Delhi Liquor: ఢిల్లీ సరికొత్త రికార్డు.. ఏడాది కాలంలోనే రూ.7,285 కోట్ల మందు తాగేసిన మద్యం ప్రియులు..!
ప్రస్తుత ఎక్సైజ్ పాలసీ లేదా ఢిల్లీ ప్రభుత్వ పాత ఎక్సైజ్ (Delhi Liquor) పాలసీ ప్రకారం.. గత ఏడాది కాలంలో మొత్తం 61 కోట్లకు పైగా మద్యం సీసాలు విక్రయించబడ్డాయి.
- Author : Gopichand
Date : 03-09-2023 - 11:57 IST
Published By : Hashtagu Telugu Desk
Delhi Liquor: మద్యం సేవించే విషయంలో ఢిల్లీ వాసులు సరికొత్త రికార్డులు సృష్టించారు. ప్రస్తుత ఎక్సైజ్ పాలసీ లేదా ఢిల్లీ ప్రభుత్వ పాత ఎక్సైజ్ (Delhi Liquor) పాలసీ ప్రకారం.. గత ఏడాది కాలంలో మొత్తం 61 కోట్లకు పైగా మద్యం సీసాలు విక్రయించబడ్డాయి. రికార్డు స్థాయిలో మద్యం అమ్మకాల కారణంగా ఏడాది కాలంలో ప్రభుత్వ ఖజానాకు రూ.7,285 కోట్లకు పైగా ఆదాయం చేరింది.
ఢిల్లీ ప్రభుత్వానికి బలమైన ఆదాయాలు
పాత ఎక్సైజ్ పాలసీ ప్రకారం సెప్టెంబర్ 1, 2022 నుంచి ఆగస్టు 31, 2023 మధ్య ఢిల్లీ ప్రభుత్వం మద్యం అమ్మకాల ద్వారా చాలా సంపాదించిందని ఢిల్లీ ప్రభుత్వ అధికారి ఒకరు తెలిపారని పీటీఐ పేర్కొంది. మద్యం ద్వారా ప్రభుత్వం ఏడాది వ్యవధిలో రూ.7,285.15 కోట్లు ఆర్జించింది. ఇందులో వ్యాట్ ద్వారా 2,013.44 కోట్లు ఆర్జించారు. గత ఆర్థిక సంవత్సరం 2021-22లో కొత్త ఎక్సైజ్ పాలసీ అమలులోకి వచ్చినప్పటి నుంచి ఢిల్లీ ప్రభుత్వం మద్యం ద్వారా రూ.5,487.58 కోట్లు ఆర్జించింది.
Also Read: Sonia Gandhi : సోనియా గాంధీకి స్వల్ప అస్వస్థత
ఢిల్లీ ప్రభుత్వంపై ఆరోపణలు
ఢిల్లీ ప్రభుత్వ కొత్త ఎక్సైజ్ పాలసీపై రాజకీయ పార్టీల్లో పెద్ద ఎత్తున చర్చ జరిగింది. దీని కోసం ఢిల్లీ ప్రభుత్వంపై అనేక ఆరోపణలు వచ్చాయి. ఢిల్లీ ఎల్జీ వీకే సక్సేనా కూడా పలు నిబంధనలను విస్మరించారని ఆరోపిస్తూ సీబీఐ విచారణకు సిఫారసు చేశారు.
దీని తర్వాత ఈ కేసు దర్యాప్తులో అప్పటి ఢిల్లీ ఉప ముఖ్యమంత్రి మనీష్ సిసోడియా అక్రమాస్తుల ఆరోపణలపై అరెస్టయ్యారు. కొత్త ఎక్సైజ్ పాలసీని ఢిల్లీ ప్రభుత్వం నవంబర్ 17, 2021న అమలు చేసింది. అనేక ఆరోపణల తర్వాత ఆగస్టు 31, 2022న ఉపసంహరించుకుంది. ప్రస్తుతం ఢిల్లీ ప్రభుత్వ కొత్త ఎక్సైజ్ పాలసీ వర్తించదు. పాత విధానం, నిబంధనల ఆధారంగానే ఢిల్లీలో మద్యం విక్రయాలు జరుగుతున్నాయి.
Follow us
