ALH Dhruv Chopper: మరోసారి ALH ధ్రువ్ హెలికాప్టర్ కార్యకలాపాలను నిలిపివేసిన అధికారులు
మే 4న ALH ధ్రువ్ (ALH Dhruv) హెలికాప్టర్ కుప్పకూలిన తర్వాత దాని ఆపరేషన్ ఇప్పుడు నిలిపివేయబడింది. జమ్మూ కాశ్మీర్‌ (Jammu and Kashmir)లోని కిష్త్వార్ జిల్లాలో ALH ధ్రువ్ హెలికాప్టర్ (ALH Dhruv Chopper) గురువారం కూలిపోయింది.
- By Gopichand Published Date - 01:05 PM, Sat - 6 May 23
మే 4న ALH ధ్రువ్ (ALH Dhruv) హెలికాప్టర్ కుప్పకూలిన తర్వాత దాని ఆపరేషన్ ఇప్పుడు నిలిపివేయబడింది. జమ్మూ కాశ్మీర్‌ (Jammu and Kashmir)లోని కిష్త్వార్ జిల్లాలో ALH ధ్రువ్ హెలికాప్టర్ (ALH Dhruv Chopper) గురువారం కూలిపోయింది. ఈ ప్రమాదంలో ఒక సైనికుడు కూడా ప్రాణాలు కోల్పోయాడు. ముందుజాగ్రత్త చర్యగా సైన్యం దానిని ఆపరేషన్ కోసం నిలిపివేసినట్లు రక్షణ అధికారి ఒకరు తెలిపారు. జమ్మూ కాశ్మీర్‌లోని కిష్త్వార్ జిల్లా మారుమూల ప్రాంతం మడ్వాలోని మచ్నా అడవుల్లో ఆర్మీ హెలికాప్టర్ కూలిపోయింది. ఈ ఆర్మీ హెలికాప్టర్ ఎమర్జెన్సీ ల్యాండింగ్‌లో సాంకేతిక లోపంతో కుప్పకూలింది.
హెలికాప్టర్ క్రాష్ కావడానికి ముందు పైలట్, కో-పైలట్ సాంకేతిక లోపం గురించి ఎయిర్ ట్రాఫిక్ కంట్రోలర్ (ATC)కి సమాచారం అందించి, ఆపై అత్యవసర ల్యాండింగ్‌కు ప్రయత్నించారు. మరువా నది ఒడ్డున హెలికాప్టర్‌ను దింపేందుకు పైలట్ ప్రయత్నించినా ఫలితం లేకపోవటంతో పెను ప్రమాదం చోటుచేసుకుంది. హెలికాప్టర్‌లో పైలట్, కో-పైలట్‌తో పాటు టెక్నీషియన్ కూడా ఉన్నారు.
Also Read: Road Accident: గ్రేటర్ నోయిడా ఎక్స్‌ప్రెస్‌వేపై రోడ్డు ప్రమాదం.. ముగ్గురు మృతి
ALH హెలికాప్టర్‌ను ఇండియన్ కోస్ట్ గార్డ్‌తో పాటు ఆర్మీ, నేవీ, ఎయిర్ ఫోర్స్‌తో సహా మూడు రక్షణ దళాలు నిర్వహిస్తాయి. అంతకుముందు ముంబైలో ప్రమాదం జరిగిన తరువాత దాని ఆపరేషన్ ను ఇండియన్ ఆర్మీ ALH ధృవ్ హెలికాప్టర్ నిషేధించింది. దీంతో పాటు ఘటనకు గల కారణాలపై ఆరా తీస్తున్నారు. వెరిఫికేషన్ ప్రక్రియలో క్లియర్ అయిన హెలికాప్టర్లు ఇప్పుడు ఎగురుతున్నాయని ఒక మూలాధారం తెలిపింది. భారత వైమానిక దళం సుమారు 70 ALH ధృవ్‌లను నిర్వహిస్తోంది.
