Project K Release Date: వరల్డ్ ఈజ్ వెయిటింగ్.. ప్రభాస్ Project K రిలీజ్ డేట్ ఫిక్స్!
ప్రాజెక్ట్-K (Project K) వర్కింగ్ టైటిల్ తో చిత్రీకరణ జరుపుకుంటున్న ఈ మూవీ పై ఆడియన్స్ లో భారీ అంచనాలు ఉన్నాయి.
- Author : Balu J
Date : 18-02-2023 - 12:34 IST
Published By : Hashtagu Telugu Desk
పాన్ ఇండియా స్టార్ ప్రభాస్ (Prabhas), మహానటి ఫేమ్ నాగ అశ్విన్ తో ఒక సినిమా చేస్తున్న సంగతి తెలిసిందే. ప్రాజెక్ట్-K (Project K) వర్కింగ్ టైటిల్ తో చిత్రీకరణ జరుపుకుంటున్న ఈ మూవీ పై ఆడియన్స్ లో భారీ అంచనాలు ఉన్నాయి. సైన్స్ ఫిక్షన్ యాక్షన్ డ్రామాగా వస్తున్న ఈ చిత్రం అడ్వాన్స్ టెక్నాలజీ రోబోటిక్స్ నేపథ్యంతో ఉండబోతుంది. దీంతో ఈ మూవీ (Project K) కోసం ప్రత్యేకంగా వెహికల్స్, కాస్ట్యూమ్స్ అన్ని డిజైన్ చేయిస్తున్నాడు దర్శకుడు. ఈ క్రమంలోనే ఇటీవల ఒక భారీ టైర్ ని తయారు చేస్తున్న వీడియోని రిలీజ్ చేశారు మేకర్స్.
తాజాగా ఎటువంటి హడావుడి లేకుండా ఈ మూవీ విడుదల తేదీని అనౌన్స్ చేస్తూ ఒక పోస్టర్ ని రిలీజ్ చేసి అందర్నీ సర్ప్రైజ్ చేశారు దర్శక నిర్మాతలు. మహాశివరాత్రి శుభాకాంక్షలు తెలియజేస్తూ.. ప్రాజెక్ట్-K 2024 జనవరి 12న సంక్రాంతి కానుకగా రిలీజ్ కాబోతుంది అంటూ తెలియాజేశారు. కాగా డేట్ అనౌన్స్ చేసిన పోస్టర్ (Poster) అందర్నీ ఆకట్టుకుంటుంది.
పోస్టర్ లో ఒక పెద్ద చెయ్యి నెల పై పడి ఉండగా, దాని చుట్టూ అడ్వాన్స్ మెషిన్స్ పడి ఉన్నాయి. ఇక ఆ చేతి ముందు ముగ్గురు వ్యక్తులు గన్ పట్టుకొని కనిపిస్తున్నారు. ఈ పోస్టర్ లో ‘వరల్డ్ ఈజ్ వెయిటింగ్’ అంటూ రాసుకొచ్చారు. పోస్టర్ చూస్తుంటే మర్వెల్ మూవీస్ తరహాలో సినిమా ఉండబోతున్నట్లు తెలుస్తుంది. ఈ పోస్టర్ తో ప్రేక్షకుల్లో అంచనాలు మరింత పెరిగిపోయాయి. కాగా ఈ మూవీ (Project K) రెండు భాగాలుగా రాబోతుంది అంటూ ఇటీవల గట్టిగా వార్తలు వినిపించాయి.
Also Read: Nag-Naresh Multistarrer: టాలీవుడ్ లో మరో మల్టీస్టారర్.. నాగ్ తో అల్లరి నరేష్ మూవీ!
Follow us
