Masala Chai: మసాలా టీ లాభాలు, తయారు విధానం, కావాల్సిన పదార్ధాలు

Masala Chai: మసాలా టీ అంటే ఇష్టపడని వారు ఉండరు. భారతదేశంలో ఈ ఛాయ్ ని ఎక్కువమంది సేవిస్తారు. తాజాగా విడుదల చేసిన ప్రపంచ టాప్ నాన్ ఆల్కహాల్ డ్రింక్స్ జాబితాలో మసాలా టీ రెండో స్థానంలో నిలిచింది.

టీ అంటే ఇష్టం ఉన్నవాళ్లు చాలా రకాల టీలు తాగడానికి ఇష్టపడతారు. వాటిలో మసాలా టీ ఒకటి. మసాలా చాయ్ ప్రపంచంలోనే రెండవ అత్యుత్తమ పానీయంగా పేరుగాంచింది. టేస్ట్ అట్లాస్ ఇటీవల విడుదల చేసిన ప్రపంచంలోని టాప్ నాన్ ఆల్కహాల్ డ్రింక్స్ జాబితాలో మసాలా టీ రెండవ స్థానంలో నిలిచింది. టేస్ట్ అట్లాస్ అనేది ప్రముఖ ఆన్‌లైన్ ఫుడ్ పోర్టల్. ఇది ప్రపంచవ్యాప్తంగా ఆహార జాబితాలను తరచుగా విడుదల చేస్తుంది. ఈ జాబితాలో మసాలా టీ రెండో స్థానంలో నిలవగా, మెక్సికోకు చెందిన అగువాస్ ఫ్రెస్కాస్ మొదటి స్థానంలో నిలిచింది. ఇది కూడా ఒక రకమైన పానీయం. ఇది పండ్లు, దోసకాయలు, పువ్వులు, గింజలు మరియు ధాన్యాలను చక్కెర మరియు నీటితో కలిపి తయారు చేస్తారు.

మసాలా టీని సాధారణంగా ఏలకులు, అల్లం, లవంగాలు, దాల్చినచెక్క మరియు నల్ల మిరియాలు మిశ్రమంతో తయారు చేస్తారు. ఈ టీ వల్ల కలిగే కొన్ని అద్భుతమైన ప్రయోజనాలను తెలుసుకుందాం. టీలో ఉపయోగించే యాంటీ ఆక్సిడెంట్లు అధికంగా ఉండే లవంగాలు మరియు అల్లం నొప్పిని తగ్గిస్తాయి. ఇందులో ఉండే అల్లం జీర్ణ సమస్యలను దూరం చేయడం ద్వారా జీర్ణవ్యవస్థను మెరుగుపరచడంలో సహాయపడుతుంది. అలాగే ఈ టీ రక్తంలో చక్కెర స్థాయిని తగ్గిస్తుంది మరియు గుండెను ఆరోగ్యంగా ఉంచడంలో సహాయపడుతుంది.

విటమిన్ సి పుష్కలంగా ఉంటుంది, ఏలకులు రోగనిరోధక శక్తిని మెరుగుపరచడానికి దోహదం చేస్తాయి. తద్వారా వ్యాధులు మరియు ఇన్ఫెక్షన్లతో పోరాడగలుగుతారు. మసాలా దినుసులలోని యాంటీ బాక్టీరియల్ లక్షణాలు వ్యాధికారక క్రిములతో పోరాడడంలో ముఖ్యమైన పాత్ర పోషిస్తాయి, తద్వారా ఆరోగ్యాన్ని మెరుగుపరచడంలో సహాయపడతాయి. ఏకాగ్రత, చురుకుదనం మరియు ఖచ్చితత్వాన్ని పెంచుతుంది. బరువు తగ్గాలనుకుంటే మసాలా చాయ్ గొప్ప ఎంపిక. ఇందులో ఉండే దాల్చిన చెక్క కొవ్వును కరిగించడంలో సహాయపడుతుంది.

మసాలా టీ రెసిపీ:

నీళ్లు
పాలు
టీ ఆకు
చక్కెర
ఏలకులు
అల్లం
లవంగాలు
దాల్చిన చెక్క
నల్ల మిరియాలు

మసాలా టీ తయారు విధానం:
మసాలా టీ చేయడానికి, ముందుగా పాన్‌లో నీటిని తీసుకోండి.
ఇప్పుడు అందులో టీ ఆకులు, పంచదార వేసి బాగా మరిగించాలి.
నీరు మరిగేటప్పుడు అందులో అన్ని మసాలా దినుసులను వేసుకోవాలి
కావాలంటే ఈ పదార్థాలన్నింటినీ మెత్తగా రుబ్బుకుని వాటి పొడిని తయారు చేసుకోవచ్చు.
కాసేపు బాగా మరిగిన తర్వాత అందులో పాలు వేయాలి.
కాసేపు మరగబెట్టి వేడి కప్పులో తీసుకుని ఎంచక్కా ఆస్వాదించొచ్చు.

Also Read: Coconut Oil: కొబ్బరి నూనెతో ఈ విధంగా చేస్తే చాలు తెల్ల జుట్టు సమస్య మాయం అవ్వాల్సిందే?