2026లో కర్కాటక రాశి జాతకంలో చేయాల్సిన పరిహారాలు ఇవే !

Karkatika

జ్యోతిష్యం ప్రకారం, కర్కాటక రాశి వారికి చంద్రుడు అధిపతిగా ఉంటాడు. చంద్రుడి ప్రభావంతో ఈ రాశి వారు చాలా సున్నితంగా ఉంటారు. ఇదిలా ఉండగా కొత్త ఏడాది ప్రారంభంలో కర్కాటక రాశి వ్యక్తులకు గురుడి ప్రత్యేక అనుగ్రహం లభించనుంది. ఈ రాశి నుంచి శని తొమ్మిదో స్థానంలో సంచారం చేయనున్నాడు. గురుడు పన్నెండో స్థానంలో బలమైన స్థాయిలో ఉంటాడు. అనంతరం జూన్ 2న కర్కాటకంలో ప్రవేశిస్తాడు. మరోవైపు దుష్ట గ్రహం కేతువు ఆదాయ స్థానంలోకి, రాహువు అష్టమ స్థానంలోకి సంచారం చేయనున్నారు. ఈ సమయంలో మీకు కెరీర్ పరంగా మంచి పురోగతి లభిస్తుంది. వ్యాపారులకు ఊహించని విధంగా లాభాలొచ్చే అవకాశం ఉంది. మీ వైవాహిక జీవితంలో సంతోషంగా ఉంటుంది. ఈ కాలంలో మీ పెండింగ్ ప్రాజెక్టులన్నీ పూర్తవుతాయి. ఈ సందర్భంగా కెరీర్, వ్యాపారం, కుటుంబం, ఆరోగ్యం, ఆర్థిక పరంగా 2026 సంవత్సరంలో ఎలాంటి ఫలితాలు రానున్నాయో ఇప్పుడు తెలుసుకుందాం.

ఆర్థిక పరిస్థితి..

కర్కాటక రాశి వారికి కొత్త ఏడాది 2026లో ఆర్థిక పరంగా అద్భుతమైన ప్రయోజనాలు కలగనున్నాయి. ఈ రాశి నుంచి చంద్రుడు ఉచ్చ స్థితిలో ఉండటం కారణంగా ఏడాది పొడవునా వీరి ఆర్థిక పరిస్థితి చాలా బాగుంటుంది. జూన్ 2 నుంచి అక్టోబర్ 18వ తేదీ వరకు గురుడు లగ్న రాశిలో ఉచ్చస్థితిలో సంచారం చేసే సమయంలో ధన ప్రవాహం పెరుగుతుంది. ఈ సమయంలో సంపద స్థానాన్ని గురుడు బలోపేతం చేయనున్నాడు. విదేశాలలో ఉద్యోగం, వ్యాపారాలు చేసే వారికి ఆదాయం గణనీయంగా పెరిగే అవకాశం ఉంది. మార్చి నుంచి జూన్ మధ్య సూర్య-శని రాజయోగం సమయంలో అకస్మాత్తుగా మీ ఆదాయం పెరుగుతుంది. అయితే రాహువు అష్టమ స్థానంలో సంచారం చేసే సమయంలో అనవసరమైన ఖర్చులు పెరగొచ్చు. కాబట్టి ఈ సమయంలో చాలా జాగ్రత్తగా ఉండాలి.

కెరీర్ పరంగా..

కొత్త ఏడాది 2026లో కర్కాటక రాశి వారికి కెరీర్ పరంగా గణనీయమైన ప్రయోజనాలు కలగనున్నాయి. ఏప్రిల్ 3 నుంచి మే 10వ తేదీ వరకు అంగారకుడు అదృష్ఠ స్థానంలో సంచారం చేయనున్నాడు. ఈ కారణంగా నిరుద్యోగులకు కొత్త ఉద్యోగం గురించి శుభవార్తలు వినిపిస్తాయి. ఇప్పటికే ఉద్యోగం చేస్తున్న వారికి ప్రమోషన్ లభించే అవకాశం ఉంది. మే 10న కుజుడు మేషంలోకి దశమ స్థానంలో సంచారం చేసే సమయంలో రుచక రాజయోగం ఏర్పడనుంది. దీని ప్రభావం జూన్ 20వ తేదీ వరకు ఉంటుంది. ఈ సమయంలో ప్రభుత్వం నుంచి మీరు అనేక ప్రయోజనాలు పొందొచ్చు.

వ్యాపార పరంగా..

