Chicken: చికెన్ ఇలా వండుకుని తింటే బరువు తగ్గుతారట..
చాలా మంది బరువు తగ్గాలంటే నాన్వెజ్కి దూరంగా ఉండాలని అనుకుంటారు. నిజంగానే, ఇందులో నిజం ఉందా అంటే..
- Author : Maheswara Rao Nadella
Date : 23-02-2023 - 4:30 IST
Published By : Hashtagu Telugu Desk
చికెన్ (Chicken) అంటే చాలా మందికి ఇష్టం. దీనిని చాలా మంది ఎంతో ఇష్టంగా తింటారు. నాన్వెజ్లో ఎక్కువగా తినే ఫుడ్ ఏదైనా ఉంందంటే.. అది చికెన్ (Chicken) అని కచ్చితంగా చెప్పొచ్చు. ప్రతి ఒక్కరూ ఇష్టంగా తినే ఈ ఫుడ్తో బరువు కూడా తగ్గొచ్చొని చెబుతున్నారు నిపుణులు. అందుకు కారణం కూడా లేకపోలేదు. దీనిని ఎలా వండితే మంచిది. రుచితో పాటు బెనిఫిట్స్ అందుకోవాలంటే ఏ రకంగా వండితే బెటర్ రిజల్ట్స్ ఉంటాయో ఇప్పుడు చూద్దాం.
చికెన్లోని (Chicken) పోషకాలు:
చికెన్లో ఎక్కువగా ప్రోటీన్ ఉంటుంది. పిండి పదార్థాలు, కేలరీలు తక్కువగా ఉంటాయి. అందుకే బరువు తగ్గేందుకు ఎక్కువగా హెల్ప్ అవుతుంది. అందరికీ అందుబాటులో ఉండే చికెన్ మిగతా నాన్వెజ్ ఐటెమ్స్ కంటే కాస్తా తక్కువ ధరలోనే లబిస్తుంది. దీనిని ఎన్నో రకాలుగా కూడా ఈజీగా చేసుకోవచ్చు. ఫ్యామిలీ అంతా హ్యాపీగా తినొచ్చు.
ఎలా వండాలంటే:
చికెన్ తినడం వల్ల బరువు తగ్గుతారు. కానీ, ఇది కూడా దీనిని వండే విధానంపై ఆధారపడి ఉంటుందని చెబుతున్నారు నిపుణులు. ఇష్టంగా వండితే బరువు తగ్గడం అటుంచితే అదనపు బరువు వచ్చి చేరుతుంది శరీరంలో అందుకే దీనిని వండే విధానంలోనూ మార్పు చేయాలి. చికెన్ని ఫ్రై చేయకూడదు. చీజ్, ఎక్కువ కేలరీలతో కలిపి తినొద్దు. మరి ఎలా చేసుకుని తినాలంటే అది కూడా చూద్దాం.
చికెన్ (Chicken) టిక్కా:
అరకిలో బోన్లెస్ చికెన్, తగినంత ఉప్పు, 2 టేబుల్ స్పూన్ అల్లం వెల్లుల్లి పేస్ట్, నిమ్మరసం కొద్దిగా, పెరుగు కొద్దిగా, ఆవ నూనె 4 టేబుల్ స్పూన్లు, తందూరి మసాలా 1 టేబుల్ స్పూన్, 3 టీ స్పూన్ల కాశ్మీరీ ఎర్ర కారం, పావు టీ స్పూన్ పసుపు, అర స్పూన్ గరం మసాలా, అర స్పూన్ మిరియాల పొడి, 1 ఉల్లిపాయ, 1 క్యాప్సికమ్.
తయారీ విధానం:
మందుగా చికెన్ని కడగాలి. దీనిని డైస్ల్లా కట్ చేయాలి. మెరినేడ్ కోసం ఓ పెద్ద గిన్నెలో పెరుగు, నిమ్మరసం, వెల్లుల్లి అల్లం పేస్ట్, ఉప్పు, గరం మసాలా, కారం, నల్ల మిరియాల పొడి, పసుపు కలపాలి. అందులోని ఆవ నూనె, శనగపిండి, తందూరి మసాలా వేసి మళ్ళీ కలపాలి. ముక్కలకి పట్టించి. తయారైన మసాలా మిశ్రమాన్ని చికెన్ ముక్కలకి పట్టించి కాసేపు మూత పెట్టి పక్కన పెట్టండి. ఇప్పుడు, ఉల్లిపాయ, కాప్సికమ్ని కూడా క్యూబ్స్ల్లా కట్ చేసి మెరినేట్ చేయండి.
ఓవెన్లో:
మైక్రో ఓవెన్ని 400 డిగ్రీలకు ప్రీహీట్ చేయండి. ఉల్లిపాయ, క్యాప్సికమ్తో పాటు మెరినేట్ చేసిన చికెన్ని స్కేవర్కి పెట్టి బేకింగ్ ట్రేలో పెట్టి 10 నుంచి 12 నిమిషాల పాటు గ్రిల్ చేయండి. దీనిపై నిమ్మరసం చల్లి సర్వ్ చేయండి. ఇలా వంట చేసి తినడం వల్ల ఎక్కువ నూనె పట్టొదు. దీంతో పాటు క్యాప్సికమ్ కూడా ఉంది కాబట్టి అదనపు ఫైబర్ అందినట్లే. కాబట్టి ఫ్రైలాంటివి చేయకుండా ఇలా చేయండి.
Also Read: Chia Seeds: వేసవిలో చియా విత్తనాలు ఎందుకు తినాలి?
Follow us
