IT Raids : ఆ హీరోలపై ఐటీ అధికారుల నజర్‌..?
IT Raids : సినిమా నిర్మాణ సంస్థలు, నిర్మాతలపై ఐటీ సోదాలు జరగగా.. కొంతమంది ప్రముఖ హీరోల ఆర్థిక లావాదేవీలపై కూడా విచారణ జరుగుతుండడం ప్రముఖంగా చెప్పుకుంటున్నారు. ఈ నేపధ్యంలో, పెద్ద బ్యానర్ల నుండి భారీ అడ్వాన్సులు తీసుకున్న విషయం కూడా ఐటీ అధికారులకు ప్రత్యేక దృష్టిని ఆకర్షించిందని పరిశ్రమలో టాక్‌ నడుస్తోంది.
- By Kavya Krishna Published Date - 07:26 PM, Tue - 21 January 25
IT Raids : తెలుగు చిత్ర పరిశ్రమలో ఆదాయ పన్ను శాఖ దాడులు మరోసారి చర్చనీయాంశంగా మారాయి. ఈసారి సినిమా నిర్మాణ సంస్థలు, నిర్మాతలపై ఐటీ సోదాలు జరగగా.. కొంతమంది ప్రముఖ హీరోల ఆర్థిక లావాదేవీలపై కూడా విచారణ జరుగుతుండడం ప్రముఖంగా చెప్పుకుంటున్నారు. ఈ నేపధ్యంలో, పెద్ద బ్యానర్ల నుండి భారీ అడ్వాన్సులు తీసుకున్న విషయం కూడా ఐటీ అధికారులకు ప్రత్యేక దృష్టిని ఆకర్షించిందని పరిశ్రమలో టాక్‌ నడుస్తోంది.
ఇండస్ట్రీలో అనేక ప్రముఖ హీరోలు తమ తదుపరి చిత్రాలకు సంబంధించి పెద్ద బ్యానర్ల నుంచి అడ్వాన్సులు తీసుకోవడం నిజమే. అయితే, ఈ లావాదేవీలలో భాగంగా కొంత భాగం క్యాష్ రూపంలో జరగడం సమస్యగా మారింది. నిబంధనల ప్రకారం, ఆర్థిక లావాదేవీలు బ్యాంక్ ద్వారా జరగాలి. కానీ క్యాష్ చెల్లింపులు పన్ను ఎగవేతకు దారితీస్తున్నాయని ఐటీ అధికారులు అభిప్రాయపడుతున్నారు, ఇది పరిశ్రమపై తీవ్ర ప్రభావాన్ని చూపిస్తున్నది.
TGreen Policy 2025 : తెలంగాణలో ‘హరిత’ వెలుగులు.. ‘టీ‌గ్రీన్ -2025’ పాలసీలో ఏముందో తెలుసా ?
ఇటీవలి కాలంలో భారీ బడ్జెట్ చిత్రాల పెరుగుదలతో పాటు, హీరోల రెమ్యునరేషన్లు కూడా అమాంతం పెరిగాయి. పాన్ ఇండియా స్థాయిలో హీరోలు 100 కోట్లకు పైగా రెమ్యునరేషన్ తీసుకుంటున్నారు, మద్య స్థాయి హీరోలు 15 నుంచి 30 కోట్ల వరకు తీసుకుంటున్నారని సమాచారం. ఈ మొత్తంలో కొంత భాగం బ్యాంకింగ్ వ్యవస్థ ద్వారా జరగడం, మరొక భాగం మాత్రం క్యాష్ రూపంలో జరుగుతుండటం, పన్ను దాడులకు ప్రధాన కారణమయ్యే అవకాశం ఉంది.
ప్రస్తుతం, ఐటీ అధికారులు పెద్ద దృష్టిని క్యాష్ ట్రాన్సాక్షన్లు , పెద్ద బడ్జెట్ లావాదేవీలపై సారించారు. బ్యానర్లు చెల్లించిన మొత్తాలు, హీరోలు తీసుకున్న రశీదులు, వాటి డేటా ఆధారంగా విచారణ చేస్తున్నారని సమాచారం. ఇది పన్ను చెల్లింపులకు సంబంధించిన నిబంధనలను పాటిస్తున్నారా అనే విషయాన్ని పరిశీలిస్తున్నారు.
ఈ పరిణామాలు పరిశ్రమపై తీవ్ర ప్రభావం చూపే అవకాశం ఉంది. ఇప్పటికే కొన్ని నిర్మాణ సంస్థలు, నిర్మాతలు తమ లావాదేవీలను పారదర్శకంగా నిర్వహించాలనుకుంటున్నారు. పన్ను ఎగవేతపై ఆరోపణలు, పరిశ్రమలో నమ్మకం కోల్పోవడానికి దారితీస్తాయని అంచనా వేయబడుతోంది. కాబట్టి, భవిష్యత్తులో, పరిశ్రమ మొత్తం పన్ను చెల్లింపుల విషయంలో మరింత జాగ్రత్తగా వ్యవహరించాల్సిన అవసరం ఉంది. ప్రస్తుతం తెలుగు చిత్ర పరిశ్రమ భారీ బడ్జెట్ చిత్రాలతో పాన్ ఇండియా స్థాయిలో దూసుకెళ్లిపోతున్నప్పటికీ, ఈ ఐటీ దాడులు పరిశ్రమపై ఎంతవరకు ప్రభావం చూపుతాయనేది ఆసక్తి కలిగించే అంశంగా మారింది. పరిశ్రమలో ప్రముఖులు, దీనికి పరిష్కారంగా పారదర్శకతను పెంచడం కీలకమని అభిప్రాయపడుతున్నారు.
Almond : ప్రతిరోజూ బాదం తినడం వల్ల కలిగే 8 ఆరోగ్య ప్రయోజనాలు..
