Doctor Rape Case: కోల్‌కతా చేరుకున్న సీబీఐ బృందం
ట్రైనీ డాక్టర్‌పై జరిగిన దారుణంపై విచారం వ్యక్తం చేసిన హైకోర్టు అధికారుల్ని మందలించింది. సంఘటన జరిగి ఐదు రోజులు గడిచినా, పోలీసులు ఇంకా ఎటువంటి నిర్ధారణకు రాలేకపోయారు. సరైన విచారణ నిమిత్తం కేసును సీబీఐకి అప్పగించారు.సీబీఐ కోల్కత్తాకు చేరుకొని విచారణ ప్రారంభించింది.
- By Praveen Aluthuru Published Date - 01:24 PM, Wed - 14 August 24
Doctor Rape Case: పశ్చిమ బెంగాల్‌లో మహిళా ట్రైనీ డాక్టర్‌పై అత్యాచారం-హత్య ఘటనపై నిష్పక్షపాత దర్యాప్తు జరగాలని డిమాండ్‌ చేస్తోంది. దీనిపై దేశవ్యాప్తంగా వైద్యుల సమ్మె కొనసాగుతోంది. కలకత్తా హైకోర్టు ఈ కేసును సీబీఐకి అప్పగించింది. ఈ నేపథ్యంలో సిబిఐ దూకుడు పెంచింది. ఈ రోజు బుధవారం సిబిఐ బృందం కోల్‌కతా చేరుకుంది. లేడీ డాక్టర్ రేప్ మరియు హత్య కేసును విచారిస్తుంది.
ఆర్‌జి కర్ మెడికల్ కాలేజ్ అండ్ హాస్పిటల్‌లో ట్రైనీ డాక్టర్‌పై జరిగిన దారుణం ఇది. ఈ కేసుపై విచారం వ్యక్తం చేసిన హైకోర్టు అధికారుల్ని మందలించింది. సంఘటన జరిగి ఐదు రోజులు గడిచినా, పోలీసులు ఇంకా ఎటువంటి నిర్ధారణకు రాలేకపోయారు. సాక్ష్యాలను తారుమారు చేశారు. ఈ నేపథ్యంలో సరైన విచారణ నిమిత్తం కేసును సీబీఐకి అప్పగించారు. బుధవారం ఉదయానికి అన్ని పత్రాలను సీబీఐకి అందజేయాలని కోర్టు చెప్పింది. సమ్మె విరమించాలని నిరసన తెలుపుతున్న వైద్యులకు న్యాయస్థానం విజ్ఞప్తి చేసింది.
సమ్మెలో టీఎంసీ ఎంపీలు:
మహిళా రెసిడెంట్ డాక్టర్‌పై అత్యాచారం చేసి హత్య చేసిన కేసులో తృణమూల్ కాంగ్రెస్ ఎంపీ ఓ ప్రకటన చేశారు. టీఎంసీ రాజ్యసభ ఎంపీ సుఖేందు శేఖర్ రాయ్ తెలిపిన వివరాల ప్రకారం ఆయన కూడా వైద్యుల సమ్మెలో పాల్గొంటారు. అతను సమ్మె చేస్తున్న వైద్యులతో కూర్చోనున్నాడు.
మహిళా డాక్టర్‌పై సామూహిక అత్యాచారం:
ఈ కేసులో సామూహిక అత్యాచారం జరిగే అవకాశాలను కొట్టిపారేయలేమని చెబుతున్నారు. మహిళా డాక్టర్ పోస్ట్‌మార్టం నివేదికకు సంబంధించి, బాధితురాలి శరీరానికి అయిన గాయాలు ఒక్క వ్యక్తికి సాధ్యం కాదన్నారు. దీని వల్ల ఒకరి కంటే ఎక్కువ మంది ఉన్నారని చెబుతున్నారు.
సీబీఐ పురోగతి నివేదిక:
మెడికల్ కాలేజీ ప్రిన్సిపాల్ సందీప్ ఘోష్ యాక్టివ్‌గా లేకపోవడం తీవ్ర నిరాశకు గురిచేస్తోందని హైకోర్టు పేర్కొంది. మూడు వారాల తర్వాత ఈ కేసు తదుపరి విచారణ చేపట్టాలని ధర్మాసనం పేర్కొంది. సీబీఐ పురోగతి నివేదికను విడుదల చేయనుంది. ఈ కేసులో నిరసన తెలుపుతున్న వైద్యులకు కలకత్తా హైకోర్టు ఆగ్రహం వ్యక్తం చేసింది. ఆసుపత్రికి వచ్చే రోగులకు వైద్యం చేయడం మీ బాధ్యత, అందరూ అర్ధం చేసుకుని సమ్మె విరమించాలని కోరింది.
