Kangana Ranaut : రాజకీయాల్లోకి కంగనా రనౌత్.. 2024లో అక్కడి నుంచి పోటీ..!!

బాలీవుడ్ క్వీన్ కంగనా రనౌత్ రాజకీయాల్లోకి ఎంట్రీ ఇస్తున్నారు. చాలాకాలం పీఎం మోదీకి భారతీయ జనతాపార్టీకి మద్దతు ప్రకటిస్తున్న కంగనా…రాజకీయాల్లోకి వస్తారన్న ఊహాగానాలు వినిపించాయి. వీటన్నింటిని ఇన్నాళ్లూ ఖండించిన కంగనా…తాజాగా ఓ మీడియా సంస్థతో మాట్లాడుతూ…తాను రాజకీయాల్లోకి ఎంట్రీ ఇస్తున్నట్లు క్లారిటీ ఇచ్చేశారు. అంతేకాదు తాను పోటీ చేసేది ఎక్కడి నుంచో కూడా చెప్పేశారు.

రాజకీయాల్లోకి రానున్నారా అని కంగనాను ప్రశ్నించగా నేను ఏదైనా ఓపెన్ గా చెప్పేస్తాను…ఏదైనా ఉందంటేనే చెప్తాను. రాజకీయాలు అంటే, హిమాచల్ ప్రదేశ్ ప్రజల ఆశీస్సులు ఉంటే మండి నుంచి పోటీ చేసేందుకు అవకాశం లభిస్తుంది. అది కచ్చితంగా జరుగుతుందని ఆశిస్తున్నాను అంటూ చెప్పుకొచ్చారు కంగనా. అంటే తాను రాజకీయాల్లోకి వస్తున్నట్లు చెప్పకనే చెప్పారు. అయితే ఏ రాజకీయా పార్టీలో చేరుతారన్నది దానిపై చర్చ అనవసరం అంటున్నారు. పక్కగా బీజేపీ నుంచే బరిలోకి దిగబోతున్నట్లు సమాచారం.