God Father Mishap: గాడ్ ఫాదర్ ప్రిరిలీజ్ లో అపశ్రుతి.. మెగా అభిమాని మృతి, ఇద్దరికి గాయాలు!

God Fahter

చిరంజీవి ‘గాడ్‌ఫాదర్‌’ సినిమా ప్రీ రిలీజ్‌ ఈవెంట్‌కు హాజరయ్యేందుకు వెళ్లిన ఓ యువకుడు రోడ్డు ప్రమాదంలో మృతి చెందిన సంఘటన బుధవారం అనంతపురంలో జరిగింది. గుత్తి మండలం చెర్లోపల్లికి చెందిన రాజశేఖర్ (23), అతని స్నేహితుడు అభిరామ్ బుధవారం ఉదయం అనంతపురంలోని ఆర్ట్స్ కాలేజీ గ్రౌండ్స్‌లో సినిమా ప్రీ రిలీజ్ ఈవెంట్‌కు హాజరయ్యేందుకు బైక్‌పై బయలుదేరారు.

గార్లదిన్నె మండలం తలగాచిపల్లి సమీపంలో 44వ జాతీయ రహదారిపై అకస్మాత్తుగా ఓ కుక్క రోడ్డుపైకి రావడంతో బైక్‌ను అదుపు చేయలేక రోడ్డుపై పడిపోయారు. రాజశేఖర్ అక్కడికక్కడే మృతి చెందగా, అభిరామ్ గాయపడ్డారు. ఆయనను అనంతపురంలోని ఓ ఆసుపత్రిలో చేర్చారు.
గార్లదిన్నె పోలీసులు కేసు నమోదు చేసి దర్యాప్తు చేపట్టారు. ఈవెంట్ కోసం వేలాది మంది అభిమానులు మైదానంలోకి వచ్చారు. తొక్కిసలాటలో, రహ్మత్ నగర్ నివాసి అఖిల తీవ్రంగా గాయపడింది. పోలీసులు ఆమెను ఆసుపత్రికి తరలించారు.

Follow us