ITR Filing: ఈరోజే లాస్ట్ ఛాన్స్.. లేకుంటే భారీగా ఫైన్..!
2022-23 ఆర్థిక సంవత్సరం, 2023-24 అసెస్మెంట్ సంవత్సరానికి ఆదాయపు పన్ను రిటర్న్లను దాఖలు (ITR Filing) చేయడానికి గడువు నేటితో ముగుస్తుంది.
- Author : Gopi
Date : 31-12-2023 - 11:45 IST
Published By : Hashtagu Telugu Desk
ITR Filing: 2022-23 ఆర్థిక సంవత్సరం, 2023-24 అసెస్మెంట్ సంవత్సరానికి ఆదాయపు పన్ను రిటర్న్లను దాఖలు (ITR Filing) చేయడానికి గడువు నేటితో ముగుస్తుంది. ఆదాయపు పన్ను శాఖ డిసెంబర్ 31, 2023 లోపు ఆలస్య రుసుముతో ITR ఫైల్ చేయాలని పన్ను చెల్లింపుదారులకు హెచ్చరిక జారీ చేసింది. పన్ను చెల్లింపుదారులు శ్రద్ధ వహించాలని డిపార్ట్మెంట్ తన అధికారిక X (ట్విట్టర్) హ్యాండిల్లో దీని గురించి సమాచారం ఇచ్చింది. 2023-24 అసెస్మెంట్ సంవత్సరానికి ITR ఫైల్ చేయడానికి ఈరోజే చివరి అవకాశం.
ఆదాయపు పన్ను శాఖ సమాచారం ఇచ్చింది
పెద్ద మొత్తంలో ఆర్థిక లావాదేవీలు చేసినా ఐటీఆర్ దాఖలు చేయని చాలా మంది పన్ను చెల్లింపుదారులను ఆదాయపు పన్ను శాఖ గుర్తించింది. అటువంటి పన్ను చెల్లింపుదారులను గుర్తించి SMS ద్వారా సమాచారం పంపింది. మీరు ఆదాయపు పన్ను శాఖ నుండి సందేశాన్ని కూడా స్వీకరించినట్లయితే.. ఈరోజే ఆలస్య రుసుముతో ITR ఫైల్ చేయాల్సి ఉంటుంది.
Also Read: APPSC Notification : 240 డిగ్రీ లెక్చరర్ పోస్టుల భర్తీకి నోటిఫికేషన్
ఐటీఆర్ ఫైల్ చేయకపోతే ఏమవుతుంది..?
పన్ను చెల్లింపుదారులు 2023-24 అసెస్మెంట్ సంవత్సరానికి జరిమానా లేకుండా ఐటీఆర్ ఫైల్ చేయడానికి జూలై 31ని గడువుగా ఆదాయపు పన్ను శాఖ నిర్ణయించింది. ఈ తేదీలోగా ఐటీ రిటర్న్ దాఖలు చేయని వారు రూ. 5,000 వరకు జరిమానా చెల్లించి డిసెంబర్ 31లోగా ఈ పనిని పూర్తి చేయవచ్చు. గమనించదగ్గ విషయం ఏమిటంటే.. వార్షిక ఆదాయం రూ.5 లక్షల లోపు ఉంటే రూ.1000 జరిమానా విధిస్తారు. రూ. 5 లక్షల కంటే ఎక్కువ ఆదాయం ఉంటే రూ. 5,000 ఆలస్య రుసుము చెల్లించి ITR ఫైల్ చేయవచ్చు.
We’re now on WhatsApp. Click to Join.
8 కోట్ల మందికి పైగా ఐటీఆర్ దాఖలు
2023-24 అసెస్మెంట్ సంవత్సరానికి 8 కోట్ల మందికి పైగా పన్ను చెల్లింపుదారులు ఐటీఆర్ను దాఖలు చేసినట్లు ఆదాయపు పన్ను శాఖ ఇటీవల తెలియజేసింది. మొత్తం 7,51,60,817 మంది పన్ను చెల్లింపుదారులు రిటర్నులు దాఖలు చేయడం ఇదే తొలిసారి అని ఆదాయపు పన్ను శాఖ వెల్లడించింది. ఈ సందర్భంగా పన్ను చెల్లింపుదారులకు ఆ శాఖ కృతజ్ఞతలు తెలిపింది.
రిటర్న్ ఫైల్ చేయడం ఎలా?
– ITRని ఫైల్ చేయడానికి ముందుగా ఆదాయపు పన్ను శాఖ ఈ-ఫైలింగ్ పోర్టల్ని సందర్శించండి.
– ఇక్కడ ఇన్కమ్ ట్యాక్స్ రిటర్న్ ఆప్షన్ని ఎంచుకుని ఆర్థిక సంవత్సరాన్ని ఎంచుకోండి.
– న్యూ ఫైలింగ్ ఎంపికకు వెళ్లి వ్యక్తిగత ఎంపికను ఎంచుకోండి.
– తర్వాత ITR ఫారం-1ని తెరిచి ఆపై ప్రాసీడ్ టు వాలిడేషన్పై క్లిక్ చేయాలి.
– అప్పుడు మీరు మీ ఆదాయం ప్రకారం జరిమానా చెల్లించవలసి ఉంటుంది. ఆపై ITR ఫైల్ చేయబడుతుంది.
Follow us
