Red Wine Fight Cancer: రెడ్ వైన్ తాగడం వల్ల క్యాన్సర్ ముప్పు తగ్గుతుందా?

Red Wine Fight Cancer: క్యాన్సర్ ఒక తీవ్రమైన, ప్రాణాంతక వ్యాధి. దీని నుండి మిమ్మల్ని మీరు రక్షించుకోవడం కష్టం. కానీ అసాధ్యం కాదు. మారుతున్న జీవనశైలితో యువత డైలీ డైట్ కూడా మారిపోయింది. ఈ ఆహారంలో ఆల్కహాల్ ఒక ముఖ్యమైన భాగంగా మారింది. అయితే మద్యం ఆరోగ్యానికి హానికరం. దీని గురించి దాదాపు అందరికీ తెలుసు. కానీ ప్రజలు, కొంతమంది నిపుణులు రెడ్ వైన్ (Red Wine Fight Cancer) గురించి భిన్నమైన అభిప్రాయాలను కలిగి ఉన్నారు. రెడ్ వైన్ ఆరోగ్యానికి మేలు చేసే పానీయం అని నమ్ముతున్నారు. దీన్ని తాగడం వల్ల క్యాన్సర్ ముప్పు తగ్గుతుందని అంటున్నారు. దీనిపై ఇప్పటికే చాలా పరిశోధనలు జరిగాయి. అయితే ఇది నిజమేనా? కాదా అనేది ఇప్పుడు తెలుసుకుందాం.

రెడ్ వైన్ తాగడం నిజంగా క్యాన్సర్ ప్రమాదాన్ని తగ్గించగలదా?

రెడ్ వైన్ గురించి చాలా వాదనలు ఉన్నాయి. ముఖ్యంగా దాని ఆరోగ్య ప్రయోజనాలకు సంబంధించి రెడ్ వైన్ క్యాన్సర్ ప్రమాదాన్ని తగ్గించడంలో సహాయపడుతుందని ఒక సాధారణ నమ్మకం. ముఖ్యంగా ఇందులో ఉండే రెస్వెరాట్రాల్ అనే మూలకం క్యాన్సర్ కణాల పెరుగుదలను అడ్డుకుంటుంది. టైమ్స్ ఆఫ్ ఇండియాలోని ఒక నివేదిక ప్రకారం.. రెడ్ వైన్‌పై పరిశోధన జరిగింది. అయితే ఇది క్యాన్సర్‌ను నివారిస్తుందా లేదా అనేది ఇంకా స్పష్టంగా తెలియలేదు. ఆల్కహాల్ ఆందోళన కలిగించే క్యాన్సర్ కారకం, ఇది క్యాన్సర్ ప్రమాదాన్ని చాలా వరకు పెంచుతుందని కొంద‌రు నిపుణులు అంటున్నారు.

Also Read: Ramamurthy Naidu Died : రామ్మూర్తి మృతిపై డిప్యూటీ సీఎం పవన్ కళ్యాణ్ దిగ్భ్రాంతి

రెడ్ వైన్‌పై చేసిన కొన్ని పరిశోధనలు ఒత్తిడి, టెన్షన్‌ను తగ్గించడంలో సహాయపడుతుందని నిర్ధారిస్తుంది. ఈ పానీయంలో కొన్ని యాంటీఆక్సిడెంట్లు కూడా ఉన్నాయి. ఇవి మన ఆరోగ్యానికి మేలు చేస్తాయి. అయితే రెడ్ వైన్‌లో ఉండే యాంటీ ఆక్సిడెంట్లు పండ్లు, కూరగాయల్లో కూడా ఉంటాయని నిపుణులు చెబుతున్నారు. అందువల్ల రెడ్ వైన్ తాగాల్సిన అవసరం లేదు. రెడ్ వైన్‌లో ఉండే రెస్వెరాట్రాల్ అనే పదార్ధం రొమ్ము క్యాన్సర్, కొలొరెక్టల్ క్యాన్సర్‌తో సహా కొన్ని ఇతర క్యాన్సర్‌ల పురోగతిని మందగించే సామర్థ్యాన్ని కలిగి ఉంది. అయితే రెడ్ వైన్ క్యాన్సర్‌తో పోరాడడంలో, తొలగించడంలో సహాయపడదనేది కొంద‌రి వాద‌న‌.

క్రింది వ్యాధులలో ప్రయోజనకరం

• టైప్-2 డయాబెటిస్‌లో మేలు చేస్తుంది.
• డిప్రెషన్‌ని తగ్గిస్తుంది.
• ఒత్తిడిని తగ్గిస్తుంది.
• శరీర నొప్పి నుండి ఉపశమనాన్ని అందిస్తుంది.
• గుండె జబ్బులలో మేలు చేస్తుంది.