Kejriwal Bail Updates: ఢిల్లీ కోర్టులో కేజ్రీవాల్ కు చుక్కెదురు, 25వరకు కస్టడీ పొడిగింపు

Kejriwal Bail Updates: మద్యం పాలసీ కుంభకోణం కేసులో ఢిల్లీ ముఖ్యమంత్రి అరవింద్ కేజ్రీవాల్(Kejriwal) జ్యుడీషియల్ కస్టడీని సెప్టెంబరు 25 వరకు పొడిగిస్తూ కోర్టు నిర్ణయం తీసుకుంది.గతంలో మంజూరైన జ్యుడీషియల్ కస్టడీ గడువు ముగియడంతో తీహార్ జైలు నుంచి వీడియో కాన్ఫరెన్స్ ద్వారా సీఎం కేజ్రీవాల్‌ను రోస్ అవెన్యూ కోర్టులో హాజరుపరిచారు. ఈ సందర్భంగా సిబిఐ నిందితులకు ఛార్జ్ షీట్ సాఫ్ట్ కాపీని అందజేస్తామని మరియు 3-4 రోజుల్లో హార్డ్ కాపీని అందజేస్తామని కోర్టుకు హామీ ఇచ్చింది.

సీబీఐ(CBI) దాఖలు చేసిన చార్జిషీట్‌ను పరిగణనలోకి తీసుకున్న రూస్ అవెన్యూ కోర్టు ప్రత్యేక న్యాయమూర్తి కావేరీ బవేజా గత వారం సెప్టెంబర్ 11న సీఎం కేజ్రీవాల్‌కు ప్రొడక్షన్ వారెంట్ జారీ చేశారు. అంతకుముందు ఢిల్లీ సిఎం మరియు ఇతర నిందితులపై సిబిఐ తన అనుబంధ ఛార్జిషీటును కోర్టులో దాఖలు చేసింది. అవినీతి కేసులో తనను సిబిఐ అరెస్టు చేయడాన్ని సవాలు చేస్తూ, బెయిల్ కోరుతూ సిఎం కేజ్రీవాల్ వేసిన పిటిషన్‌పై సుప్రీంకోర్టు ఇంకా తీర్పును ప్రకటించలేదు.మరోవైపు సిఎం కేజ్రీవాల్‌ను విడుదల చేయడం వల్ల చాలా మంది సాక్షులు తారుమారు అవుతారని సిబిఐ సుప్రీంకోర్టును కోరింది.

ఎక్సైజ్ పాలసీ కేసుకు సంబంధించి అక్రమ నిధులతో ఆమ్ ఆద్మీ పార్టీ(AAP) లబ్ధి పొందిందని సీబీఐ ఆరోపించింది. ఆప్ జాతీయ కన్వీనర్ మరియు ఓవరాల్ ఇన్‌చార్జ్ అయిన కేజ్రీవాల్ మొదటి నుండి పాలసీ రూపకల్పన మరియు అమలుకు సంబంధించిన నేరపూరిత కుట్రలో పాలుపంచుకున్నారని సీబీఐ పేర్కొంది. 2022 గోవా అసెంబ్లీ ఎన్నికల ఖర్చుపై ఆప్ చేసిన ప్రకటన తప్పుదారి పట్టించేలా ఉందని, కేవలం బ్యాంకు లావాదేవీల ద్వారా చేసిన చెల్లింపులను మాత్రమే జాబితా చేసిందని, విక్రేతలు, అసెంబ్లీ మేనేజర్లు, బూత్ ఇన్‌ఛార్జ్‌లు మరియు వాలంటీర్లకు నగదు చెల్లింపులను మినహాయించారని సీబీఐ ఆరోపించింది., ఈ నేపథ్యంలో జూన్ 26న కేజ్రీవాల్‌ను సీబీఐ అరెస్ట్ చేసింది. అయితే ఎన్‌ఫోర్స్‌మెంట్ డైరెక్టరేట్ విచారించిన కేసులో జులై 12న సుప్రీంకోర్టు ఆయనకు మధ్యంతర బెయిల్ మంజూరు చేసింది.

Also Read: Amit shah : దేశ వ్యతిరేక ప్రకటనలు చేయడం రాహుల్‌కు అలవాటే: అమిత్‌ షా