Nara Dishti Dosha: దిష్టి తీసి పడేసినవి తొక్కుతున్నారా, ఏమవుతుందో తెలుసా!

సాధారణంగా పెద్దలు నరుడు దిష్టి తగిలితే నల్ల రాయి కూడా నలిగిపోతుంది అని అంటూ ఉంటారు. అయితే దిష్టి తీయడం అన్నది ఎప్పటినుంచో ఉంది. ఇప్పటికీ చాలామంది కాస్త అందంగా తయారయ్యారు అంటే చాలు నా దిష్టి తగిలేలా ఉంది అంటూ దిష్టి తీస్తూ ఉంటారు. మాములుగా ప్రతి ఒక్కరి కంటి నుంచి విద్యుత్ ప్రసారం జరుగుతూ ఉంటుంది. ఆ విద్యుత్ ప్రవాహం అవతలివారిపై అనుకూల దిశగా పనిచేస్తే పర్వాలేదు కానీ వ్యతిరేక దిశలో పనిచేసినప్పుడు తలనొప్పి ,వికారం, వాంతులు సహా ఒంట్లో నలతగా అనిపిస్తుంటుంది.

ఇలాంటప్పుడే దిష్టి తగిలింది అంటారు. కొంతమంది పల్లెటూర్లలో చిప్ప దిష్టి, ఉప్పు దిష్టి, చీపురు పుల్లలు వంటి మిరపకాయలు ఇలాంటి వాటితో కలిపి తీస్తూ ఉంటారు. రకరకాల దిష్టి తీస్తూ ఉంటారు. ఇంకా కొన్ని ప్రదేశాలలో నల్లతాడు కడతారు, చీపురు-పేడతో దిష్టి తీస్తారు, పాత చెప్పులు చుట్టూ తిప్పి నేలపై కొడతారు. ఈ వస్తువులను మూడుసార్లు చుట్టూ తిప్పడం అంటే ఇతరుల నుంచి ప్రసరించిన విద్యుత్ కిరణాలను విచ్ఛిన్నం చేయడం అని అర్థం. దిష్టి, దృష్టి కేవలం వ్యక్తులకు మాత్రమే కాదు వారి వృత్తి, వ్యాపారల మీద, పంటపొలాలు, ఇళ్లపైనా ప్రభావం చూపిస్తాయి. అందుకే ఇళ్లకు కార్యాలయాలకు గుమ్మడికాయ, కొబ్బరికాయ దిష్టి తీసి కట్టేవారు కొందరైతే అందరూ నడిచే దారిలో పడేస్తే దిష్టి పోతుందని భావించేవారు మరికొందరు.

ముఖ్యంగా అమావాస్య రోజుల్లో దిష్టి తీస్తే చాలా పవర్ ఫుల్ అంటారు. వ్యాపారులు అయితే నిత్యం రాత్రి దుకాణం మూసేసే సమయంలో నిమ్మకాయతో దిష్టి తీసి బయటపడేస్తుంటారు. అయితే alaదిష్టి తీసినవి తొక్కితే ఏం జరుగుతుంది? అన్న విషయానికి వస్తే.. ఇలా చేయడం ద్వారా మనుషులకు అయినా, వారి వ్యాపార సంస్థలకు అయినా, ఇళ్లకు అయినా దృష్టిదోషం పోతుందన్నది వారి విశ్వాసం. అంతవరకూ బాగానే ఉన్న,మరి ఇలా దిష్టి తీసిపడేసినవి తొక్కితే ఏమవుతుందన్నది చాలామంది సందేహం. దిష్టి తీసి పడేసిన వస్తువులు తొక్కితే అనారోగ్యం పాలవుతారని, అప్పటినుంచీ అంతా చెడే జరుగుతుందని భావించేవారున్నారు. అందుకే రోడ్డుపై ఎక్కడైనా దిష్టితీసినవి పడి ఉంటే వాటిని తొక్కకుండా ఉండేందుకు జాగ్రత్త పడతారు. వాస్తవానికి వీటిని తొక్కినంతమాత్రాన ఏమీ జరిగిపోదన్నది పండితుల మాట.గుమ్మడి కాయ, కొబ్బరికాయ, నిమ్మకాయ ఈ మూడు తమలో ఉన్న మంచిని బయటకు వెదజల్లి వెంటనే చెడుని ఆకర్షిస్థాయి. అందుకే ఈ మూడు వస్తువులు దిష్టి తీయడానికి, ఇళ్లు వ్యాపార సంస్థల ముందు కట్టడానికి ఉపయోగిస్తారు. మరి వాటిని తొక్కితే చెడుజరుగుతుంది కదా అనే సందేహం చాలామందికి కలుగుతూ ఉంటుంది. ఇక్కడ మరో క్లారిటీ ఏంటంటే ఈ మూడు వస్తువులు చెడును ఆకర్షిస్తాయి అంతే కానీ వీటిని తొక్కినా, దాటినా వాటివల్ల చెడు జరుగుతుందన్నది అపోహ మాత్రమే.