Anchor Suma: స్టేజ్ పై అనుదీప్ ని ఒక ఆట ఆడుకున్న యాంకర్ సుమ..?

Mixcollage 13 Mar 2024 12 37 Pm 6934

రీసెంట్ సెన్సేషన్ ప్రేమలు తెలుగు ప్రేక్షకుల అభిమానాన్ని సంపాదించుకుంది. ఎస్ఎస్ కార్తికేయ ఈ చిత్రాన్ని తెలుగులోకి తీసుకొచ్చిన విషయం తెలిసిందే. ఇలా ఫస్ట్ టైం ఒక సినిమాను డిస్ట్రిబ్యూట్ చేసిన కార్తికేయకు మంచి ఫలితం వచ్చింది. ఈ చిత్రం ఇంకా కలెక్షన్లను పెంచుకుంటూ పోతూనే ఉంది. ఈ క్రమంలోనే తాజాగా మంగళవారం నాడు సక్సెస్ మీట్‌ను నిర్వహించారు. ఈ ఈవెంట్‌లో రాజమౌళి, అనిల్ రావిపూడి వంటి వారు సందడి చేశారు. ఇక జాతి రత్నాలు ఫేమ్ అనుదీప్ స్టేజ్ మీద ఎక్కడంతో అల్లరి మొదలైంది. సుమ, అనుదీప్ కాంబోకి ఉన్న క్రేజ్ అందరికీ తెలిసిందే.

ఇక ఈ ప్రేమలు సక్సెస్ మీట్‌లో సుమ అందరి కంటే ఎక్కువగా హైలెట్ అయింది. ఎందుకంటే అటు మలయాళం, ఇటు తెలుగులో ఒకే సారి మాట్లాడుతూ ఈ వెంట్‌ను నడిపించింది. ప్రేమలు టీంతో మలయాళంలో ఇంటరాక్ట్ అయింది. స్టేజ్ మీద కూడా మలయాళంతో దంచి కొట్టేసింది.
అనుదీప్ వచ్చి రావడంతోనే సుమకు దొరికేశాడు. ఈ సినిమాను చూశాను చాలా బాగా నచ్చింది అని అనుదీప్ చెప్పగా.. సుమకు అనుమానం వస్తుంది. నిజంగా చూశావా? అని అడుగుతుంది. చూశా అని అంటాడు అనుదీప్. ఒక మూడు ప్రశ్నలు అడుగుతాను సమాధానం చెప్పు అని పరీక్షిస్తుంది సుమ. దీంతో అనుదీప్ దొరికిపోతాడు.

సినిమా చూడకుండానే చూశానని చెప్పావ్ కదా? అని దొరకపట్టేసింది. కార్తికేయ కూడా చూడలేదట.. చూడకపోయినా పర్లేదు రా, వచ్చి మాట్లాడు అని అన్నాడట. అందుకే వచ్చానని చెప్పుకొచ్చాడు అనుదీప్. రేపు కచ్చితంగా చూస్తాను అని అనుదీప్ చెప్పుకొచ్చాడు. ఇక అనుదీప్ ఏదో మాట్లాడేందుకు ప్రయత్నించాడు. కానీ ప్రేక్షకుల మాత్రం గోలగోల చేసేశారు. రాజమౌళి, కీరవాణిలను చూడటం ఇదే ఫస్ట్ టైం అని అనుదీప్ అంటే సుమ షాక్ అవుతుంది. ఏంటి? అని సుమ అడగ్గానే.. అదే నేరుగా, ఇలా చూడటం ఇదే ఫస్ట్ టైం, ఇంత వరకు ఎప్పుడూ చూడలేదు అని అనుదీప్ అంటాడు. దీంతో రాజమౌళి తెగ నవ్వేస్తాడు. కిల్, మ్యారేజ్, ఫ్రెండ్ అంటూ జెన్నిఫర్, బ్రిట్నీస్పియర్, సుమను తెరపై చూపిస్తారు. ఇందులో ఎవరిని ఏ ఆప్షన్‌గా తీసుకుంటావో చెప్పు అని సుమ అడుగుతుంది. చిన్నప్పటి నుంచి బ్రిట్నీస్పియర్ అంటే ఇష్టమని ఆమెతో మ్యారేజ్ అని అంటాడు. జెన్నిఫర్ ఫ్రెండ్ అని చెబుతాడు. అంటే నన్నే చంపేస్తావా? అని సుమ అంటుంది. అంటే కొంచెం అలాంటిదే అని అనుదీప్ నవ్విస్తాడు. అలా యాంకర్ సుమ అనుదీప్ ని స్టేజి పైనే ఒక ఆట ఆడేసుకుంది.

Follow us