Jamun Fruit: నేరేడు పండ్లు మంచివే కానీ.. ఈ సమస్యలు ఉన్నవారు అస్సలు తినకూడదట!

నేరేడు పండ్ల వల్ల అనేక ప్రయోజనాలు ఉన్నాయి అన్న విషయం మనందరికి తెలిసిందే. ఈ నేరేడు పండ్లు మనకు వేసవి కాలంలో చివరలో గాలికాలం, వర్షాకాలం సమయంలో లభిస్తూ ఉంటాయి. ఈ పండ్లు కాస్త వగరుగా, తియ్యగా ఉంటాయి. వీటిని చిన్న పిల్లల నుంచి పెద్దవారి వరకు ప్రతీ ఒక్కరు ఇష్టపడి తింటూ ఉంటారు. ఈ పండు ఔషధ గుణాలతో సమృద్ధిగా ఉంటుంది. అలాగే అనేక వ్యాధులను నివారిస్తుందట. రోగనిరోధక శక్తిని బలోపేతం చేయడంతో పాటు, ఈ పండు తినడం వల్ల చాలా ప్రయోజనాలు లభిస్తాయట.

ఇది శరీరంలో రక్త లోపాన్ని నయం చేయడం మాత్రమే కాకుండా, రక్తంలో చక్కెర స్థాయిలను నియంత్రించడానికి కూడా ఉత్తమ ఔషధంగా పని చేస్తుంది. నేరేడే పండ్లు, ఆకులతో పాటు దీని గుజ్జు అనేక వ్యాధుల నుండి రక్షిస్తుందట. అవి ఆరోగ్యానికి మంచివి అయినప్పటికీ, కొన్నిసార్లు వీటిని తినడం హానికరం అని చెబుతున్నారు. ముఖ్యంగా కొన్ని రకాల సమస్యలు ఉన్నవారు నేరేడు పండ్లను అస్సలు తినకూడదని చెబుతున్నారు. మరి ఎలాంటి సమస్యలు నేరేడు పండ్లను తినకూడదో ఇప్పుడు మనం తెలుసుకుందాం.. అధిక రక్తపోటు ఉన్న రోగులకు నేరేడు పండు చాలా ప్రయోజనకరంగా ఉంటుందట. నేరేడు పండు లేదా గుజ్జు పొడిని ఆహారంలో చేర్చుకోవడం ద్వారా దీనిని సులభంగా నియంత్రించవచ్చట.

వీటిని ఎక్కువగా తింటే దీనివల్ల తక్కువ లోబీపీ సమస్య ఏర్పడవచ్చట. నేరేడు పండ్లలో విటమిన్ సి పుష్కలంగా ఉంటుందట. అటువంటి పరిస్థితిలో, మీరు దానిని అధికంగా తీసుకుంటే, మీకు మలబద్ధకం సమస్య ఉండవచ్చని చెబుతున్నారు. నేరేడు పండ్లు రక్తంలో చక్కెర స్థాయిలను తగ్గించే శక్తిని కలిగి ఉంటాయట. అందువల్ల డయాబెటిస్ ఉన్నవారు వీటిని అధికంగా తినకూడదని, ఇవి ఎక్కువగా తింటే రక్తంలో షుగర్ లెవెల్స్ ప్రమాదకరంగా తగ్గిపోవచ్చని చెబుతున్నారు. మీరు బెర్రీలు ఎక్కువగా తీసుకుంటే అది మీ చర్మానికి సమస్యలను కలిగిస్తుందట. మొటిమలు మరింత ఎక్కువ కావచ్చు అని చెబుతున్నారు. నేరేడు పండ్లు తిన్న తర్వాత చాలా మందికి వాంతులు అవుతూ ఉంటాయి. మీకు కూడా అలాంటి సమస్య ఉంటే, వాటిని తినకపోవడమే మంచిదట. అలాగే నేరేడు పండ్లు ఎక్కువగా తింటే నోరు వగరుగా అనిపించవచ్చు. కాబట్టి వీటిని ఎక్కువగా తినకపోవడమే మంచిది..