PM Kisan Yojana: జూన్ చివర్లో పీఎం కిసాన్ నిధి

PM Kisan scheme

PM Kisan Yojana: పేద రైతులకు ఆర్థిక సహాయం అందించేందుకు ప్రధానమంత్రి కిసాన్ సమ్మాన్ నిధి యోజనను అమలు చేస్తుంది. కేంద్ర ప్రభుత్వం రైతులకు ఇచ్చే పీఎం కిసాన్ సమ్మాన్ నిధి కోసం రైతులంతా ఎదురుచూస్తున్నారు. ఈ పథకం కింద రైతులకు 13 విడతలు పూర్తవ్వగా ఇప్పుడు 14వ విడత కోసం రైతులు ఎదురు చూస్తున్నారు. ఈ ఏడాది ఫిబ్రవరిలో కేంద్రంలోని మోడీ ప్రభుత్వం ప్రధానమంత్రి కిసాన్ సమ్మాన్ నిధి కింద 13వ విడత రైతులకు అందింది. ప్రభుత్వం నేరుగా రైతుల ఖాతాలకు 2000 రూపాయలు అందించింది. ఈ పథకం కింద 14వ విడతను ప్రభుత్వం జూన్ చివరి వారంలో రైతుల ఖాతాలో డిపాజిట్ చేయనుంది. అయితే దీనిపై ప్రభుత్వం నుంచి ఇంకా ఎలాంటి అధికారిక ప్రకటన వెలువడలేదు.

14వ విడత సొమ్మును పొందడానికి రైతులు తప్పనిసరిగా ఇ-కెవైసి పూర్తి చేయాలి. ఇది కంప్లీట్ కాకుండా ఖాతాలో డబ్బు జమా అవ్వడం కుదరదు. ఈ పథకం కింద ప్రభుత్వం ప్రతి సంవత్సరం లబ్ధిదారులకు 6000 రూపాయలు ఇస్తుంది. ప్రభుత్వం ఈ డబ్బును రైతుల బ్యాంకు ఖాతాలకు ఒకేసారి కాకుండా విడతల వారీగా పంపనుంది. ఒక్కో విడతలో రూ.2000 చొప్పున మూడు విడతలుగా పంపిస్తుంది. ప్రధానమంత్రి పథకం కింద 13వ విడత 27 ఫిబ్రవరి 2023న జమా అయింది, దీని కింద దేశంలోని 8 కోట్ల మందికి పైగా రైతులు ప్రయోజనం పొందారు.

Read More: Summer Dry Lips: వేసవిలో పదేపదే పెదాలు పొడిబారుతున్నాయా.. ఈ చిట్కాలు పాటించాల్సిందే?

Follow us