Allu Arjun: ఐకాన్ స్టార్ అల్లు అర్జున్ కి మరో అరుదైన గౌరవం

Cropped (4)

‘పుష్ప’ సినిమాతో ప్రపంచవ్యాప్తంగా గుర్తింపు తెచ్చుకున్నాడు స్టార్ హీరో అల్లు అర్జున్ (Allu Arjun). తాజాగా బన్నీ జీక్యూ మెన్ మేగజైన్ 2022కి గానూ.. జీక్యూ మెన్ ఆఫ్ ది ఇయర్ 2022 అవార్డును అందుకున్నాడు. స్వయంగా జీక్యూ టీమ్ హైదరాబాద్‌కు వచ్చి అల్లు అర్జున్ (Allu Arjun)కి ఈ అవార్డును అందజేశారు.

ఇక తెలుగు సినీ పరిశ్రమ నుంచి ఈ అవార్డు అందుకున్న మొట్టమొదటి నటుడిగా అల్లు అర్జున్ నిలిచారు. ఇక ప్రస్తుతానికి అల్లు అర్జున్ తన పుష్ప 2 సినిమా షూటింగ్ లో బిజీ బిజీగా గడుపుతున్నారు. సుకుమార్ దర్శకత్వంలో రూపొందుతున్న పుష్ప 2 సినిమాలో మరిన్ని ట్విస్టులు యాడ్ చేశారని ఒక రేంజ్ లో ఈ సెకండ్ పార్ట్ సినిమా ప్లాన్ చేస్తున్నారని ప్రచారం అయితే పెద్ద ఎత్తున జరుగుతోంది. ఇక ఈ అవార్డు అందుకున్న అల్లు అర్జున్ ఈ విషయాన్ని తన సోషల్ మీడియా వేదికగా పంచుకున్నారు.

ఆయన జీక్యూ ఇండియాకి థాంక్స్ చెబుతూ నన్ను లీడింగ్ మ్యాన్ ఆఫ్ 20 22 గా ఎన్నుకొని సత్కరించినందుకు థ్యాంక్స్ చెప్పారు. కవర్ మీద నేను ఉండటం చాలా ప్లెజర్ లా ఉందని నా లిస్టులో ఉన్న టార్గెట్స్ లో ఒక టార్గెట్ అచీవ్ అయ్యానని, ఈ సందర్భంగా అల్లు అర్జున్ పేర్కొన్నారు. అంతేగాక అవార్డు అందుకుంటున్న ఫోటోలు సైతం ఆయన సోషల్ మీడియాలో పోస్ట్ చేశారు. ఐకాన్ స్టార్ కి ఈ ప్రఖ్యాత అవార్డు దక్కడంతో పలువురు సినీ ప్రముఖులు సైతం ఆయనకి అభినందనలు తెలియచేస్తున్నారు.

Also Read: YouTuber : ప్రముఖ యూట్యూబర్‌ పై దారుణంగా ట్రోల్స్..!

టాలీవుడ్ ఐకాన్ స్టార్ అల్లు అర్జున్ ప్రస్తుతం పుష్ప ది రూల్ మూవీ చేస్తోన్న సంగతి తెలిసిందే. రష్మిక మందన్న హీరోయిన్ గా మైత్రి మూవీ మేకర్స్ బ్యానర్ పై రూపొందుతున్న ఈ మూవీని సుకుమార్ తెరకెక్కిస్తుండగా దేవిశ్రీప్రసాద్ సంగీతం అందిస్తున్నారు. ఇటీవల షూటింగ్ ప్రారంభం అయిన పుష్ప ది రూల్ మూవీ వచ్చే ఏడాది చివరిలో ఆడియన్స్ ముందుకి రానుంది.

Follow us