Blood Pressure: మీ బీపీ కంట్రోల్ లో ఉండాలంటే ఉదయం ఈ పనులు చేయాల్సిందే!

బీపీ అదుపులో ఉండాలి అంటే ఉదయం సమయంలో కొన్ని రకాల పనులు చేయాలని ఆరోగ్య నిపుణులు చెబుతున్నారు.

Author : Anshu Date : 27-11-2024 - 2:00 IST
Published By : Hashtagu Telugu Desk

Blood Pressure

ప్రస్తుత రోజుల్లో చాలామంది అధిగ రక్తపోటు సమస్యతో బాధపడుతున్న విషయం తెలిసిందే. అధిక రక్తపోటును సైలెంట్ కిల్లర్ అనికూడా అంటారు. ఎందుకంటే ఇది ఎలాంటి లక్షణాలను చూపించకుండా మనిషి ప్రాణాలను ఇట్టే తీసేయగలదు. అయితే ఈ రక్తపోటు అనేది అనేక కారణాల వల్ల పెరుగుతూ ఉంటుంది. మధ్యం అతిగా సేవించడం, మానసిక ఒత్తిడి, ఉప్పును ఎక్కువగా తీసుకోవడం, స్మోకింగ్ చేయడం వంటి కారణాల వల్ల రక్తపోటు బాగా పెరుగుతుంది.

ఈ రక్తపోటు కారణంగా గుండెపోటు, స్ట్రోక్, మూత్ర పిండాల వైఫల్యం వంటి ఎన్నో సమస్యలు వస్తాయి. అయితే ఉదయం కొన్ని పనులను చేస్తే రక్తపోటు కంట్రోల్ లో ఉంటుందట.. మరి అందుకోసమే ఏం చేయాలి అన్న విషయానికి వస్తే.. ప్రతిరోజు ఉదయం పూట కరెక్ట్ సమయానికి నిద్ర లేవడం అలవాటు చేసుకోవాలి. ఇది మీ రక్తపోటును నియంత్రించడానికి సహాయపడుతుంది. అంతేకాదు ఇది మీ ఒత్తిడి, యాంగ్జైటీని తగ్గించడానికి కూడా సహాయపడుతుంది. ఇది గుండె ఆరోగ్యానికి కూడా ప్రయోజనకరంగా ఉంటుందని చెబుతున్నారు. అదేవిదంగా ఉదయం లేవగానే ఒక గ్లాసు నీటిని తాగడం అలవాటు చేసుకోవాలి.

ఇది మీ ఆరోగ్యానికి ఎన్నో విధాలుగా ప్రయోజనకరంగా ఉంటుందని, ముఖ్యంగా ఇది రక్తపోటును నియంత్రించడానికి సహాయపడుతుందని చెబుతున్నారు. అలాగే అధిక రక్తపోటును నియంత్రించడానికి వ్యాయామం కూడా ఎంతో సహాయపడుతుందట. అందుకే ప్రతిరోజూ ఉదయం కనీసం ముప్పై నిమిషాలైనా వ్యాయామం చేయాలని చెబుతున్నారు. యోగా చేయడం వల్ల కూడా రక్తపోటు నియంత్రణలో ఉంటుందట. రక్తపోటును నియంత్రించడానికి మీ ఆహారంలో తప్పకుండా మార్పులు చేసుకోవాలట . ఇందుకోసం మీరు చేయాల్సిన మొదటి పని ఉప్పును తగ్గించడం.

సాధ్యమైనంత వరకు ఉప్పు ఎక్కువగా ఉండే ప్యాకేజ్డ్ ఆహారాలు, ప్రాసెస్ చేసిన ఆహారాలను తినడం తగ్గించాలని చెబుతున్నారు. ఇది రక్తపోటును తగ్గించడానికి, గుండె ఆరోగ్యాన్ని కాపాడటానికి సహాయపడుతుంది. రక్తపోటును నియంత్రించడానికి మీరు ఆరోగ్యకరమైన ఆహారాలనే తినాలట. అందుకే మీరు ఉదయాన్నే పండ్లు, కూరగాయలు, మాంసకృత్తులు ఎక్కువగా ఉండే ఆహారాలను పుష్కలంగా తినాలని చెబుతున్నారు. ఉదయం లేవగానే కాఫీ తాగే అలవాటు చాలా మందికి ఉంటుంది. కానీ ఇది అస్సలు మంచిది కాదు. కెఫిన్ మీ రక్తపోటును పెంచుతుంది. అందుకే దీన్ని తాగకుండా మీ రక్తపోటు అదుపులో ఉంటుందట. అలాగే స్మోకింగ్ చేయడం మద్యం సేవించడం వంటివి కూడా అధిక రక్తపోటును పెంచుతాయని చెబుతున్నారు.