Obesity : ఊబకాయంతో బాధపడేవారికి గుడ్‌న్యూస్.. మార్కెట్లోకి కొత్త మెడిసిన్
ఊబకాయంతో బాధపడుతున్న వారికి డెన్కార్మ్ కంపెనీ శుభవార్త చెప్పింది. డెన్మార్క్‌కు చెందిన ప్రముఖ ఫార్మా కంపెనీ నోవో నార్డిస్క్ ఊబకాయం చికిత్స కోసం 'వెగోవీ' (Wegovy) అనే కొత్త ఔషధాన్ని భారత మార్కెట్లోకి విడుదల చేసింది.
- By Kavya Krishna Published Date - 05:56 PM, Wed - 25 June 25
Obesity : ఊబకాయంతో బాధపడుతున్న వారికి డెన్కార్మ్ కంపెనీ శుభవార్త చెప్పింది. డెన్మార్క్‌కు చెందిన ప్రముఖ ఫార్మా కంపెనీ నోవో నార్డిస్క్ ఊబకాయం చికిత్స కోసం ‘వెగోవీ’ (Wegovy) అనే కొత్త ఔషధాన్ని భారత మార్కెట్లోకి విడుదల చేసింది. ఇది ఇంజెక్షన్ రూపంలో లభిస్తుంది. ఊబకాయం వల్ల వచ్చే ఇతర ఆరోగ్య సమస్యలైన మధుమేహం, గుండె జబ్బులు, అధిక రక్తపోటు వంటి వాటిని తగ్గించడంలో కూడా ఈ ఔషధం సహాయపడుతుంది. ఈ నెలాఖరులోగా అన్ని ఫార్మా దుకాణాల్లో అందుబాటులో ఉంటుందని కంపెనీ తెలిపింది.
Chandrababu : ఆధునిక సాంకేతికతకు మోడల్‌గా అమరావతి : సీఎం చంద్రబాబు
వెగోవీ ఎలా పనిచేస్తుంది?
వెగోవీలో సెమాగ్లూటైడ్ అనే ఒక రకమైన ప్రొటీన్ ఉంటుంది. ఇది మన శరీరంలో సహజంగా ఉత్పత్తి అయ్యే GLP-1 (గ్లూకాగాన్-లైక్ పెప్టైడ్-1) అనే హార్మోన్ మాదిరిగానే పనిచేస్తుంది. GLP-1 హార్మోన్ సాధారణంగా మనం ఆహారం తీసుకున్న తర్వాత విడుదలవుతుంది. ఇది మెదడుకు “పొట్ట నిండింది” అనే సంకేతాలను పంపి, ఆకలిని తగ్గిస్తుంది. అలాగే, ఆహారం జీర్ణం అయ్యే ప్రక్రియను నెమ్మదిస్తుంది, దీనివల్ల ఎక్కువసేపు కడుపు నిండిన అనుభూతి కలుగుతుంది. దీంతో అధికంగా ఫుడ్ తీసుకోవడం తగ్గిపోతుంది. తద్వారా కేలరీలు కరుగుతాయి. అధిక ఒబెసిటీ బాధితులు సాధారణ జీవితం గడిపేందుకు అవకాశం దొరుకుతుంది.
ఆకలిని నియంత్రించడం ద్వారా బరువు తగ్గడం
సెమాగ్లూటైడ్ GLP-1 హార్మోన్ మాదిరిగానే పనిచేయడం ద్వారా, వెగోవీ ఆకలిని తగ్గిస్తుంది. దీనివల్ల ప్రజలు తక్కువ ఆహారం తీసుకుంటారు. అంతేకాకుండా, ఇది రక్తంలో చక్కెర స్థాయిలను నియంత్రించడంలో కూడా సహాయపడుతుంది, ఇది టైప్ 2 మధుమేహం ఉన్న ఊబకాయులకు మరింత ప్రయోజనకరంగా ఉంటుంది. సాధారణంగా, వెగోవీని వారానికి ఒకసారి ఇంజెక్షన్ రూపంలో తీసుకోవాలి. అయితే, ఈ ఇంజెక్షన్ ధర రూ.5000లోపు ఉంటుదని తెలుస్తొంది. దీనికి ఇండియన్ మెడికల్ కౌన్సిల్ క్లియరెన్స్ ఇచ్చినట్లు తెలిసింది.
ఈ ఔషధం బరువు తగ్గడానికి ఒక శక్తివంతమైన సాధనంగా ఉన్నప్పటికీ, ఇది కేవలం వైద్యుల సూచన మేరకు మాత్రమే తీసుకోవాలి. దీనితో పాటు, ఆరోగ్యకరమైన ఆహారపు అలవాట్లు, క్రమం తప్పకుండా వ్యాయామం చేయడం కూడా చాలా అవసరం. ఈ ఔషధం యొక్క పూర్తి ప్రయోజనాలను పొందడానికి, ఏవైనా దుష్ప్రభావాలను నివారించడానికి వైద్య పర్యవేక్షణ తప్పనిసరి. ఊబకాయంతో బాధపడుతున్న వారికి ఇది ఒక కొత్త ఆశాకిరణం అని చెప్పవచ్చు. కాకపోతే వైద్యుల సలహా లేకుండా ఇంజెక్షన్ తీసుకోవడం ప్రమాదకరం అని నిపుణులు హెచ్చరిస్తున్నారు.
Pakistan : వింగ్ కమాండర్ అభినందన్‌ను పట్టుకున్న పాకిస్తాన్ మేజర్ ముయిజ్ హత్య
