Vijay : రజనీకాంత్ ను మించి రెమ్యూనరేషన్ అందుకుంటున్న విజయ్.. ఒక్కో మూవీ అన్ని కోట్లు?

తెలుగు ప్రేక్షకులకు తమిళ హీరో విజయ్ దళపతి గురించి ప్రత్యేకంగా పరిచయం అక్కర్లేదు. విజయ్ నటించిన ఎన్నో సినిమాలు తెలుగులోకి డబ్బింగ్ అయిన విషయం తెలిసిందే. అలాగే కొన్ని తెలుగు సినిమాలలో కూడా నటించాడు విజయ్. ప్రస్తుతం ఎక్కువగా పాన్ ఇండియా సినిమాలలో నటిస్తూ దూసుకుపోతున్నారు. సినిమా హిట్టు ఫ్లాప్ తో సంబంధం లేకుండా వరుసగా అవకాశాలను అందుకుంటూ దూసుకుపోతున్నారు విజయ్. అలాగే రజినీకాంత్ గురించి కూడా మనందరికి తెలిసిందే.

We’re now on WhatsApp. Click to Join
రజినీకాంత్ ఈ వయసులో కూడా అదే ఊపుతో సినిమాలలో నటిస్తూ దూసుకుపోతున్నారు. ఇటీవల జైలర్ సినిమాకి రజినీకాంత్ భారీ పారితోషకం అందుకున్న సంగతి తెలిసిందే. 600 కోట్లకు పైగా కలెక్షన్స్ రాబట్టిన జైలర్ సినిమాకు గాను రజిని దాదాపు 210 కోట్ల రెమ్యూనరేషన్ అందుకున్నట్లు సమాచారం. ఇప్పుడు దళపతి విజయ్, రజినీకాంత్‌ని మించి రెమ్యూనరేషన్ తీసుకుంటున్నారట. ఇటీవల విజయ్ నటించిన లియో సినిమా కూడా 600 కోట్లకు పైగా కలెక్షన్స్ ని నమోదు చేసింది.

Also Read: Trisha: ఆ విషయంలో నయనతార రికార్డును త్రిష బద్దలు కొట్టిందా.. ఇందులో నిజమెంత?

దీంతో విజయ్ కూడా తన పారితోషకాన్ని భారీగా పెంచేసినట్లు సమాచారం. తన 69వ సినిమాకి విజయ్ ఏకంగా రూ.250 కోట్ల రెమ్యూనరేషన్ ని తీసుకుంటున్నట్లు వార్తలు వినిపిస్తున్నాయి. తమిళ్ ఇండస్ట్రీలోనే ఇది హైయెస్ట్ రెమ్యూనరేషన్. ఈ వార్తల్లో నిజానిజాల గురించి తెలియదు కానీ ఈ వార్త మాత్రం ప్రస్తుతం సోషల్ మీడియాలో తెగ వైరల్ అవుతోంది. కాగా విజయ్ 69వ చిత్రాన్ని హెచ్ వినోద్ డైరెక్ట్ చేస్తున్నారు. స్టూడియో గ్రీన్ అండ్ డివివి ఎంటర్టైన్మెంట్స్ ఈ సినిమాని నిర్మించబోతున్నట్లు సమాచారం. కాగా ఈ మూవీ పొలిటికల్ యాక్షన్ డ్రామాగా ఆడియన్స్ ముందుకు రాబోతుందట. మరి ఈ సినిమాకి విజయ్ తీసుకుంటున్న భారీ రెమ్యూనరేషన్ లో ఎంత నిజముందో తెలియదు. ప్రస్తుతం ఈ 250 కోట్ల పారితోషికం వార్త వైరల్ గా మారింది.

Also Read: Vijay Deverakonda: దళపతి విజయ్ పాలిటిక్స్ పై అలాంటి కామెంట్స్ చేసిన విజయ్ దేవరకొండ.?