Tillu Square: టిల్లు స్క్వేర్ సినిమాలో బిగ్ బాస్ బ్యూటీ శ్రీ సత్య సీన్స్ డిలీట్ చేసారా?
- By Sailaja Reddy Published Date - 08:41 AM, Tue - 2 April 24
టాలీవుడ్ యంగ్ హీరో సిద్దు జొన్నలగడ్డ, అనుపమ పరమేశ్వరన్ కలిసి నటించిన తాజా చిత్రం టిల్లు స్క్వేర్. గతంలో విడుదల అయిన డీజే టిల్లు సినిమాకు ఈ సినిమా సీక్వెల్ గా రూపొందిన విషయం తెలిసిందే. తాజాగా భారీ అంచనాల నడుమ విడుదలైన ఈ సినిమా బ్లాక్ బస్టర్ హిట్టుగా నిలిచింది. ఈ సినిమాకు ప్రేక్షకుల నుంచి పాజిటివ్ గా స్పందన లభిస్తోంది. ఇకపోతే తాజాగా విడుదల అయిన టిల్లు స్క్వేర్ మూవీలో అనుపమ హీరోయిన్ గా నటించిన విషయం తెలిసిందే..
డీజే టిల్లుకి సీక్వెల్ గా రూపొందిన ఈ చిత్రంలో నేహశెట్టి గెస్ట్ అపిరెన్స్ ఇచ్చి ఆడియన్స్ తో విజుల్స్ వేయించారు. కాగా ఈ మూవీలో టిల్లు గాడు ఈ ఇద్దరి భామలతోనే కాకుండా బిగ్‌బాస్ బ్యూటీ శ్రీ సత్యతో కూడా కొన్ని సీన్స్ చేశారట. అయితే సినిమాలో ఈ సీన్ ఎక్కడా కనిపించలేదు. మూవీలో శ్రీసత్య ఉన్నా కూడా ఎవరు గుర్తించలేని పరిస్థితి. ఎందుకంటే కేవలం రాధిక సాంగ్‌లో వెనకాల నిలబడి కనిపిస్తుంది. అయితే ఈ సినిమాలో శ్రీసత్య పాత్ర కొంచెం ఎక్కువగానే ఉండేదట. సిద్ధూతో శ్రీ సత్యకి సంబంధించిన కొన్ని సీన్స్ తెరకెక్కించారట. ఈ విషయాన్ని శ్రీ సత్య ఒక ఇంటర్వ్యూలో చెప్పుకొచ్చింది. కానీ ఎడిటింగ్ లో అవన్నీ కట్ చేసి, చివరికి అసలు మూవీలో శ్రీ సత్య సీన్సే లేకుండా చేసారట.
View this post on Instagram
మరి ఆ సీన్స్ ని ఓటీటీ వెర్షన్ లో అయినా రిలీజ్ చేస్తారా లేదా చూడాలి మరీ. కాగా ఈ సినిమా మొదటి వీకెండ్ లోనే బ్రేక్ ఈవెన్ సాదించేసి అదుర్స్ అనిపించింది. మొదటి సినిమా కంటే సీక్వెల్ పెద్ద విజయం సాధించడం అనేది బాహుబలి, కేజీఎఫ్ తరువాత మళ్ళీ ఈ సినిమాకే జరిగిందని చెప్పొచ్చు. ఈ సినిమా ఇప్పటికే రూ.68.1 కోట్ల గ్రాస్ కలెక్షన్స్ ని రాబట్టింది. దీని దూకుడు చూస్తుంటే మొదటి వారం పూర్తి కాకముందే 100 కోట్ల మార్క్ ని అందుకునేలా కనిపిస్తుంది. మరి ఈ సినిమా ముందు ముందు ఇంకా ఎలాంటి అంచనాలను అందుకుంటుందో చూడాలి మరి.
