Akhanda 2 Paid Premieres: ‘అఖండ 2’ ప్రీమియర్ షోలు రద్దు.. రీజన్ ఇదే!
ప్రీమియర్ షోలు రద్దు అయినప్పటికీ ఈ సినిమా విడుదల మాత్రం నిలిచిపోలేదు. ఈ చిత్రం భారతదేశంలో రేపటి నుండి (డిసెంబర్ 5) కేవలం సాధారణ షోలతోనే ప్రేక్షకుల ముందుకు రానుంది.
- Author : Gopichand
Date : 04-12-2025 - 7:40 IST
Published By : Hashtagu Telugu Desk
Akhanda 2 Paid Premieres: నందమూరి బాలకృష్ణ, దర్శకుడు బోయపాటి శ్రీను కాంబినేషన్లో వస్తున్న భారీ అంచనాల చిత్రం ‘అఖండ 2’ విడుదలకు సంబంధించి ఊహించని పరిణామం చోటుచేసుకుంది. ఈ రాత్రి దేశవ్యాప్తంగా జరగాల్సిన పెయిడ్ ప్రీమియర్ షోలు (Akhanda 2 Paid Premieres) అన్నీ రద్దు అయ్యాయి. ఈ తాజా, షాకింగ్ అప్డేట్తో సినిమా విడుదల కోసం ఎదురుచూస్తున్న బాలయ్య అభిమానులు, సినీ ప్రేమికులు తీవ్ర నిరాశకు లోనయ్యారు.
సాంకేతిక సమస్యల పేరుతో రద్దు
నిర్మాణ సంస్థ అధికారికంగా ఈ రద్దుకు ‘సాంకేతిక సమస్యలు’ కారణమని పేర్కొంది. అయితే సినిమా పరిశ్రమలో మాత్రం దీనికి వేరే కారణాలు ఉన్నాయనే ఊహాగానాలు బలంగా వినిపిస్తున్నాయి. ఈ ఉదయం నుండి సోషల్ మీడియా, సినీ వర్గాలలో కొన్ని నివేదికలు వైరల్ అయ్యాయి. వాటి ప్రకారం.. 14 రీల్స్ ప్లస్ (14 Reels Plus), ఈరోస్ ఇంటర్నేషనల్ (Eros International) మధ్య గత ప్రాజెక్టులకు సంబంధించిన ఆర్థిక వివాదాలు ఉన్నాయని, వాటి కారణంగానే ఈ ప్రీమియర్ షోల విషయంలో సమస్య తలెత్తిందని తెలుస్తోంది. ఈ ఆర్థిక చిక్కుముడుల కారణంగానే ఈ ముఖ్యమైన సమయంలో ప్రీమియర్లు ఆగిపోయాయని పలువురు అనుకుంటున్నారు. ఈ రద్దు నిర్ణయం అభిమానులకు, అలాగే విదేశీ ప్రేక్షకుల కంటే ముందే సినిమాను వీక్షించాలని టికెట్లు కొనుగోలు చేసిన న్యూట్రల్ ఆడియన్స్కు పెద్ద ఎదురుదెబ్బ తగిలినట్లయింది.
Also Read: Putin Religion: రష్యా అధ్యక్షుడు పుతిన్ పాటించే మతం ఏమిటి? ఆయనకు దేవుడిపై విశ్వాసం ఉందా?
#Akhanda2 Premieres in India scheduled for today are cancelled due to technical issues.
We've tried our best, but a few things are beyond our control. Sorry for the inconvenience.
The overseas premieres will play as per the schedule today.
— 14 Reels Plus (@14ReelsPlus) December 4, 2025
రేపటి నుండి సాధారణ విడుదల
ప్రీమియర్ షోలు రద్దు అయినప్పటికీ ఈ సినిమా విడుదల మాత్రం నిలిచిపోలేదు. ఈ చిత్రం భారతదేశంలో రేపటి నుండి (డిసెంబర్ 5) కేవలం సాధారణ షోలతోనే ప్రేక్షకుల ముందుకు రానుంది. అయితే విదేశాల్లో జరగాల్సిన ప్రీమియర్ షోలు మాత్రం సమయానికి ప్రారంభమవుతాయని ‘అఖండ 2’ టీమ్ స్పష్టం చేసింది. ఈ పరిణామం భారతీయ ప్రేక్షకుల్లో కొంత అసంతృప్తిని పెంచింది. బోయపాటి శ్రీను దర్శకత్వం వహించిన ఈ చిత్రంలో నందమూరి బాలకృష్ణ ప్రధాన పాత్ర పోషించారు. ఆది పినిశెట్టి, సంయుక్త మీనన్, హర్షాలీ మల్హోత్రా వంటి నటీనటులు కీలక పాత్రల్లో నటించారు. ఈ భారీ యాక్షన్ ఎంటర్టైనర్ తదుపరి అప్డేట్స్, వసూళ్ల వివరాల కోసం ప్రేక్షకులు ఉత్కంఠగా ఎదురుచూస్తున్నారు.
Follow us
