Conrad Sangma: మేఘాలయ సీఎంగా సంగ్మా ప్రమాణ స్వీకారం
మేఘాలయ సీఎం (Meghalaya CM)గా కొన్రాడ్ సంగ్మా (Conrad Sangma) రెండోసారి ప్రమాణ స్వీకారం చేశారు. ఈ కార్యక్రమంలో ప్రధాని మోదీ, హోంమంత్రి అమిత్ షా సహా బీజేపీ సీనియర్ నేతలు పాల్గొన్నారు.
- By Gopichand Published Date - 12:42 PM, Tue - 7 March 23
మేఘాలయ సీఎం (Meghalaya CM)గా కొన్రాడ్ సంగ్మా (Conrad Sangma) రెండోసారి ప్రమాణ స్వీకారం చేశారు. ఈ కార్యక్రమంలో ప్రధాని మోదీ, హోంమంత్రి అమిత్ షా సహా బీజేపీ సీనియర్ నేతలు పాల్గొన్నారు. మేఘాలయ అసెంబ్లీ ఎన్నికల 2023కి ఫిబ్రవరి 27న ఓటింగ్ జరిగింది. త్రిపుర, నాగాలాండ్తో పాటు రాష్ట్ర ఎన్నికల ఫలితాలు మార్చి 2న వెలువడ్డాయి. కొన్రాడ్ సంగ్మా నేషనల్ పీపుల్స్ పార్టీ (NPP) 26 స్థానాలను గెలుచుకుంది.
ఇద్దరు డిప్యూటీ సీఎంలు ప్రమాణ స్వీకారం
రాజధాని షిల్లాంగ్లో జరిగిన కొన్రాడ్ సంగ్మా ప్రభుత్వ ప్రమాణ స్వీకారోత్సవంలో ఇద్దరు డిప్యూటీ సీఎంలు కూడా ప్రమాణ స్వీకారం చేశారు. మేఘాలయ డిప్యూటీ సీఎంలుగా ప్రెస్టన్ టైన్సాంగ్, స్నియాభలాంగ్ ధార్ నియమితులయ్యారు. మేఘాలయ ప్రభుత్వంలో మంత్రులుగా అబూ తాహిర్ మొండల్, కిర్మెన్ షైలా, మార్క్విస్ ఎన్ మరాక్, రక్మా ఎ సంగ్మా ప్రమాణ స్వీకారం చేశారు. వీరితో పాటు అలెగ్జాండర్ లాలూ హెక్, డాక్టర్ ఎం. అంపరీన్ లింగ్డో, పాల్ లింగ్డో, కమింగోన్ యాంబోన్, షక్లియర్ వెర్జ్రీ కూడా మంత్రులుగా ప్రమాణం చేశారు.
Also Read: Kavitha Arrest: కవిత అరెస్ట్ కు మరిన్ని ఆధారాలు!బిజినెస్ పార్ట్నర్ పిళ్ళై కి ఈడీ బేడీలు
45 మంది ఎమ్మెల్యేల మద్దతు
కొన్రాడ్ సంగ్మా బీజేపీతో కలిసి ప్రభుత్వాన్ని ఏర్పాటు చేయాలని డిమాండ్ చేశారు. ఇందుకోసం 22 మంది ఎమ్మెల్యేల సంతకాలతో కూడిన మద్దతు లేఖను ఆయన గవర్నర్కు అందజేశారు. ఆ తర్వాత యునైటెడ్ డెమోక్రటిక్ పార్టీకి చెందిన 11 మంది ఎమ్మెల్యేలు, పీపుల్స్ డెమోక్రటిక్ ఫ్రంట్ నుంచి మరో 2 మంది ఎమ్మెల్యేల మద్దతు కూడా పొందారు. ఈ విధంగా సంగ్మాకు 45 మంది ఎమ్మెల్యేల మద్దతు లభించింది.
Related News
Ranji Trophy 2024: బీఎండబ్ల్యూ కారు, కోటి రూపాయలు… హైదరాబాద్ రంజీ జట్టుకు బంపరాఫర్
రంజీ ట్రోఫీ ప్లేట్ గ్రూప్లో విజేతగా నిలిచిన హైదరాబాద్ జట్టుకు హెచ్సీఏ నజరానా ప్రకటించింది. జట్టుకు రూ.10 లక్షలు , వ్యక్తిగతంగా అదరగొట్టిన ప్లేయర్స్ కు రూ.50 వేలు నగదు బహుమతి ఇస్తామని