Pooja Hegde: ఒక్క హిట్ కోసం వెయిటింగ్

New Web Story Copy (63)

Pooja Hegde: టాలీవుడ్ బ్యూటీ పూజ హెగ్డే అందం, అభినయంతో తెలుగు సినిమా ఇండస్ట్రీలో పాతుకుపోయింది. వరుస హిట్లు అందుకుంటూ టాప్ హీరోల సరసన నటిస్తుంది. అయితే ఒకప్పుడు అమ్మడు పట్టిందల్లా బంగారమే. కానీ ప్రస్తుతం పూజ హెగ్డే వరుస ప్లాపులతో సతమతమవుతోంది. అల్లు అర్జున్ పూజ హెగ్డే జంటగా నటించిన అల వైకుంఠపురంలో సినిమా బ్లాక్ బ్లాస్టర్ హిట్ కొట్టింది. ఈ సినిమాలో పూజ అందాల ఆరబోత ప్రేక్షకులను ఆకట్టుకుంది. త్రివిక్రమ్ డైరెక్ట్ చేసిన ఈ సినిమా బాక్సాఫీస్ వద్ద ప్రభంజనం సృష్టించింది. కాగా పూజ హెగ్డే చివరి హిట్ సినిమా ఇదే కావడం విశేషం.

కోలీవుడ్ సూపర్ స్టార్ విజయ్ హీరోగా పూజ హెగ్డే హీరొయిన్ గా నటించిన చిత్రం బీస్ట్. భారీ హైప్ తో వచ్చిన ఈ చిత్రం బాక్సాఫీస్ వద్ద డిజాస్టర్ గా నిలిచింది. ఇక ఈ సినిమాతో కోలీవుడ్ లో సక్సెస్ కొట్టాలని భావించిన పూజా పాపకి చేదు అనుభవం ఎదురైంది. టాలీవుడ్ లో ప్రస్తుతం పూజా జాతకం అంతగా బాగున్నట్టు లేదు. యంగ్ రెబల్ స్టార్ ప్రభాస్ తో నటించే అవకాశం దక్కించుకున్న పూజాహెగ్డే రాధేశ్యామ్ లో నటించింది. అయితే ఈ చిత్రం కూడా పూజాకి కలిసి రాలేదు. భారీ తారాగణంతో విడుదలైన ఈ చిత్రం భారీ ప్లాప్ టాక్ ని మూటగట్టుకుంది. ఇక రామ్ చరణ్, మెగాస్టార్ చిరంజీవి కాంబోలో వచ్చిన ఆచార్య సినిమా డిజాస్టర్ లిస్ట్ లోకి వెళ్ళింది. కొరటాల సినిమా అంటే ప్రేక్షకుల్లో ఒక విధమైన బజ్ క్రియేట్ అవుతుంది. ఎన్నో అంచనాల మధ్య విడుదలైన ఆచార్య సైతం బాక్సాఫీస్ ని ఆకట్టుకోలేకపోయింది. ఈ చిత్రంపై పూజాహెగ్డే ఎన్నో ఆశలు పెట్టుకుంది. కాగా సినిమా ప్లాప్ అవ్వడంతో పూజాహెగ్డే ఖాతాలో మరి డిజాస్టర్ చేరింది. బాలీవుడ్ కండల వీరుడు సల్మాన్ ఖాన్ పూజాహెగ్డే హీరోహీరోయిన్లుగా నటించిన కీసి కా భాయ్ కీసి కా జాన్ చిత్రం ప్లాప్ అయింది. దీంతో పూజాహెగ్డే వరుస ప్లాపులతో సతమతమవుతోంది. ఒక్క సాలిడ్ హిట్ కోసం ఎదురుచూస్తుంది ఈ అమ్మడు.

పూజాహెగ్డే ప్రస్తుతం టాలీవుడ్ లో ఓ క్రేజీ ప్రాజెక్ట్ లో నటిస్తుంది. త్రివిక్రమ్ దర్శకత్వంలో మహేష్ బాబు హీరోగా, పూజాహెగ్డే హీరోయిన్ గా నటిస్తున్న చిత్రం వర్కింగ్ టైటిల్ SSMB 28. అతడు, ఖలేజా తర్వాత ఈ సినిమా తెరకెక్కుతుండటంతో ప్రేక్షకుల్లో భారీగా అంచనాలున్నాయి. కాగా.. పూజాహెగ్డే ఈ చిత్రంపై ఎన్నో ఆశలు పెట్టుకుంది. ఈ చిత్రంతో అయినా హిట్ ట్రాక్ ఎక్కాలనుకుంటుంది. చూడాలి మరి పూజాహెగ్డే ఆశ నెరవేరుతుందో లేదో.

Read More: Pawan Kalyan: నేను విన్నాను.. నేను చూశాను, అకాల వర్షాలపై పవన్ రియాక్షన్!

Follow us