Fact Check: నాగ చైతన్య ‘తండేల్’ చూసి సమంత కన్నీళ్లు?
ఈ వీడియోలో సమంత ఉన్న ఒక వీడియో క్లిప్, నాగ చైతన్య(Fact Check) ఉన్న వీడియో క్లిప్, ఇద్దరి పెళ్లి ఫోటోలు కనిపిస్తున్నాయి.
- By Pasha Published Date - 06:59 PM, Wed - 26 February 25

Fact Checked By Newsmeter
ప్రచారం : నాగ చైతన్య నటించిన ‘తండేల్’ సినిమాను చూసి సమంత కన్నీళ్లు పెట్టుకుంది.
వాస్తవం : ఈ ప్రచారం తప్పు. వైరల్ అవుతున్న సమంత వీడియో క్లిప్ పాతది.
Also Read :Upcoming Kumbh Melas: ముగిసిన మహా కుంభమేళా.. తదుపరి కుంభమేళాలు ఇవే..
ఈ వీడియోలో సమంత ఉన్న ఒక వీడియో క్లిప్, నాగ చైతన్య(Fact Check) ఉన్న వీడియో క్లిప్, ఇద్దరి పెళ్లి ఫోటోలు కనిపిస్తున్నాయి. “తండేల్ సినిమా చూడడానికి సమంత సీక్రెట్గా వెళ్లింది. నాగచైతన్యను చూసి ఆమె ఎంతగా ఏడుస్తుందో చూడండి” అని ఆ వీడియోపై క్యాప్షన్ రాశారు.
“తండేల్ సినిమా చూస్తూ ఏడుస్తున్న సమంత” అనే క్యాప్షన్తో ఈ వీడియోను యూట్యూబ్లో అప్లోడ్ చేశారు. ఈ వీడియోకు 22 లక్షల వ్యూస్, 50 వేల లైక్స్ వచ్చాయి. (ఆర్కైవ్)
వాస్తవ తనిఖీలో గుర్తించిన అంశాలివీ..
- ఈ ప్రచారం తప్పు అని న్యూస్మీటర్ గుర్తించింది.
- వైరల్ అయిన పోస్ట్లోని సమంత వీడియో క్లిప్ పాతది. ఈ క్లిప్కు తండేల్ సినిమాతో సంబంధమే లేదు.
- ఈ వీడియో గురించి ఫ్రేమ్ రివర్స్ ఇమేజ్ సెర్చ్ ద్వారా మేం సెర్చింగ్ చేశాం. “శాకుంతలం సినిమా ట్రైలర్ లాంచ్ ఈవెంట్లో సమంత ఇబ్బంది పడుతోంది” అనే టైటిల్తో 2023 జనవరి 10న యూట్యూబ్లో అప్లోడ్ చేసిన వీడియో మాకు దొరికింది. ఆ వీడియోలో 1:24 నిమిషం వద్ద ఉన్న సన్నివేశాన్ని కట్ చేసి.. వైరల్ వీడియోగా మార్చారు.
- వైరల్ వీడియో క్లిప్ను 2023 జనవరి 9న జరిగిన శాకుంతలం సినిమా ట్రైలర్ లాంచ్ ఈవెంట్లో తీశారు అని మేం గుర్తించాం.
- ఆ యూట్యూబ్ వీడియోను నిశితంగా పరిశీలిస్తే.. సూటిగా కళ్ళల్లోకి వెలుగు పడుతుండటంతో సమంత ఇబ్బంది పడినట్లు మనకు స్పష్టంగా కనిపిస్తుంది.
- కీవర్డ్ సెర్చ్ ద్వారా ఇదే సందర్భాన్ని మరో కోణంలో చూపిస్తున్న యూట్యూబ్ వీడియో ఒకటి మేం గుర్తించాం. ఈ వీడియోలో 0:24 నిమిషం వద్ద సమంత లైట్ వల్ల ఇబ్బందిపడటం, మొహం తిప్పుకోవడం స్పష్టంగా కనిపిస్తుంది.
- “పాపం సమంత.. శాకుంతలం ట్రైలర్ లాంచ్ ఈవెంట్లో ఇబ్బంది పడ్డ సమంత” అనే టైటిల్తో 2023 జనవరి 9న ఈ వీడియోను అప్లోడ్ చేశారు.
- సమంత తండేల్ సినిమా చూసినట్లుగా మాకు ఎలాంటి కథనాలు ఇంటర్నెట్లో దొరకలేదు.
- సమంత సోషల్ మీడియాను కూడా మేం చెక్ చేశాం. సమంత ఈ సినిమాను చూసినట్లుగా కానీ, ఆ సినిమా గురించి మాట్లాడినట్లుగా కానీ ఎలాంటి పోస్టులు మాకు దొరకలేదు.
కాబట్టి వైరల్ వీడియోలో చేసిన ప్రచారమంతా తప్పు అని న్యూస్మీటర్ నిర్ధారించింది.