Vistara Flight: ఎయిర్ విస్తారా ఫ్లైట్కు తప్పిన పెను ప్రమాదం.. విమానంలో 140 మంది ప్రయాణీకులు
ఎయిర్ విస్తారా (Vistara Flight) యూకే-781 విమానానికి త్రుటిలో పెనుప్రమాదం తప్పింది. ఢిల్లీ నుంచి భువనేశ్వర్ వెళ్లే విస్తారా విమానం (Vistara Flight)లో సోమవారం సాయంత్రం సాంకేతిక లోపం తలెత్తింది. దీంతో ఢిల్లీ విమానాశ్రయంలో పూర్తి ఎమర్జెన్సీని ప్రకటించారు.
- Author : Gopichand
Date : 10-01-2023 - 6:50 IST
Published By : Hashtagu Telugu Desk
ఎయిర్ విస్తారా (Vistara Flight) యూకే-781 విమానానికి త్రుటిలో పెనుప్రమాదం తప్పింది. ఢిల్లీ నుంచి భువనేశ్వర్ వెళ్లే విస్తారా విమానం (Vistara Flight)లో సోమవారం సాయంత్రం సాంకేతిక లోపం తలెత్తింది. దీంతో ఢిల్లీ విమానాశ్రయంలో పూర్తి ఎమర్జెన్సీని ప్రకటించారు. హైడ్రాలిక్ సిస్టమ్ వైఫల్యం కారణంగా విమానం టేకాఫ్ తర్వాత తిరిగి వచ్చిందని డీజీసీఏ తెలిపింది. విస్తారా విమానం UK-781 హైడ్రాలిక్ సిస్టమ్ వైఫల్యం కారణంగా అత్యవసర ల్యాండింగ్ చేయాల్సి వచ్చిందని అధికారులు తెలిపారు.
సమాచారం ప్రకారం.. విమానం టేకాఫ్ అయిన వెంటనే విమానం హైడ్రాలిక్ సిస్టమ్ వైఫల్యం గురించి విమానం పైలట్కు తెలిసింది. ఈ విషయాన్ని పైలట్ ఏటీసీకి నివేదించాడు. దీంతో ఢిల్లీ విమానాశ్రయంలో ఎమర్జెన్సీని ప్రకటించారు. పూర్తి ఎమర్జెన్సీ ప్రకటించడంతో ఢిల్లీ నుంచి భువనేశ్వర్ వెళ్లాల్సిన విమానం సురక్షితంగా ఢిల్లీలో ల్యాండ్ అయిందని డీజీసీఏ తెలిపింది. ప్రయాణికులందరూ సురక్షితంగా ఉన్నారు. విమానం ఢిల్లీ విమానాశ్రయంలో సురక్షితంగా ల్యాండ్ అయింది. అందులో దాదాపు 140 మంది ప్రయాణికులు ఉన్నారు. VT-TNV హైడ్రాలిక్ సిస్టమ్లో సమస్య కారణంగా విస్తారా A320 విమానం తిరిగి వచ్చిందని DGCA సీనియర్ అధికారి ఒకరు తెలిపారు. ప్రాధాన్యతా ప్రాతిపదికన విమానాన్ని ఢిల్లీ విమానాశ్రయంలో దించామని చెప్పారు.
Also Read: Bomb Threat: బాంబు బెదిరింపు.. గోవా విమానం ల్యాండ్!
విమానంలో 210 మంది ప్రయాణికులు ఉన్నారని, ఢిల్లీ విమానాశ్రయంలో సురక్షితంగా ల్యాండ్ అయ్యిందని అధికారులు తెలిపారు. అధికారుల ప్రకారం, విమానం- AI-143 IGI విమానాశ్రయం నుండి మధ్యాహ్నం 1:28 గంటలకు బయలుదేరింది. అయితే సమస్య కారణంగా పైలట్ వెంటనే అత్యవసర ల్యాండింగ్ను అభ్యర్థించాడు. ఇటీవలి కాలంలో విమానాల్లో అనేక లోపాలు చోటుచేసుకున్నాయి. జనవరి 4న ఎయిరిండియాకు చెందిన ఢిల్లీ-పారిస్ విమానాన్ని ఎయిర్ఫాల్ట్ గుర్తించడంతో తిరిగి ఢిల్లీ విమానాశ్రయానికి తీసుకొచ్చారు. ప్యారిస్కు వెళ్లే ఎయిరిండియా విమానాన్ని న్యూఢిల్లీలోని ఇందిరాగాంధీ ఇంటర్నేషనల్ (ఐజిఐ) విమానాశ్రయంలో అత్యవసరంగా ల్యాండింగ్ చేయాల్సి వచ్చింది.
Follow us
