Chay : 35లో అడుగుపెట్టిన చైతూ. బర్త్ డే ను ఎలా జరుపుకున్నాడంటే?

టాలీవుడ్ హీరో నాగచైతన్యకు ‘లవ్ స్టోరీ’ సక్సెస్ మంచి కిక్ ఇచ్చింది. అమీర్ ఖాన్ తో నటిస్తున్న బాలీవుడ్ మూవీ కూడా విడుదలకు సిద్ధంగా ఉంది. బాంగార్రాజులో తండ్రి నాగ్ తో నటిస్తున్న చైతూ నవంబర్ 23న తన 35వ పుట్టినరోజును జరుపుకుంటున్నాడు. ఈ సందర్భంగా చైతూ మాట్లాడుతూ “నటుడిగా నేను ఎన్నడూ ఎక్కువ ఆత్మవిశ్వాసాన్ని అనుభవించలేదు. ఇప్పటి వరకు, ఒక నటుడిగా నన్ను అర్థం చేసుకోవడానికి ప్రయత్నించే ప్రక్రియ. ఇప్పుడు మాత్రమే నటుడిగా నా బలాలు, బలహీనతలు నాకు తెలుసు అని భావిస్తున్నా. నా కెరీర్‌లో మొదట్లో మా నాన్నగారితో సినిమా చేశాను.. అందులో నేను ద్విపాత్రాభినయం చేసిన ‘మనం’ మంచి పేరు తీసుకుకొచ్చింది. అందులో మా తాత స్వర్గీయ అక్కినేని నాగేశ్వరరావు కూడా భాగమయ్యారు. ఇప్పుడు మళ్లీ మా నాన్నగారితో తలపడేంత కాన్ఫిడెంట్‌గా (సినిమాలో) ఉన్నాను” అని చెప్పాడు.

“బంగార్రాజు 2016లో వచ్చిన మా నాన్నగారి సూపర్‌హిట్ చిత్రం సోగ్గాడే చిన్ని నాయనాకు సీక్వెల్,” ” నా పాత్ర చాలా తక్కువగా ఉంటుంది. కొంత యాక్షన్ కూడా ఉంది. ఇది అవుట్ అండ్ అవుట్ కమర్షియల్ ఎంటర్‌టైనర్ అవుతుంది. ఎందుకంటే అభిమానులు మా నుంచి ఆశించేది అదే.”

“నేను నటనకు ప్రాధాన్యం ఉండే పాత్రలను ఇష్టపడతాను. మా నాన్న వేరే నటనా పాఠశాలకు చెందినవారు. ప్రజలు కమర్షియల్ సినిమా చేయడం చాలా సులభం అని అనుకుంటారు, అయితే లార్జర్-దన్-లైఫ్ జానర్‌లో ఏదైనా ప్రయత్నించడం చాలా కష్టమని నేను భావిస్తా. పుట్టినరోజు ప్రణాళికలు ఏమిటి అడగ్గా.. “అలాంటి ప్రణాళికలు లేవు. నేను నెల మొత్తం మైసూర్‌లో ఉన్నాను, బంగార్రాజు షూటింగ్‌లో ఉన్నాను. నా పుట్టినరోజున ఈ చిత్రం టీజర్‌ను విడుదల చేస్తారని నేను అనుకుంటున్నా. ఇది నాకు పని దినం, వేరే మార్గం లేదు’’ అని సమాధానమిచ్చారు.

Follow us