట్టు అనుమానాల నేపథ్యంలో ఆపరేషన్‌ కొనసాగుతుందన్నారు. అడవిని చుట్టుముట్టి సుదీర్ఘంగా గాలిస్తున్నారు. ఎలాంటి తప్పుదోవలు లేకుండా, సాధ్యమైనంత వరకూ ప్రాణనష్టం లేకుండా ఈ ఆపరేషన్‌ను ముగించేందుకు భద్రతా బలగాలు కార్యాచరణను సూటిగా అమలు చేస్తున్నాయి.

Donald Trump Tariffs India : ట్రంప్ అక్కసుకు అసలు కారణమిదే!

ఇటీవల కాలంలో కాశ్మీర్ లోయలో ఉగ్రవాద కార్యకలాపాలు మరింత ఉధృతమవుతున్నాయి. దాంతో పాటు భారత భద్రతా బలగాల రెస్పాన్స్ కూడా అంతే తీవ్రంగా ఉంది. కొద్ది రోజుల క్రితమే శ్రీనగర్ సమీపంలో జరిగిన ‘ఆపరేషన్ మహాదేవ్’లో ముగ్గురు ఉగ్రవాదులు మట్టుబడ్డారు. వీరిలో పెహల్గాంలో పర్యాటకులపై జరిగిన దాడికి సంబంధించి కీలక నిందితుడిగా భావిస్తున్న సులేమాన్ అలియాస్ ఆసిఫ్ కూడా ఉన్నాడు.

అలానే, ఇటీవల పూంఛ్ సెక్టార్‌లో నియంత్రణ రేఖ వద్ద పాక్‌ నుంచి చొరబడిన ఇద్దరు ఉగ్రవాదులను బలగాలు హతమార్చాయి. ఈ ఘటనలన్నింటితో కాశ్మీర్ లోయ మొత్తం హై అలర్ట్‌లోకి వెళ్లింది. రహదారులు, అటవీ ప్రాంతాలు, సరిహద్దు పూచిపోస్తలన్నీ భద్రతా పరంగా మోహరించారు.

తాజా కుల్గాం ఘటనతో సైన్యం అప్రమత్తమై అక్కడి భద్రతను మరింత కఠినంగా అమలు చేస్తోంది. ప్రజలెవ్వరూ ఆ ప్రాంతానికి చేరకుండా చర్యలు తీసుకుంటున్నారు. ఉగ్రవాదుల తడబాటు అవకాశాన్ని బలంగా మార్చుకుంటూ, వారి మదిలో మరింత భయాన్ని కలిగించేలా సైన్యం వ్యూహాత్మకంగా అడుగులు వేస్తోంది.

Amazon Offers : అమెజాన్ లో దుమ్మురేపే ఆఫర్లు..మిస్ చేసుకుంటే మీకే నష్టం