కర్కాటక రాశి వారిలో వ్యాపారులకు కొత్త ఏడాది 2026లో కుజుడు ఉచ్ఛస్థితిలో ఉన్నంత కాలం శుభ ఫలితాలు రానున్నాయి. జనవరి 16 నుంచి ఫిబ్రవరి 24 వరకు మీ వ్యాపారాన్ని విస్తరించే అవకాశం ఉంది. ఏప్రిల్ 3 నుంచి కుజుడు అదృష్ట స్థానంలో సంచారం చేయనున్నాడు. ఈ సమయంలో వ్యాపార రంగంలో చాలా అనుకూలంగా ఉంటుంది. మరోవైపు గురుడు లాభ స్థానంలో ఉన్న కాలంలో అంటే జూన్ 2 నుంచి అక్టోబర్ 18వ తేదీ వరకు కొత్త వ్యాపారాన్ని ప్రారంభించేందుకు సమయం ఉత్తమంగా ఉంటుంది. ఈ కాలంలో మీ ఆదాయం గణనీయంగా పెరిగే అవకాశం ఉంది. మార్చి, ఏప్రిల్ నెలల్లో కుజుడు, రాహువు అష్టమ స్థానంలో అంగారకయోగాన్ని ఏర్పరచనున్నాడు. ఈ కాలంలో మీరు చాలా జాగ్రత్తగా ఉండాలి. తప్పుడు నిర్ణయం వల్ల వ్యాపారంలో కొన్ని వివాదాలు కూడా ఏర్పడతాయి. ఈ కాలంలో పెద్ద పెట్టుబడులను నివారించాలి.

విద్యా జీవితంలో..

కర్కాటక రాశి వారికి కొత్త ఏడాది 2026లో జనవరి 16 నుంచి ఫిబ్రవరి 24వ తేదీ వరకు కుజుడు సప్తమ స్థానంలో సంచారం చేసే సమయంలో విద్యా రంగంలో అద్భుత విజయాలు సాధించే అవకాశాలు ఉన్నాయి. ఈ కాలంలో పోటీ పరీక్షల్లో మీరు అద్భుత విజయాలు సాధిస్తారు. ఏప్రిల్ 3 నుంచి మే 10వరకు కుజుడు అదృష్ట స్థానంలోకి రావడం వల్ల మీరు కొత్త కోర్సులను అభ్యసించేందుకు సమయం అనుకూలంగా ఉంటుంది. విద్యార్థులకు విదేశాలలో చదువుకునేందుకు సమయం అనుకూలంగా ఉంటుంది. ఈ కాలంలో గురువులు, సీనియర్ల నుంచి సలహాలు, సూచనలు తీసుకోవాలి.

ఆరోగ్య పరంగా..

కర్కాటక రాశి వారికి కొత్త ఏడాది 2026లో రాహువు ప్రభావంతో ఆరోగ్య పరంగా కొన్ని ఇబ్బందులు ఎదురవుతాయి. కాబట్టి ఈ కాలంలో ఆరోగ్యంపై ప్రత్యేక శ్రద్ధ వహించాలి. జూన్ 2 నుంచి అక్టోబర్ 18వ తేదీ వరకు గురుడు లగ్న స్థానంలో ఉండటం కారణంగా మీ ఆరోగ్యం మెరుగుపడుతుంది. డిసెంబర్ 3 తర్వాత ఆరో స్థానంలో ప్రవేశించాక దీర్ఘకాలిక అనారోగ్యాలు, బలహీనతల నుంచి ఉపశమనం లభిస్తుంది. అయితే మీరు క్రమం తప్పకుండా వ్యాయామం చేయాలి.

వివాహం, ప్రేమ జీవితంలో..

కర్కాటక రాశి వారికి 2026 ఆంగ్ల నూతన సంవత్సరంలో జనవరి, ఫిబ్రవరి నెలలో శుభప్రదంగాఉంటాయి. జనవరి 16 నుంచి ఫిబ్రవరి 24 వరకు గురుడు సప్తమ స్థానంలో సంచారం చేయడం వల్ల మీ వైవాహిక జీవితం సంతోషంగా ఉంటుంది. మీ బంధువులతో సంబంధాలు మెరుగుపడతాయి. మీ వైవాహిక జీవితంలో ఆనందంగా ఉంటుంది. మీ జీవిత భాగస్వామి నుంచి పూర్తి మద్దతు లభిస్తుంది. అవివాహితులకు మంచి వివాహ సంబంధాలొచ్చే అవకాశం ఉంది. అయితే రాహువు కారణంగా కొన్ని ఇబ్బందులు ఎదురవుతాయి. ఈ సమయంలో మీ బంధువులతో వివాదాలు ఏర్పడొచ్చు. కాబట్టి మీరు నియంత్రణలో ఉండాలి.

ఏ పరిహారాలు పాటించాలంటే..

* కర్కాటక రాశి వారు కొత్త ఏడాదిలో ప్రతి గురువారం ఉపవాస దీక్ష కొనసాగించాలి.
* మీ శక్తి సామర్థ్యాల మేరకు పసుపు రంగు వస్తువులను దానం చేయాలి.
* ‘‘ఓం నమః శివాయ’’ అనే మంత్రాన్ని ప్రతిరోజూ స్మరిస్తూ శివుడిని పూజించాలి.
* సోమవారం రోజున శివలింగానికి జలాభిషేకం చేయాలి.

Follow us