Samyuktha Menon: మరో బంపర్ ఆఫర్ కొట్టేసిన సంయుక్త.. ఆ డైరెక్టర్ సినిమాలో అవకాశం?

Samyuktha Menon

టాలీవుడ్ హీరోయిన్ సంయుక్త మీనన్‌ గురించి ప్రత్యేకంగా చెప్పాల్సిన పని లేదు. ఈ మధ్యకాలంలో తెలుగు సినిమా ఇండస్ట్రీలో ఎక్కువగా వినిపిస్తున్న పేర్లలో హీరోయిన్ సంయుక్త పేరు కూడా ఒకటి. భీమ్లా నాయక్ సినిమాతో తెలుగు సినిమా ఇండస్ట్రీకి పరిచయమైన ఈ ముద్దుగుమ్మ వరసగా అవకాశాలను అందుకుంటూ దూసుకుపోతోంది. దానికి తోడు ఈ ముద్దుగుమ్మ నటించిన సినిమాలు అన్నీ కూడా సూపర్ హిట్ గా నిలవడంతో ఈమె క్రేజ్ మరింత పెరిగింది.

కాగా సంయుక్త నటించిన భీమ్లా నాయక్‌, బింబిసార, సార్‌, విరూపాక్ష సినిమాలు హిట్ అవ్వడంతో సంయుక్త కు గెల్డెన్‌ లెగ్‌ అనే పేరు కూడా వచ్చింది. దాంతో చాలా వరకు దర్శకులు, హీరోలు సంయుక్త వైపే చూస్తున్నారు. దాంతో తెలుగు సినిమా ఇండస్ట్రీలో సంయుక్త మోస్ట్ వాంటెడ్ హీరోయిన్ గా మారిపోయింది. అంతేకాకుండా సంయుక్త ఏ సినిమాలో నటిస్తే ఆ సినిమా సూపర్ హిట్ అవడం ఖాయం అన్న భావన కూడా ప్రేక్షకులలో నెలకొంది. దీంతో ఈ ముద్దుగుమ్మకు అవకాశాలు వెల్లువెత్తుతున్నాయి. ఇది ఇలా ఉంటే తాజాగా అందిన సమాచారం ప్రకారం ఈ ముద్దుగుమ్మకు మరో సినిమా అవకాశం వచ్చినట్టు తెలుస్తోంది.

హీరో అల్లు అర్జున్ పుష్ప సినిమా తర్వాత త్రివిక్రమ్ శ్రీనివాస్ దర్శకత్వంలో ఒక సినిమా చేయనున్న సంగతి మనందరికీ తెలిసిందే. సినిమాలో అల్లు అర్జున్ కి జోడిగా సంయుక్తను హీరోయిన్ గా ఫిక్స్ చేశారట డైరెక్టర్ త్రివిక్రమ్ శ్రీనివాస్. అంతేకాకుండా త్వరలోనే ఈ సినిమాకు సంబంధించిన అఫీషియల్ ఆనౌన్స్మెంట్ కూడా రానున్నట్లు సిని వర్గాలలో వార్తలు జోరుగా వినిపిస్తున్నాయి. ఈ సినిమాతో పాటు సంయుక్త ఒకే చెప్పాల్సిన ఇంకా కొన్ని సినిమాలు ఇంకా చర్చల దశలో ఉన్నట్టు తెలుస్తోంది. కాగా సంయుక్త ఇటీవలే విరూపాక్ష సినిమాతో ప్రేక్షకులను పలకరించిన విషయం తెలిసిందే. భారీ అంచనాల నడుమ విడుదలైన ఈ సినిమా బ్లాక్ బస్టర్ హిట్ ను అందుకోవడంతోపాటు కలెక్షన్ ల వర్షం కురిపించింది.

Follow us